14de eeu v.C.
eeu
Gebeure
wysig- 1397 v.C.: Pandion I, die legendariese koning van Athene, sterf ná ’n bewind van 40 jaar en word opgevolg deur sy seun Erechtheus II.
- 1390 v.C.: Die opkoms van die Assiriërs as ’n onafhanklike mag in Mesopotamië.
- 1380 v.C.: Amenhotep III verbind die Nylrivier en die Rooisee met ’n kanaal.
- 1372 v.C.: Die Hetiete verower die hele Koninkryk van Mitanni wes van die Eufraat.
- 1347 v.C.: Erechtheus II van Athene word ná ’n bewind van 50 jaar deur weerlig doodgeslaan en deur sy jonger broer Kekrops II opgevolg.
- 1346 v.C.: Farao Amenhotep IV van Antieke Egipte begin met die aanbidding van die god Aten en die bou van Amarna as sy nuwe hoofstad.
- 1345 v.C.: Amenhotep IV hernoem homself Achenaten.
- Omstreeks 1334 v.C.: Toetankaten word farao van Egipte en trou met Anchesenpaaten, die dogter van sy voorganger, Achenaten.
- 1331 v.C.: Toetankaten hernoem homself Toetankamen. Hy verlaat Amarna en skuif sy hoofstad terug na Thebe, Egipte.
- 1324 v.C.: Farao Ai word koning van Egipte.
- 1320 v.C.: Einde van die 18de Dinastie van Egipte en die begin van die 19de Dinastie.
- 1310 v.C.: Die Bhagavad Gita word geskryf volgens sommige Hindoe-tradisies.
- 1300 v.C.: Kekrops II van Athene sterf ná ’n bewind van 40 jaar en word opgevolg deur sy seun Pandion II.
- 1307 v.C.: Adad-nirari I word koning van Assirië.