14de Dinastie van Egipte
Die 14de Dinastie (ook Dinastie XIV geskryf; omstreeks 1725-1650 v.C.) was ’n koningshuis van Antieke Egipte wat tydens die Tweede Oorgangstydperk oor die Nyldelta regeer het. Die dinastie se hoofstad was waarskynlik Avaris.[1] Die 14de Dinastie het saam met die 13de Dinastie regeer wat in Memphis gebaseer was. Die heersers was Kanaänities of Wes-Semities as ’n mens kyk na die oorsprong van die farao's se name soos Ipqu, Yakbim, Qareh en Yaqub-Har.[1] Soms word die 14de Dinastie beskou as deel van die Middelryk.
Die chronologiese posisie van die dinastie is onseker en verskil soms tot 75 jaar onder geleerdes.
Die meeste geleerdes stem saam dat ’n hongersnood of dalk ook plaag voorgekom het ná die baie kort bewind van Nehesy wat tot aan die einde van die dinastie kon geheers het.[1][2] Dieselfde hongersnood kon ook die 13de Dinastie geraak het. Die swak toestand van albei dinastieë kan deels verduidelik hoekom hulle geswig het voor die opkomende Hyksos-mag.[1]
Heersers
wysigVolgens die Manetho-tradisie was daar tot 76 farao's in die 14de Dinastie. Die Turynse Koningslys noem egter net 56 en het nie genoeg plek om meer as 70 konings te lys nie.
Die presiese grense van die dinastie is nie bekend nie weens die tekort aan monumente wat behoue gebly het. Seels van die dinastie is egter gevind in Middel- en Bo-Egipte tot so ver suid as Dongola, onder die Derde Katarak van die Nylrivier. In die noorde is seels gevind tot in die Suid-Levant en die hedendaagse Libanon.[1] Dit dui op belangrike handelsbetrekkinge met Kanaän en Nubië.[1]
Die volgorde van die dinastie word aangegee deur die Turynse Koningslys en word algemeen aanvaar. Daar was nog vyf heersers voor hulle, volgens Ryholt.[1]
 Farao
|
 Bewind
|
 Notas
| |||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Nehesy Aasehre | 1705 v.C. | Bekendste koning van die dinastie; bekend uit twee monumente in Avaris. Sy naam beteken "Die Nubiër".[3] | |||||||||||||||||
| Chacherewre | 1705 v.C. | - | |||||||||||||||||
| Nebefawre | 1704 v.C. | Bewind: 1 jaar, 5 maande, 15 dae | |||||||||||||||||
| Sehebre | Bewind: 3 jaar [weg] maande, 1 dag | ||||||||||||||||||
| Merdjefare | tot 1699 v.C. | Bekend uit ’n enkele stele in die Delta[4] | |||||||||||||||||
| Sewadjkare III | Bewind: 1 jaar | ||||||||||||||||||
| Nebdjefare | tot 1694 v.C. | - | |||||||||||||||||
| Webenre | - | ||||||||||||||||||
| Onbekend | Weg op die Turynse Koningslys | ||||||||||||||||||
| [...]djefare | - | ||||||||||||||||||
| [...]webenre | tot 1690 v.C. | - | |||||||||||||||||
| Awibre II | - | ||||||||||||||||||
| Heribre | - | ||||||||||||||||||
| Nebsenre | - | ||||||||||||||||||
| Onbekend | wsf op die Turynse Koningslys | ||||||||||||||||||
| [...]re | - | ||||||||||||||||||
| Secheperenre | - | ||||||||||||||||||
| Djedcherewre | - | ||||||||||||||||||
| Sanchibre II | - | ||||||||||||||||||
| Nefertoem[...]re | - | ||||||||||||||||||
| Sechem[...]re | - | ||||||||||||||||||
| Kakemoere | - | ||||||||||||||||||
| Neferibre | - | ||||||||||||||||||
| I[...]re | - | ||||||||||||||||||
| Chakare | - | ||||||||||||||||||
| Akare | - | ||||||||||||||||||
| Hapoe[...] Semenenre | - | ||||||||||||||||||
| Anati Djedkare | - | ||||||||||||||||||
| Bebnoem [...]kare | - | ||||||||||||||||||
| Onbekend | Agt reëls op die Turynse Koningslys | ||||||||||||||||||
| Senefer...re | - | ||||||||||||||||||
| Men[...]re | - | ||||||||||||||||||
| Djed[...]re | - | ||||||||||||||||||
| Onbekend | Drie reëls weg | ||||||||||||||||||
| Ink [...] | - | ||||||||||||||||||
| 'A[...] | - | ||||||||||||||||||
| Apophis I (?) | - | ||||||||||||||||||
| Onbekend | Vyf reëls weg | ||||||||||||||||||
Daar is ook verskeie ander konings moontlik uit die 14de[1] of 15de Dinastie[5] wat bekend is uit artefakte uit hul tyd, maar wat nie op die Turynse Koningslys genoem word nie.
Verwysings
wysig- ↑ 1,0 1,1 1,2 1,3 1,4 1,5 1,6 1,7 Kim Ryholt, The Political Situation in Egypt during the Second Intermediate Period, Museum Tusculanum Press, (1997)
- ↑ Manfred Bietak, "Egypt and Canaan During the Middle Bronze Age," BASOR, 281 (1991), pp. 21-72, esp. p. 38, aanlyn beskikbaar
- ↑ Darrell D. Baker, The Encyclopedia of the Pharaohs: Volume I - Predynastic to the Twentieth Dynasty 3300–1069 v.C., Stacey International, ISBN 978-1-905299-37-9, 2008, p. 277
- ↑ Kenneth Kitchen: Ramesside Inscriptions, Blackwell Publishing 1993, ISBN 0631184279, p.546
- ↑ Daphna Ben-Tor: Scarabs, Chronology, and Interconnections: Egypt and Palestine in the Second Intermediate Period, Volume 27 of Orbis biblicus et orientalis / Series archaeologica: Series archaeologica, Academic Press Fribourg 2007, ISBN 978-3-7278-1593-5, uittreksels aanlyn beskikbaar
| Voorafgegaan deur ← 13de Dinastie |
14de Dinastie | Opgevolg deur 15de Dinastie → |