Age of Empires III

Age of Empires III of Age of Empires 3 (verkort na AoE3) is 'n rekenaarspeletjie wat deur Ensemble Studios ontwikkel en deur Microsoft uitgegee is. Dit is die derde speletjie in die Age of Empires-reeks, en die vierde in die Age-reeks. Die speletjie staan uit bo dié voor hom in die reeks deurdat hy kenmerkend beter grafiese eienskappe besit. Age of Empires III is 'n RTS-speletjie (Engelse afkorting vir Real-time Strategy), wat beteken dat die persoon in beheer amper soos 'n tipe van 'n god beheer het oor wat in die denkbeeldige wêreld op die rekenaar aangaan, en waar hy of sy baie mense se bewegings beheer en groot stede bou. Die era waarin Age of Empires III geset is, is tussen 1500 tot 1860 en dit handel uitsluitlik oor die ontdekking en die kolonialisering van die Amerikas.

Spesifikasies

Omdat die speletjie redelik nuut is (dit is in November 2005 uitgegee), loop dit die beste op rekenaars met goeie spesifikasies, alhoewel die speletjie steeds op stadiger rekenaars sal loop. Age of Empires III is slegs vervaardig vir gebruik op Microsoft Windows XP, alhoewel dit op Windows 2000 kan loop, indien die gebruiker ál die lêers en vouers van 'n XP-rekenaar, waarop die speletjie geïnstalleer is, oorkopieer na die Windows 2000-rekenaar. Die speletjie word uitgegee op drie laserskywe. Die minimum spesifikasies vir Age of Empires III is 'n sentrale verwerker van 1 400 MHz, lukrake toegangsgeheue van 256 MG en 2 GG oop spasie op 'n hardeskyf.

Daar is een uitbreiding al uitgegee, naamlik Age of Empires III: The Warchiefs (Oktober 2006). Die tweede een, getiteld Age of Empires III: The Asian Dynasties, sal in die lente van 2007 uitgegee word. Age of Empires III: The Asian Dynasties sal Oosterse beskawings in die speletjie bring. The Asian Dynasties sal nie deur Ensemble vervaardig word nie, maar eerder deur Big Huge Games - 'n studio wat bekendheid verwerf het met hul gesogte Rise of Nations-speletjie.

Ander Age-speletjies

Hierdie speletjies val almal in die Age-reeks van Esnemble Studios en Microsoft Games.

Age of Empires
- Age of Empires I
- Age of Empires II
  - Age of Mythology
- Age of Empires III

Nasies

Volk	Heerser	Tuisdorp
Spanjaarde	Konigin Isabella	Sevilla
Britte	Konigin Elizabeth	Londen
Franse	Napoléon Bonaparte	Parys
Portugese	Hendrik die Seevaarder	Lissabon
Nederlanders	Maurits van Oranje	Amsterdam
Russe	Iwan die Verskriklike	Sint Petersburg
Duitsers	Frederik II van Pruise	Berlyn
Ottomane	Süleyman I	Istanboel

Age of Empires III: The WarChiefs

Nasie	Rewolusionêr	Beskikbaar vir
Argentinië	José de San Martín	Duitse
Brasilië	José Bonifácio de Andrade e Silva	Portugese en Nederlanders
Chili	Bernardo O’Higgins	Ottomane en Spanjaarde
Venezuela	Francisco de Paula Santander	Ottomane, Franse en Russe
Haïti	François-Dominique Toussaint L’Ouverture	Franse en Britte
Meksiko	Miguel Hidalgo	Spanjaarde en Portugese
Peru	Simón Bolívar	Russe en Duitse
Verenigde State	George Washington	Britte en Nederlanders