Afghaanse Krieketraad
Die Afghaanse Krieketraad (Engels: Afghanistan Cricket Board, afgekort “ACB”; Pasjtoe: د افغانستان کريکټ بورډ; Persies: کریکت بورد افغانستان), voorheen bekend as die Afghaanse Krieketfederasie (Afghanistan Cricket Federation, ACF), is die bestuursliggaam wat krieket in Afghanistan beheer. Die beheerliggaam is in 1995 gestig en by die Alokozay Kabul Internasionale Krieketveld in Kaboel gesetel. Sedert 2017 verteenwoordig dit Afghanistan by die Internasionale Krieketraad (IKR) as ’n volle lid en sedert 2001 ook by die Asiatiese Krieketraad (Asian Cricket Council, ACC).
| Afghaanse Krieketraad | |
|---|---|
 Kenteken van die Afghaanse Krieketraad
| |
| Engelse naam | Afghanistan Cricket Board |
| Afkorting | ACB |
| Pasjtoenaam | د افغانستان کريکټ بورډ |
| Oerdoenaam | کریکت بورد افغانستان |
| Land | .svg){kind=small} Afghanistan
|
| Sportsoort | Krieket |
| Stigting | 1995 |
| Gestig in | Pakistan |
| Lid van | Internasionale Krieketraad |
| Aangesluit in | 2013 |
| Vastelandse beheerliggaam | Asiatiese Krieketraad |
| Voorsitter | Mirwais Ashraf |
| Hoof- uitvoerende beampte | Naseeb Khan |
| Setel | Alokozay Kabul Internasionale Krieketveld, Kaboel, Afghanistan |
| Amptelike tale | Engels, Pasjtoe en Persies |
| Amptelike webwerf | cricket.af |
Geskiedenis
wysigDie beheerliggaam se stigting in 1995 as die Afghaanse Krieketfederasie is deur die Taliban geduld.[1] Vanaf 1996 tot in 2001 het die Taliban alle sportbedryfe in die land verbied[2] en nadat dié verbod in 2001 opgehef is, het Afghanistan ’n geaffilieerde lid van die Internasionale Krieketraad geword en die eerste Afghaanse nasionale krieketspan is saamgeroep.[1] In Junie 2003 het Afghanistan ’n geassosieerde lid van die Asiatiese Krieketraad geword.[3] In Junie 2009 is die beheerliggaam deur die destydse president Hamid Karzai as ’n onafhanklike beheerliggaam erken en in Afghaanse Krieketraad hernoem.[4] In 2011 is met internasionale hulp die Alokozay Kabul Internasionale Krieketveld, die eerste krieketstadion in Afghanistan, opgerig, en dit dien sedertdien as die beheerliggaam se opleidingsentrum.[5] In Junie 2013 het Afghanistan ’n geassosieerde lid van die IKR geword, waarmee ’n verhoogde finansiële ondersteuning gepaard gegaan het.[6] Op 22 Junie 2017 het Afghanistan – saam met Ierland – ’n volle lid van die IKR geword en mag dus toetskrieket speel, wat na die belangrikste en vernaamste internasionale krieketwedstryde verwys.[7] Daarbenewens het die Afghaanse beheerliggaam in 2001 ’n lid van die Asiatiese Krieketraad (Asian Cricket Council, ACC) geword.[8]
As gevolg van die voortgesette burgeroorlog sedert 2001 en die magsoorname deur die Taliban in 2021, asook ’n gebrek aan fasiliteite op ’n internasionale standaard, is die nasionale krieketspan gedwonge om sy tuiswedstryde in sy buurlande te speel. Van Afghanistan se amptelike tuiswedstryde is al in Indië, Sri Lanka en die Verenigde Arabiese Emirate gespeel. In Januarie 2021 het die Afghaanse Krieketraad aangekondig dat hulle die moontlikheid ondersoek om Oman as ’n nuwe “tuiste” vir internasionale krieketwedstryde te gebruik.[9]
Taak
wysig
Die Afghaanse Krieketraad organiseer verskeie nasionale spanne, insluitend Afghanistan se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is die Afghaanse Krieketraad verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Afghaanse span.
Daarbenewens bestuur die beheerliggaam kinder- en jeugkrieket in Afghanistan. Net soos ander krieketlande beskik Afghanistan oor ’n o/19-nasionale span wat aan die o/19-krieketwêreldbeker deelneem.[10] Afghanistan A is die tweede nasionale span van Afghanistan en van hul wedstryde geniet eersterangse of A-lys-status.
Die beheerliggaam reël ook die plaaslike kompetisies. Die belangrikste krieketligas in Afghanistan is die Ahmad Shah Abdali 4-day Tournament in eersterangse krieket (vyf spanne), die Ghazi Amanullah Khan Regional One Day Tournament in EDI-krieket (agt spanne), asook die Afghanistan Premierliga en die Shpageeza Krieketliga in T20-krieket (onderskeidelik vyf en ses spanne).
Verwysings
wysig- ↑ 1,0 1,1 (en) Tim Wigmore (22 Augustus 2014). "The man who gave Afghanistan their mojo". ESPNcricinfo. Besoek op 16 Februarie 2024.
- ↑ (en) Shereena Qazi (30 September 2018). "How Afghanistan fell in love with cricket". Al Jazeera. Besoek op 16 Februarie 2024.
- ↑ (en) "Afghanistan awarded Associate Membership of Asian Cricket Council". ESPNcricinfo. 25 Junie 2003. Besoek op 16 Februarie 2024.
- ↑ (en) Lavanya Singhal (13 September 2018). "Afghanistan Premier League: Icon Players Chosen". Arabian Gazette. Geargiveer vanaf die oorspronklike op 28 November 2021. Besoek op 28 November 2021.
- ↑ (en) "First International Cricket Stadium Opens in Kabul". Khaama Press. 19 Desember 2011. Besoek op 16 Februarie 2024.
- ↑ (en) "Afghanistan get Associate membership". ESPNcricinfo. 28 Junie 2013. Besoek op 16 Februarie 2024.
- ↑ (en) "Afghanistan Cricket Board". Internasionale Krieketraad. Besoek op 16 Februarie 2024.
- ↑ (en) "Inaugural Meeting of The Asian Cricket Conference on 19th and 20th September 1983, New Delhi, India". Asiatiese Krieketraad. Besoek op 16 Februarie 2024.
- ↑ (en) Atif Azam (12 Januarie 2021). "Afghanistan eye Oman as new 'home'". Cricbuzz. Besoek op 16 Februarie 2024.
- ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 16 Februarie 2024.
Eksterne skakels
wysig- (en) (fa) (ps) Amptelike webwerf van die Afghaanse Krieketraad