Maak hoofkeuseskerm oop

Die African Independent Congress (AIC) is 'n klein politieke party in Suid-Afrika.

African Independent Congress
AIC
Leier Mandla Galo[1]
Gestig 12 Desember 2005
Hoofkwartier Matatiele
Amptelike kleure Swart, groen, goud
Webblad www.aic.org.za

Die party is op 12 Desember 2005 in Matatiele gestig in protes teen die African National Congress se besluit om die dorp by die Oos-Kaap in plaas van KwaZulu-Natal in te lyf. Hulle ag hulself as "slagoffers van politieke manipulasie" en beskou die ANC as arrogant. Hulle is gekant teen 'n een partystaat, waar 'n regerende party besluite kan neem wat die hele land beïnvloed.

Hulle het 10 setels in die Matatiele-munisipaliteit tydens die Suid-Afrikaanse munisipale verkiesing van 2006 gewen, 1 setel in die Oos-Kaap in die Suid-Afrikaanse algemene verkiesing van 2009 en sewe setels in die Oos-Kaap en KwaZulu-Natal in die Suid-Afrikaanse munisipale verkiesing van 2011.[1]

Tydens die Suid-Afrikaanse algemene verkiesing van 2014 kry die AIC 97 642 stemme (0,53% van die totaal) wat die party 3 setels in die Nasionale Vergadering besorg terwyl hulle hul setel in die Oos-Kaap behou. Die party se naam het direk bo die ANC se naam op die nasionale stembrief verskyn. Hulle kenteken lyk ook baie soos die van die ANC. Dit het bespiegelinge laat ontstaan dat sommige kiesers die twee partye met mekaar verwar het, wat tot die buitengewone prestasie op nasionale vlak aanleiding kon gee. Die AIC het die bewering verwerp en gesê dat hulle lede in al die provinsies het.[2][3][4]

Inhoud

VerkiesingsresultateWysig

Nasionale verkiesingsWysig

Verkiesing Stemme % Setels
2019[5] 48 107 0,28 2
2014[6] 97 642 0,53 3

Provinsiale verkiesingsWysig

Verkiesing Oos-Kaap Vrystaat Gauteng KwaZulu-Natal Limpopo Mpumalanga Noordwes Noord-Kaap Wes-Kaap
% Setels % Setels % Setels % Setels % Setels % Setels % Setels % Setels % Setels
2014[6] 0,77% 1/63 0,31% 0/42

Munisipale verkiesingsWysig

Verkiesing Stemme %
2016[7] 333 655 0,87%

Sien ookWysig

VerwysingsWysig

  1. 1,0 1,1 (en) "Rise against incompetent leaders: AIC". Independent Online. Besoek op 15 Julie 2012. 
  2. (en) "AIC heads for Parliament: Did voters mistake it for ANC?". City Press. 8 Mei 2014. Besoek op 11 Mei 2014. 
  3. (en) "We did not get ANC votes - AIC". IOL. 9 Mei 2014. Besoek op 11 Mei 2014. 
  4. (af) AIC ontken hy het ANC-stemme gekry, Maroelamedia, besoek op 10 Mei 2014
  5. (en) "This is how many MPs each party can send to Parliament". News24. Besoek op 11 Mei 2019. 
  6. 6,0 6,1 (en) "2014 National and Provincial Elections Results – 2014 National and Provincial Election Results". elections.org.za. Besoek op 13 Oktober 2016. 
  7. (en) "Results Summary – All Ballots" (PDF). elections.org.za. Besoek op 13 Oktober 2016. 

Eksterne skakelsWysig