Aloiampelos
Aloiampelos (rankaalwyne) is 'n nuwe genus wat geskep is vir rankaalwyne wat altyd deel was van die genus Aloe waar hulle saam groepeer was as Macrofolia. Daar is sewe spesies wat tot die genus hoort. Die rankaalwyne is almal redelik dun, slank amper draadagtige stamme. Die stamme moet gestut word om regop te bly wanneer die plante lank word deur byvoorbeeld omringende bome of struike.
| Rankaalwyne | |
|---|---|
| |
| Aloiampelos commixta | |
| Wetenskaplike klassifikasie | |
| Koninkryk: | |
| Subkoninkryk: | |
| Divisie: | |
| Klas: | |
| Subklas: | |
| Orde: | |
| Familie: | |
| Genus: | Aloiampelos |
| Spesies | |
|
| |
| |
| Verspreiding van rankaalwyne in Suid-Afrika | |
Die raseme is redelik kort en dra min, klein tot groot blomme. Die blare is altyd effens vlesig wat ver uitmekaar aan die dun stamme voorkom. Die skedevormige gedeeltes van die blare is gewoonlik duidelik gestreep. In oop plekke, weg van ander plante, is die dunne stamme gewoonlik wydstrekend tot kruipend. Die plante ontwikkel gewoonlik tot groot massas verstrengelde stamme wat soos groot vuurballe lyk wanneer hulle blom.
Die naam van die genus is afgelei van Aloe en ampelos, Grieks vir rankplant.
Die volgende spesies is deel van die genus:
- Aloiampelos ciliaris (Haw.) Klopper & Gideon.F.Sm.
- Aloiampelos commixta (A.Berger) Klopper & Gideon.F.Sm.
- Aloiampelos decumbens (Reynolds) Klopper & Gideon F.Sm.
- Aloiampelos gracilis (Haw.) Klopper & Gideon.F.Sm.
- Aloiampelos juddii (van Jaarsv.) Klopper & Gideon.F.Sm.
- Aloiampelos striatula (Haw.) Klopper & Gideon.F.Sm.
- Aloiampelos tenuior (Haw.) Klopper & Gideon.F.Sm.
Sien ook
wysigBronne
wysig- Gids tot die Aalwyne van Suid-Afrika, Ben-Erik van Wyk & Gideon F. Smith, Briza Publikasies, 2014, ISBN 978-1-920217-39-6
- PZAfrica