Beenvis

Die Beenvis (Albula glossodonta) is 'n vis wat aan die ooskus van Afrika voorkom noordwaarts vanaf die Transkei. In Engels staan die vis bekend as die Bonefish.

Beenvis
Bewaringstatus
Kwesbaar  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Elopomorpha
Orde:	Albuliformes
Familie:	Albulidae
Genus:	Albula
Spesie:	A. glossodonta
Binomiale naam
Albula glossodonta (Forsskål 1775)

Voorkoms

Die vis het 'n lang silwer-grys liggaam wat piesangvormig is. Die stert is lank en kragtig terwyl die snoet ook lank is met die mond onder die snoet. Die gemiddelde vis weeg tussen 2 en 4 kg terwyl die swaarste visse sowat 10 kg weeg. Beide die Suid-Afrikaanse en wêreld rekord is in KwaZulu-Natal se water opgestel.

Habitat en gewoontes

Die Beenvis verkies vlak maar helder water van riviermondings en mere waar hulle in die sand vir prooi soek. Hulle kom enkel of in klein groepies voor en eet mossels, wurms, garnale, krappe of enige ander organisme wat in die sand voorkom.

Dit is nie gewilde eetvis nie as gevolg van die klein, fyn grate wat in die vis voorkom.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• Top Angling Fishes of Southern Africa. Hennie Crous. 2010. ISBN 978-1-77007-403-3
• Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.

Eksterne skakel

• http://fishbase.org/summary/Albula-glossodonta.html