Wikipedia

Alter Bridge

Amerikaanse rockgroep

Alter Bridge is ’n Amerikaanse rockgroep wat in 2004 gestig is in Orlando, Florida deur Mark Tremonti (hoofkitaar), Bryan Marshall (baskitaar), Scott Philips (tromme), destyds voormalige lede van Creed,[1] en Myles Kennedy, voorheen van die groep The Mayfield Four. Sedert die stigting van die groep is al die oorspronklike lede steeds lede. Die groep se naam is ontleen aan ’n werklike brug wat bestaan het in Detroit, Michigan naby waar Tremonti se huis langs Alterweg was.

Alter Bridge
Alter Bridge tree in 2017 by Rock am Ring op.
Agtergrondinligting
OorsprongOrlando, Florida, VSA
GenresPost-grunge, Hardrock
Jare aktief2004-hede
EtiketteWind-up, Universal Republic, Roadrunner, EMI, DC3 Global
AssosiasiesCreed, The Mayfield Four, Projected
WebwerfAmptelike webblad
LedeMyles Kennedy
Mark Tremonti
Scott Phillips
Brian Marshall
Die logo wat die groep op hul CD’s gebruik.

Na die ontbinding van Creed in 2004 het Tremonti, Marshall en Phillips met Kennedy begin saamwerk. Die groep het vier albums vrygestel—One Day Remains (2004), Blackbird (2007), AB III (2010) en Fortress (2013); twee konsertrolprente— Live from Amsterdam en Live at Wembley — en het steeds opnames gedoen en getoer ten spyte van Creed se reünie in 2009. Sedertdien het die twee groepe gelyktydig gewerk. Die lede van Alter Bridge is ook betrokke by verskeie ander projekte insluitend Creed, solo- en sessiewerk en Kennedy se samewerkings met die voormalige kitaarspeler van Guns N' Roses, Slash.

Teen Junie 2023 het Alter Bridge meer as vyf miljoen opnames wêreldwyd verkoop.[2]

Geskiedenis

wysig

Stigting en One Day Remains (2003–2006)

wysig

Alter Bridge se hoofkitaarspeler en stigter Mark Tremonti, baskitaarspeler Brian Marshall en tromspeler Scott Phillips was lede van Creed saam met die hoofsanger Scott Stapp sedert 1997. Na die vrystelling van twee suksesvolle albums het Marshall die groep in 2000 verlaat, gevolg deur die vrystelling van hulle derde album in 2001. Die groep het in 2003 ’n breek geneem na afloop van ’n kontroversiële toer. Daardie jaar het Tremonti nuwe liedjies begin skryf met die oog op die stigting van ’n nuwe groep met Phillips en Marshall. Hulle het gehou van Myles Kennedy se vorige groep, The Mayfield Four en het vir Kennedy genooi om as die nuwe hoofsanger op te tree.[3] Hulle het die nuwe groep Alter Bridge genoem na ’n werklike brug wat bestaan het naby Tremonti se huis langs Alterweg in Detroit, en het daarna begin met opnames vir hul debuutalbum.[4]

Creed het hul ontbinding in Junie 2004 aangekondig en kreatiewe verskille en toenemende spanning tussen Stapp en die ander groeplede as redes aangevoer.[5] Die stigting van Alter Bridge en van hul debuutalbum en die album se eerste enkelspeler, “Open Your Eyes”, het saamgeval met hierdie aankondiging. Die groeplede het gevoel dat Creed sy eindpunt bereik het en was vasberade om te fokus op hulle toekoms met die nuwe sanger.[3] Alter Bridge se debuutalbum, One Day Remains is op 10 Augustus 2004 vrygestel deur Wind-up Records en het gemengde resensies ontvang.[6][7] Die album is vervaardig deur Ben Grosse (wat ook albums vir kunstenaars soos Filter, Fuel en Sevendust vervaardig het),[4] en het 750,000 eksemplare wêreldwyd verkoop en slegs goue status bereik,[8] baie minder as die multi-platinum sukses wat Creed bereik het. Dit #5 op die Billboard 200 bereik en vir veertien weke daar gebly.[9] Na “Open Your Eyes,” is nog twee enkelspeler van die album vrygestel: “Find the Real” en “Broken Wings.” Hierdie album is ook die enigste waarop Kennedy nie kitaar speel nie aangesien die album naby aan klaar was teen die tyd wat Kennedy by die groep aangesluit het. Kennedy het wel op toer met verskeie liedjies saamgespeel. Al die musiek en die meeste van die lirieke is deur Tremonti geskryf met Kennedy wat van die oorblywende liedjies se lirieke self geskryf of ook daarmee gehelp het.[10]

Verskeie liedjies van One Day Remains het ’n affiliasie met WWE gevestig, “Metalingus” in besonder aangesien dit deur voormalige WWE-superster Edge in 2004 aangeneem is as sy intreelied en dit het so gebly tot sy uittrede in 2011. Alter Bridge het later saam met Edge in ’n agter-die-skerms-insetsel verskyn in ’n episode van WWE Raw in 2005.[11] Alter Bridge het in 2005 ook ’n buitengewone instrumentale lied getiteld “Ahavo Rabo Taco Salad” vrygestel vir Total Guitar-tydskrif. Dit was aanvanklik slegs ’n projek van Tremonti maar die res van die groep het hulle by hom aangesluit.[12] 'n Lied getiteld “Save Me” is ingesluit in die klankbaan vir die rolprent Elektra in 2005.[13] Die klankbaan vir ’n ander rolprent van Marvel, Fantastic Four het ook ’n lied van Alter Bridge, “Shed My Skin,” ingesluit.[14] Daardie jaar het die groep ’n EP, Fan EP, vrygestel met vier liedjies op wat hulle as ’n promosionele CD in Europa gebruik het.

Verandering van platemaatskappy en Blackbird (2006–2009)

wysig
 
Alter Bridge het omvattend getoer ter bevordering van hul 2007-album Blackbird.

Voor die laaste been van die One Day Remains-toer in 2006 het Alter Bridge se verhouding met Wind-up Records begin versleg omdat die platemaatskappy nie die groep se visie gedeel het nie. Die groep het sedert die vrystelling van One Day Remains gevra om vrygestel te word maar is tot April 2006 geweier toe alle opname-, publiserings- en bevoorradingsooreenkomste uiteindelik beëindig is.[15] Alter Bridge het egter steeds kritiek ervaar, insluitend kritiek oor die ontbinding van Creed, druk om Creed weer op die been te bring en verskeie vals aantygings dat Creed herenig sou word. Sommige kritici het so ver gegaan as om te sê dat Alter Bridge se musiek klink soos dié van Creed met ’n ander sanger. Ten spyte daarvan dat Creed in 2009 weer ’n album uitgegee het,[16] het Tremonti gesê dat “Creed as ’n groep nooit weer sal bestaan nie.”[15]

In 2007 het Alter Bridge aangekondig dat hulle ’n kontrak met Universal Republic Records onderteken het. Tremonti het van die groep se nuwe liedjies gesê: “Ek dink dit is die beste werk wat ons nóg gedoen het.”[17] Alter Bridge se tweede album, Blackbird, met die suksesvolle enkelspelers “Rise Today” en “Watch Over You” is op 9 Oktober 2007 vrygestel.[18] “Watch Over You” was in 2008 te sien in VH1 se Celebrity Rehab with Dr. Drew en die musiekvideo bevat grepe van die reeks.[19] ’n Ander weergawe van die lied met Cristina Scabbia van Lacuna Coil is beskikbaar in iTunes Store.[20] Blackbird is goed ontvang deur kritici en het ’n gradering van 9,4 uit 10 gekry op die Ultimate Guitar Archive.[21] Die album het ook die hoogaangeskrewe titelsnit bevat met die kitaarsolo wat later deur Guitarist aangeprys is en no. 1 op hulle lys van beste kitaarsolo’s van alle tye bereik het[22]

Die groep het ’n suksesvolle wêreldtoer onderneem ter ondersteuning van Blackbird en het hul konsert in die Heineken Music Hall in Amsterdam op 7 Desember 2008 opgeneem vir ’n konsertrolprent getiteld Live from Amsterdam.[23] Die DVD is eksklusief verkoop by lokale gedurende Creed se reünietoer in 2009 en op Amazon.com.[24] Die DVD is besonder goed ontvang en het “by die duisende” verkoop in teenstelling met Amazom se verwagting van “honderde”. Dit het die no. 1-plek bereik op Amazon se “Topverkopers in Musiekvideo’s en Konserte” en vir ’n aantal weke daar gebly.[23][25] 'n Blu-ray-weergawe en ’n luukse weergawe wat in winkels verkoop sou word het egter in ’n kontroversie uitgeloop omdat dit telke male deur Universal Republic vertraag is, wat ondersteuners en groeplede gefrustreerd gelaat het. Dit is uiteindelik op 11 Januarie 2011 in winkels regoor Noord-Amerika vrygestel na twee jaar se gesloer.[26]

Myles Kennedy het sedert 2008 groot lof ontvang toe daar gerugte ontstaan het dat hy saam met voormalige lede van Led Zeppelin gewerk het.[27][28][29] Hoewel die gerugte dat Kennedy met Led Zeppelin sou saamwerk onwaar was,[30] Kennedy het later bevestig dat hy saam met Jimmy Page, John Paul Jones en Jason Bonham liedjies geskryf en geoefen het.[31]

Weer ’n verandering in platemaatskappy en AB III (2009–2012)

wysig

In 2009 het Alter Bridge ’n ruskans geniet na die bekendmaking van Creed se reünie-toer en nuwe album. Terwyl Tremonti, Marshall en Phillips saam met Scott Stapp as Creed getoer het, het Kennedy gewerk aan sy eerste solo-album en het hy breedvoerig met die kitaarspeler van Velvet Revolver, Slash, begin saamwerk, soveel so dat hy in 2010 en 2011 as hoofsanger saam met Slash getoer het.[32] Alter Bridge het egter steeds regdeur 2009 musiek geskryf en tussen Februarie en Mei 2010 het hulle begin met opnames vir hul derde album.[33][34]

Op 17 Julie 2010 het Billboard geskryf dat Alter Bridge ’n platekontrak met Roadrunner Records onderteken het an dat hulle in 2011 saam met Godsmack sou toer.[35] Hoewel die groep ontken het dat hulle saam met Godsmack sou toer, het hulle die titel van die nuwe album as AB III bekendgemaak saam met ’n snitlys op hul webblad vroeg in Augustus[36] en die gerugte dat ’n kontrak met Roadrunner onderteken is, is deur die maatskappy in ’n persverklaring bevestig. Die persverklaring het ook ’n aankondiging ingesluit dat AB III op 8 Oktober 2010 vrygestel sou word.[37] Op 6 September 2010 het Roadrunner die eerste enkelspeler, Isolation, op hul webblad bekendgestel waar aangekondig is dat die enkelspeler op 26 September 2010 in die Verenigde Koninkryk beskikbaar gestel sou word,[38] Die lied het uiteindelik die groep se mees suksesvolel lied geword deur no. 1 op active rock-radio te bereik en ook op die Hot Mainstreak Rock Tracks, ’n eerste vir Alter Bridge.[39] AB III is deur Roadrunner Records op 8 Oktober 2010 in Australië en Duitsland vrygestel en op 11 Oktober in die Verenigde Koninkryk. Op 9 November 2010 is dit in Noord-Amerika vrygestel deur Alter Bridge Recordings via EMI.[40] Die album het sy buiging op no. 17 op die Billboard 200 gemaak.[39] Die musiekvideo vir “Isolation” is vir die eerste keer op 6 Desember 2010 op Noisecreep vertoon.[41] Op 11 Januarie 2011 is die langverwagte konsertrolprent en -album, Live from Amsterdam in winkels vrygestel.[26] “I Know It Hurts” is later op 21 Januarie 2011 slegs in Australië as die tweede enkelspeler vrygestel.[42] “Ghost of Days Gone By” is op 18 April 2011 as die volgende enkelspeler vrygestel,[43] gevolg deur “Wonderful Life” op 5 Junie 2011 in die Verenigde Koninkryk.[44]

Die groep het bekendgemaak dat AB III veel “donkerder” en wat die lirieke betref verder verwyderd sou wees van hul vorige albums en dit is ook bevestig dat die album saamgestel is as ’n konsepalbum.[45] AB III is met vrystelling met “oorweldigende toejuiging” deur professionele resensente ontvang[46] met MusicRadar wat dit “een van dié kitaaralbums van die jaar” genoem het.[47] Artistdirect het die album ’n perfekte telling gegee en dit ’n “meesterstuk” genoem.[48] ’n Huldigingsalbum aan Alter Bridge getiteld String Tribute to Alter Bridge met klassieke verwerkings van verskeie Alter Bridge-liedjies is op 8 Maart 2011 vrygestel.[49] Op 25 Oktober 2011 het Alter Bridge ’n spesiale uitgawe van AB III, getiteld AB III.5, bekendgestel waarop drie bonussnitte en ’n uurlange dokumentêr getiteld One by One was.[50]

IN 2010 het die groep saam met Slaves of Gravity in die Verenigde Koninkryk en Teddy Porter en Like a Storm in die Verenigde State getoer ter ondersteuning van AB III.[51] In 2011 het hulle saam met Black Stone Cherry en Like a Storm in die Verenigde State getoer.[52][53][54] In die middel van 2011 het Alter Bridge by verskeie Europese feeste opgetree, insluitend die Rock am Ring en Rock am Park-feeste,[55][56] Die Nova Rock-fees,[57][58] Die 2011 Download-fees,[59] die 2011 Hellfest Summer Open Air[60] en verskeie ander. Op 25 April 2011 het Alter Bridge ’n gratis konsert op Jimmy Kimmel Live gehou wat op die ABC-netwerk uitgesaai is.[61] Die groep was medehoofkunstenaar saam met Theory of a Deadman tydens die tweede jaarlikse Carnival of Madness-toer in 2011, met ondersteunende groepe soos Black Stone Cherry, Adelitas Way en Emphatic.[62] Die toer is verleng tot Januarie 2012 toe die groep in Australië by onder meer die Soundwave-fees gespeel het.[63] Die groep het ’n aantal webisodes vrygestel wat hul toer uiteensit en deur DC3 Music Group vervaardig is.[64] In aansluiting hierby is ’n tweede konsertrolprent getiteld Live at Wembley op 29 November 2011 opgeneem in die Wembley-arena tydens die groep se grootste optrede tot nog toe.[65] Dit is op 26 Maart 2012 wêreldwyd vrygestel[66] en sal later in 3D vrygestel word.[67]

Musikale styl

wysig

Daar word dikwels van Alter Bridge se musiek gesê dat dit “swaar, dog melodies” is.[68] Hulle musiek word onder verskeie genres ingedeel insluitend rock, hardrock, alternatiewe metal, post-grunge, heavy metal en progressiewe metal.[1][69][70]

Alter Bridge se musiek word deur Kennedy en Tremonti geskryf en deur Alter Bridge verwerk met die lirieke wat hoofsaaklik deur Kennedy geskryf is. Tremonti het egter die meeste van die lirieke en al die musiek op One Day Remains self geskryf. Die lirieke op die eerste twee albums gaan grootliks in op hoop en die oorwinning van berou, hartseer, verdriet, eensaamheid, pyn en verslawing.[21][45][71] Die onderwerpe op AB III is aansienlik donkerder met liriese temas wat gebaseer is op ’n geworstel met geloof en die verlies van onskuld.[72][69]

Die groep is bekend vir hul konserte en speel gewoonlik nie in groot lokale soos arenas en amfiteaters nie. Hulle speel eerder in kleiner lokale soos House od Blues, soos wat hul bedoeling aanvanklik was.[3] Myles Kennedy het in ’n onderhoud met Artistdirect gesê “Alter Bridge is definitief ’n konsertgroep. Dit is waaroor dit vir ons gaan. Ons maak albums sodat ons vir mense kan gaan speel.”[73] Die groep het saam met verskeie gaste opgetree, insluitend Slash[74] Paul Reed Smith,[75] Wolfgang Van Halen,[76] Eric Friedman en verskeie noemenswaardige musikante soos Eddie Van Halen,[77] Jimmy Page en John Paul Jones,[78] het al na Alter Bridge se konserte gaan kyk. Alter Bridge se konsertoptredes word oor die algemeen hoog aangeslaan.[79]

Aktivisme

wysig

Alter Bridge het vroeg in 2010 by die Rolstoelstigting, DC3 Music Group en ander kunstenaars soos Scott Stapp, Godsmack en New Kids on the Block aangesluit om by te staan met die Plane to Haiti-projek, ’n hulpverleningsprojek vir die slagoffers van die aardbewing in Haïti in 2010.[80] Die groep het ook by die stryd teen kanker aangesluit in 2011 deur die “Play for Life”-organisasie te help met insamel van fondse vir die City of Hope Mediese Sentrum, ’n leidende kankernavorsingsentrum.[81]

Toekennings en eerbetone

wysig

In Oktober 2010 is die groep se lied “Ties That Bind” van Blackbird deur Total Guitar gelys as die 41ste grootste kitaarlied van die dekade[82] met Ultimate Guitar wat AB III in Desember 2010 benoem het as die sewende beste album van daardie jaar.[83] In Maart van die volgende jaar is die dubbele kitaarsolo in die hoogaangeskrewe lied “Blackbird” deur Guitarist benoem as die grootste kitarsolo van alle tye, bo liedjies deur kunstenaars soos Led Zeppelin, Guns N' Roses, Van Halen, Pink Floyd en andere.[22] Myles Kennedy het hierop gereageer deur te sê dat hy “effens ongemaklik is met die idee dat dit as die ‘beste’ benoem is” maar hy en Tremonti het albei genoem dat hule geëerd voel.[84] In Mei 2011 het die groep groepe soos Avenged Sevenfold, Linkin Park, Three Days Grace en ander verslaan in Fuse TV se peiling vir “Battle of the Fans”. Daar is soveel as 7,2 miljoen stemme ontvang tydens die peiling.[85]

Alter Bridge se musiek is in hul vroeë jare nie goed deur resensente ontvang nie maar hul eerste album One Day Remains het volgens die Amerikaanse Opname-industrievereniging goue status behaal in November 2004. Dit is die groep se enigste RIAA-gesertifiseerde album.[86] Sedertdien is die groep se volgende albums oor die algemeen goed ontvang. Die groep se konsertrolprent, Live from Amsterdam is ook goed ontvang: dit is oorspronklik via Amazon.com vrygestel waar dit in slegs agt uur 15 000 plekke geklim het op Amazon se “Topverkopers in Musiekvideo’s en Konserte” bo kunstenaars soos Michael Jackson en Bon Jovi, tot heel bo waar dit vir ’n aantal weke gebly het. Dit is behaal sonder enige amptelike promosie of die ondersteuning van enige platemaatskappy.[23] In laat 2009 is Alter Bridge deur die Ultimate Guitar Archive benoem as die 36ste beste heavy metalgroep van die dekade.[87]

Groeplede

wysig
  • Myles Kennedy – hoofsanger, ritme- en hoofkitaar
  • Mark Tremonti – hoof- en ritmekitaar, sang
  • Brian Marshall – baskitaar
  • Scott Phillips – tromme en perkussie
  • Alter Bridge tree in 2017 by Rock am Ring op.
  •  
    Myles Kennedy
  •  
    Mark Tremonti
  •  
    Brian Marshall
  •  
    Scott Phillips

Diskografie

wysig

Verwysings

wysig
  1. ↑ 1,0 1,1 "Alter Bridge" (in Engels). Allmisuc. Geargiveer vanaf die oorspronklike op 2 Mei 2019. Besoek op 2 Oktober 2013.
  2. ↑ Alter Bridge’s Greatest Moments Spin verkry Maart 2023
  3. ↑ 3,0 3,1 3,2 Joe D'Angelo (8 Junie 2004). "Lewe na Creed: Alter Bridge kyk na 'n Stapp-vrye toekoms" (in Engels). MTV News. Geargiveer vanaf die oorspronklike op 16 Februarie 2015.
  4. ↑ 4,0 4,1 "Alter Bridge" (in Engels). VH1. Geargiveer vanaf die oorspronklike op 4 November 2012.
  5. ↑ Joe D'Angelo (4 Junie 2004). "Mark Tremonti blameer spanning tussen groep, sanger Scott Stapp" (in Engels). MTV. Geargiveer vanaf die oorspronklike op 21 Maart 2014. Besoek op 16 April 2012.
  6. ↑ Johnny Loftus. "One Day Remains – Alter Bridge" (in Engels). Allmusic. Geargiveer vanaf die oorspronklike op 29 April 2020.
  7. ↑ Scott Shelter. "Alter Bridge: One Day Remains" (in Engels). Slant Magazine. Geargiveer vanaf die oorspronklike op 14 Maart 2014.
  8. ↑ (en) "RIAA Soekbare databasis – Goud en Platinum". Opname-industrievereniging van Amerika. Geargiveer vanaf die oorspronklike op 24 September 2015. Besoek op 29 Augustus 2010.
  9. ↑ "Alter Bridge Album- & Liedaanwysergeskiedenis" (in Engels). billboard.com. Geargiveer vanaf die oorspronklike op 10 November 2012.
  10. ↑ (en) Russ Breimeier. "One Day Remains, Christelike musiekoorsig". The Fish.
  11. ↑ (en) "WWE RAW UITSLAE". 29 Augustus 2005. Geargiveer vanaf die oorspronklike op 14 Augustus 2010. Besoek op 16 April 2012.
  12. ↑ "Alter Bridge Biografie by ActiveMusician" (in Engels). AciveMusician. Geargiveer vanaf die oorspronklike op 10 Januarie 2016.
  13. ↑ (en) "Elektra: Die Album Klankbaan CD". Marvel Comics.
  14. ↑ (en) "Fantastic Four – Die Album Klankbaan". Amazon.com.
  15. ↑ 15,0 15,1 (en) "Alter Bridge verlaat Wind-up Records". Blabbermouth.net. 28 April 2006. Geargiveer vanaf die oorspronklike op 22 Junie 2008. Besoek op 1 Oktober 2013.
  16. ↑ Herndon, Jessica (27 April 2009). "Creed herenig vir nuwe album" (in Engels). People. Geargiveer vanaf die oorspronklike op 3 Maart 2016. Besoek op 29 April 2009.
  17. ↑ (en) "Alter Bridge teken kontrak met Universal Republic". Blabbermouth.net. 9 Julie 2007. Geargiveer vanaf die oorspronklike op 1 Februarie 2013. Besoek op 1 Oktober 2013.
  18. ↑ (en) "Alter Bridge: Nuwe albumtitel, vrystellingsdatum bekend gemaak". Blabbermouth.net. 19 Julie 2007. Geargiveer vanaf die oorspronklike op 25 Augustus 2007. Besoek op 1 Oktober 2013.
  19. ↑ ""Watch Over You (Celebrity Rehab 2)" deur Alter Bridge" (in Engels). VH1. Geargiveer vanaf die oorspronklike op 3 Maart 2016.
  20. ↑ "Watch Over You (duet met Christina Scabbia) – Enkelspeler" (in Engels). iTunes Store. Geargiveer vanaf die oorspronklike op 16 April 2018.
  21. ↑ 21,0 21,1 "Blackbird-resensie" (in Engels). Ultimate Guitar Archive. Geargiveer vanaf die oorspronklike op 5 Maart 2016.
  22. ↑ 22,0 22,1 "Peiling vir beste solo: Alter Bridge praat". Guitarist (in Engels). MusicRadar. 21 Maart 2011. Geargiveer vanaf die oorspronklike op 14 November 2016. Besoek op 30 September 2013.
  23. ↑ 23,0 23,1 23,2 "Alter Bridge gaan eerste konsertrolprent 'Live from Amsterdam' vrystel" (in Engels). Road Crew Mag. Geargiveer vanaf die oorspronklike op 10 Maart 2012.
  24. ↑ (en) "Alter Bridge 'Live from Amsterdam'". Universal Republic.
  25. ↑ Alter Bridge (26 Oktober 2010). "Alter Bridge – Live from Amsterdam No. 1 in Konsert/Musiek DVD's op Amazon" (in Engels). Geargiveer vanaf die oorspronklike op 14 Augustus 2010. Besoek op 1 Oktober 2013.
  26. ↑ 26,0 26,1 Alter Bridge. "Alter Bridge – Live from Amsterdam – Nou beskikbaar VSA/Kanada" (in Engels). Geargiveer vanaf die oorspronklike op 16 Januarie 2011. Besoek op 22 Maart 2011.
  27. ↑ Michaels, Sean (13 Oktober 2008). "Gaan Led Zeppelin opnuut bestaan met Myles Kennedy as sanger?" (in Engels). guardian.co.uk. Geargiveer vanaf die oorspronklike op 14 November 2012. Besoek op 13 Oktober 2008.
  28. ↑ Puiu, Tibi (10 Oktober 2008). "Gaan Led Zeppelin opnuut bestaan met Myles Kennedy aan boord?" (in Engels). ZME Music. Geargiveer vanaf die oorspronklike op 28 November 2017. Besoek op 10 Oktober 2008.
  29. ↑ Parrack, Dave (13 Oktober 2008). "Gaan Led Zeppelin saam met Myles Kennedy eerder as Robert Plant toer?" (in Engels). EveryJoe.com. Geargiveer vanaf die oorspronklike op 6 April 2012. Besoek op 13 Oktober 2008.
  30. ↑ (en) "Alter Bridge sanger sê dat gerugte oor Led Zeppelin-lede 'onwerklik' was". Blabbermouth.net. 20 Januarie 2009. Geargiveer vanaf die oorspronklike op 2 Mei 2012. Besoek op 20 Januarie 2009.
  31. ↑ Sauer, Steve (16 Desember 2009). "Eksklusiewe onderhoud: Myles Kennedy verheug om met Zeppelin-lede te kon saamwerk" (in Engels). LedZeppelinNews.com. Geargiveer vanaf die oorspronklike op 7 April 2016. Besoek op 16 Desember 2009.
  32. ↑ Bosso, Joe (7 Februarie 2010). "Slash kies Alter Bridge se Myles Kennedy vir solotoer" (in Engels). MusicRadar. Geargiveer vanaf die oorspronklike op 9 Oktober 2019. Besoek op 7 Februarie 2010.
  33. ↑ Alter Bridge (16 Februarie 2010). "Opnames van AB III begin vandag (met foto's)" (in Engels). Geargiveer vanaf die oorspronklike op 31 Julie 2010. Besoek op 2 Oktober 2013.
  34. ↑ Alter Bridge (11 Mei 2010). "Alter Bridge in New York – Finaliseer meng van derde album" (in Engels). Geargiveer vanaf die oorspronklike op 22 Augustus 2010. Besoek op 2 Oktober 2013.
  35. ↑ Graff, Gary (17 Julie 2010). "Creed op pad na ateljee voor somertoer" (in Engels). Billboard (tydskrif). Geargiveer vanaf die oorspronklike op 18 Julie 2019.
  36. ↑ Alter Bridge (9 Augustus 2010). "Nuwe Alter Bridge album se titel en snitlys" (in Engels). Official Alter Bridge website. Geargiveer vanaf die oorspronklike op 25 Augustus 2010. Besoek op 2 Oktober 2013.
  37. ↑ Roadrunner Records (31 Augustus 2010). "Roadrunner verwelkom Alter Bridge" (in Engels). Geargiveer vanaf die oorspronklike op 27 Augustus 2018.
  38. ↑ "Luister na 'n splinternuwe snit van Alter Bridge" (in Engels). Roadrunner Records. 6 September 2010. Geargiveer vanaf die oorspronklike op 5 September 2019.
  39. ↑ 39,0 39,1 Alter Bridge (1 Desember 2011). "Alter Bridge Persverklaring – Isolation bereik no. 1 op Rock Radio" (in Engels). Alter Bridge. Geargiveer vanaf die oorspronklike op 22 Januarie 2011. Besoek op 2 Oktober 2013.
  40. ↑ "AB III kom 9 November op die rakke met die enkelspeler "Isolation"". Alter Bridge woernaal (in Engels). 6 Oktober 2010. Geargiveer vanaf die oorspronklike op 16 Oktober 2010. Besoek op 6 Oktober 2010.
  41. ↑ "Alter Bridge fokus op die ondersteuners vir 'Isolation'" (in Engels). Noisecreep. 6 Desember 2010. Geargiveer vanaf die oorspronklike op 16 Julie 2012.
  42. ↑ "I Know It Hurts – Enkelspeler" (in Engels). iTunes. Geargiveer vanaf die oorspronklike op 27 Augustus 2018.
  43. ↑ (en) "Alter Bridge gaan met Abbey Road Live saamwerk vir komende toer". Blabbermouth.net. 24 Maart 2011. Geargiveer vanaf die oorspronklike op 7 September 2012. Besoek op 2 Oktober 2013.
  44. ↑ (en) "Alter Bridge – Wonderful Life – Roadrunner Records UK". Roadrunner Records. Geargiveer vanaf die oorspronklike op 9 September 2011. Besoek op 2 Oktober 2013.
  45. ↑ 45,0 45,1 Alter Bridge. "Nuwe Alter Bridge biografie" (in Engels). Geargiveer vanaf die oorspronklike op 4 Julie 2016. Besoek op 2 Oktober 2013.
  46. ↑ (en) "Alter Bridge bestorm die trefferlyste met "AB III"". Muen-tydskrif. 10 November 2010.
  47. ↑ Laing, Rob (17 September 2010). "Alter Bridge – AB III: snit-vir-snit-resensie". MusicRadar (in Engels). Future Publishing Limited. Geargiveer vanaf die oorspronklike op 1 Julie 2019. Besoek op 4 Oktober 2010.
  48. ↑ Florino, Rick (12 Oktober 2010). "Alter Bridge "AB III" Resensie — 5 uit 5 sterre" (in Engels). Geargiveer vanaf die oorspronklike op 14 Oktober 2010. Besoek op 12 Oktober 2010.
  49. ↑ (en) "String Tribute to Alter Bridge". Bestbuy.com. Besoek op 17 Julie 2011.
  50. ↑ "Alter Bridge: 'AB III.5' CD/DVD Spesiale Uitgawe Detail". Blabbermouth.net. 21 September 2011.
  51. ↑ "Alter Bridge Toerdatums – Alter Bridge Konsertskedule" (in Engels). Eventful.com. Geargiveer vanaf die oorspronklike op 1 Junie 2013. Besoek op 2 Oktober 2013.
  52. ↑ "Alter Bridge laat ondersteuners via Twitter weet" (in Engels). Twitter. 28 Januarie 2011. Geargiveer vanaf die oorspronklike op 29 April 2020.
  53. ↑ Alter Bridge (28 Januarie 2011). "Alter Bridge AB III VSA Lentetoer – Eerste datums bekendgemaak" (in Engels). Alter Bridge. Geargiveer vanaf die oorspronklike op 31 Januarie 2011. Besoek op 2 Oktober 2013.
  54. ↑ Alter Bridge (3 Februarie 2011). "Nuwe VSA Lentetoerdatum + Like A Storm toegevoeg" (in Engels). Alter Bridge. Geargiveer vanaf die oorspronklike op 7 Februarie 2011. Besoek op 2 Oktober 2013.
  55. ↑ Alter Bridge (13 Januarie 2011). "Alter Bridge gaan Duitse feeste in Junie vermaak" (in Engels). Alter Bridge. Geargiveer vanaf die oorspronklike op 22 Januarie 2011. Besoek op 2 Oktober 2013.
  56. ↑ "Naastenby 60.000 kaartjies vir Ring en Park verkoop" (in Duits). Rock am Ring. 13 Januarie 2011. Geargiveer vanaf die oorspronklike op 26 Augustus 2014.
  57. ↑ Alter Bridge (19 Januarie 2011). "Alter Bridge gaan in Junie by Nova Rock-fees (Oostenryk) optree" (in Engels). Alter Bridge. Geargiveer vanaf die oorspronklike op 23 Januarie 2011. Besoek op 2 Oktober 2013.
  58. ↑ "Novarock – Tuis" (in Duits). Nova Rock-fees. Geargiveer vanaf die oorspronklike op 22 April 2020.
  59. ↑ "Groepe vir Download-fees" (in Engels). Download-fees. Geargiveer vanaf die oorspronklike op 2 Januarie 2012. Besoek op 2 Oktober 2013.
  60. ↑ Alter Bridge (27 Januarie 2011). "Alter Bridge gaan in Junie by Hellfest (Frankryk) optree" (in Engels). Alter Bridge. Geargiveer vanaf die oorspronklike op 31 Januarie 2011. Besoek op 2 Oktober 2013.
  61. ↑ Alter Bridge (16 Februarie 2011). "Persverklaring – Jimmy Kimmel, Nuwe video en toerdatums" (in Engels). Alter Bridge. Geargiveer vanaf die oorspronklike op 20 Februarie 2011. Besoek op 2 Oktober 2013.
  62. ↑ "Persverklaring van die tweede jaarlikse "Carnival of Madness"" (in Engels). Facebook. 23 Mei 2011. Geargiveer vanaf die oorspronklike op 28 November 2017.
  63. ↑ "Alter Bridge gaan vroeg in 2012 in Australië speel" (in Engels). Alter Bridge. 19 September 2011. Geargiveer vanaf die oorspronklike op 10 Januarie 2016.
  64. ↑ "Alter Reality" (in Engels). Geargiveer vanaf die oorspronklike op 8 Julie 2016. Besoek op 2 Oktober 2013.
  65. ↑ Sciarretto, Amy (11 November 2011). "Alter Bridge gaan vertoning by Wembley-arena opneem vir DVD-vrystelling" (in Engels). Artistdirect. Geargiveer vanaf die oorspronklike op 4 September 2017.
  66. ↑ "Alter Bridge 'Live at Wembley'-DVD opdatering van regisseur" (in Engels). Audio Ink Radio. 17 Maart 2012. Geargiveer vanaf die oorspronklike op 28 November 2017.
  67. ↑ "Alter Bridge gaan konsertalbum en DVD 'Live At Wembley' volgende jaar vrystel" (in Engels). NME. 27 Desember 2011. Geargiveer vanaf die oorspronklike op 18 September 2016.
  68. ↑ "'n Inleiding tot Alter Bridge met Myles Kennedy" (in Engels). Roadrunner Records. 30 September 2010. Geargiveer vanaf die oorspronklike op 16 Junie 2012.
  69. ↑ 69,0 69,1 Florino, Rick (11 Oktober 2010). "Myles Kennedy van Alter Bridge praat oor "AB III," Slash en John Irving". Artistdirect (in Engels). Rogue Digital, LLC. Geargiveer vanaf die oorspronklike op 13 November 2010. Besoek op 20 Oktober 2010.
  70. ↑ "AB III-resensie" (in Engels). Ultimate Guitar Archive. Geargiveer vanaf die oorspronklike op 5 Maart 2016.
  71. ↑ Mawer, Sharon. "Blackbird – Alter Bridge" (in Engels). Allmusic. Geargiveer vanaf die oorspronklike op 10 Julie 2011. Besoek op 2 Oktober 2013.
  72. ↑ "Nuwe onderhoud met Myles Kennedy van Alter Bridge" (in Engels). They Will Rock You. 17 November 2010. Geargiveer vanaf die oorspronklike op 28 November 2017.
  73. ↑ Rick Florino (29 November 2010). "Myles Kennedy of Alter Bridge Talks "Field of Dreams," Solo Record and "AB III"". Artistdirect. Geargiveer vanaf die oorspronklike op 1 Desember 2010. Besoek op 29 November 2010.
  74. ↑ "Slash op die verhoog saam met Alter Bridge in Stockholm". Blabbermouth.net. 2 November 2010. Geargiveer vanaf die oorspronklike op 6 November 2010. Besoek op 2 Oktober 2013.
  75. ↑ (en) Vrana, Johnnie (18 Desember 2010). "Paul Reed Smith & Alter Bridge @ Rams Head Live 12-16-2010". Shockwave Magazine. Geargiveer vanaf die oorspronklike op 28 September 2013. Besoek op 2 Oktober 2013.
  76. ↑ (en) "Wolfgang van Halen speel tromme vir Alter Bridge; video beskikbaar". Blabbermouth.net. 7 Januarie 2011. Geargiveer vanaf die oorspronklike op 10 Januarie 2011. Besoek op 2 Oktober 2013.
  77. ↑ (en) "Eddie & Wolfgang Van Halen woon Alter Bridge konsert by, Wolfgang sluit aan op tromme". Van Halen News Desk. 5 Januarie 2011.
  78. ↑ Sauer, Steve (10 November 2008). "Bron: Page, Jones, Bonham kyk na Alter Bridge in Londen; DVD-verfilming uitgestel" (in Engels). LedZeppelinNews.com. Geargiveer vanaf die oorspronklike op 5 April 2016. Besoek op 10 November 2008.
  79. ↑ "DVD-resensie: Alter Bridge: Live from Amsterdam" (in Engels). The Audio Perv. 25 Desember 2009. Geargiveer vanaf die oorspronklike op 28 November 2017.
  80. ↑ Eisen, Benjy (26 Januarie 2010). "Scott Stapp wag in Port-Au-Prince vir 'Plane to Haiti'-hulpverlening" (in Engels). Spinner.com. Geargiveer vanaf die oorspronklike op 17 Junie 2019.
  81. ↑ "Play for Life – Veiling: Alter Bridge" (in Engels). Play for Life. Geargiveer vanaf die oorspronklike op 5 November 2014. Besoek op 1 Oktober 2013.
  82. ↑ Matthew Parker (8 Oktober 2010). "Die 50 grootste riffs van die dekade" (in Engels). Total Guitar. Geargiveer vanaf die oorspronklike op 9 Julie 2015.
  83. ↑ Samuel Agini (24 Desember 2010). "UG toptien albums van 2010" (in Engels). Ultimate Guitar Archive. Geargiveer vanaf die oorspronklike op 10 Januarie 2016.
  84. ↑ "Peiling vir greatest solo: Alter Bridge praat, bladsy 2". Guitarist (in Engels). MusicRadar. 21 Maart 2011. Geargiveer vanaf die oorspronklike op 5 Oktober 2013.
  85. ↑ ""Battle of the Fans | Rockers"" (in Engels). fuse.tv. Geargiveer vanaf die oorspronklike op 4 Oktober 2013. Besoek op 17 Julie 2011.
  86. ↑ Hierdie statistiek is saamgestel uit die aanlyndatabasis van die RIAA-sertifisering: "Goud-en-Platinumdatabasis". Recording Industry Association of America.
  87. ↑ Amy Kelly (24 Desember 2009). "Die toptien groepe van die dekade: Metal voer steeds hoogty" (in Engels). Ultimate Guitar Archive. Geargiveer vanaf die oorspronklike op 6 Maart 2016.

Eksterne skakels

wysig
Ontsluit van "https://af.wikipedia.org/w/index.php?title=Alter_Bridge&oldid=2681576"