Oos-Kaapse rankaalwyn

Die Oos-Kaapse rankaalwyn (Aloiampelos ciliaris), voorheen Aloe ciliaris, is 'n rankaalwyn wat endemies is aan die Oos-Kaap waar dit voorkom van Gqeberha tot Kentani. Die plant se stam word tot 6 m lank en word deur omringende plantegroei gestut. Die stam is houtagtig en oor die grootste gedeelte blaarloos. Die blare word naby die punte van die takke gedra. Die blare is donkergroen en wyd gespasieer. Daar is wit haaragtige tande op die rand van die blare. Die bloeiwyse is gewoonlik 'n onvertakte raseem met groot helderrooi blomme met geel punte. Die plant blom regdeur die jaar.

Oos-Kaapse rankaalwyn
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eensaadlobbiges
Orde:	Asparagales
Familie:	Asphodelaceae
Subfamilie:	Asphodeloideae
Genus:	Aloiampelos
Spesie:	A. ciliaris
Binomiale naam
Aloiampelos ciliaris (Haw.) Klopper & Gideon.F.Sm., 2013
Verspreidings-kaart
Sinonieme
Aloe ciliaris Haw.

Die plant groei in boomryke klowe en tussen bosse in ruig plantegroei in die Oos-Kaap van seevlak tot 600 m. Die naam ciliaris verwys na die harige fraiings.

Galery

• 
• 
• 
• 
• 

Subspesies

Daar is vier subspesies:

• Aloiampelos ciliaris var. ciliaris
• Aloiampelos ciliaris nothovar. gigas (Resende) Gideon F.Sm. & Figueiredo
• Aloiampelos ciliaris var redacta (S.Carter) Klopper & Gideon F.Sm.
• Aloiampelos ciliaris var tidmarshii (Schönland) Klopper & Gideon F.Sm.

Sien ook

• Lys van aalwynspesies

Bronne

• SANBI Redlist
• Plants of the World Online
• Gids tot die Aalwyne van Suid-Afrika, Ben-Erik van Wyk & Gideon F. Smith, Briza Publikasies, 2014, ISBN 978-1-920217-39-6