Animal Farm
Animal Farm (in Afrikaans vertaal as Die opstand) is 'n satiriese roman deur die Britse skrywer George Orwell. Die verhaal kan as 'n fabel of allegorie gesien word en handel oor die Russiese Rewolusie en die kommunistiese samelewing.[1]
Animal Farm
| |
|---|---|
| |
| Oorspronklike titel | Animal Farm: A Fairy Story |
| Skrywer | George Orwell |
| Land | .svg){kind=small} Verenigde Koninkryk |
| Taal | Engels |
| Genre | Politieke satire |
| Uitgewer | Secker and Warburg, Londen, Engeland |
| Uitgegee | 17 Augustus 1945 |
| Medium | Druk (gebind & sagteband) |
| Bladsye | 112 (Britse sagteband uitgawe) |
Die boek is tydens die Tweede Wêreldoorlog geskryf en in 1945 gepubliseer, hoewel dit tot die einde van die 1950's relatief onbekend was. Dit word tans as 'n klassieke werk beskou.
Dit is in Afrikaans vertaal en verwerk deur Taboureux Bruwer onder die titel Die opstand. Dit is onlangs uitgegee in 'n nuwe Afrikaanse vertaling deur Wium van Zyl onder die titel Diereplaas.[2]
In Animal Farm kritiseer Orwell die totalitêre politieke stelsel van die Sowjetunie na die Oktoberrevolusie. Hy skryf dit na aanleiding van sy waarnemings van Stalinistiese kommuniste tydens die Spaanse Burgeroorlog. Sy ervaringe gedurende die stryd stel hy in Saluut aan Katalonië te boek.
Time-tydskrif het die boek gekies as een van die 100 beste Engelstalige romans (1923 tot 2005)[3]; dit verskyn ook op nommer 31 op die moderne biblioteeklys van beste romans uit die 20ste eeu. Die boek het 'n Hugo-toekenning in 1996 gewen en is opgeneem in die Great Books of the Western World-keuring.[4]
Storielyn
wysigIn die boek neem 'n groep diere beheer oor 'n plaas oor om 'n samelewing waar almal gelyk is te vestig. Hulle is moeg om soos die slawe van mense te lewe en neem die mag in eie hande. Dit loop uiteindelik, anders as was die meeste diere gehoop het, op 'n tirannie uit. Die varke neem die leisels oor en beweer dat hulle belangriker en intelligenter is as die res met die frase: "Alle diere is gelyk, maar party diere is meer gelyk as ander" ("All animals are equal, but some animals are more equal than others").
Betekenis
wysigDie boek is 'n allegorie oor die gebeure na die rewolusie in die Sowjetunie, en veral die opkoms van die Stalinisme. Baie van die karakters in die boek kan as historiese figure herken word. Joseph Stalin blyk byvoorbeeld in Napoleon herkenbaar te wees. Orwell maak dit eksplisiet in die geval van Napoleon, wat hy in een van sy briewe direk met Stalin verbind.
Bokser, die eens lojale trekperd, beeld die swak opgeleide en ongeskoolde proletariaat uit. Bokser en 'n donkie, Benjamin, word gemanipuleer deur die oorredende argumente van die varke, maar hulle pluk nie die voordeel van die "revolusie" nie. Volgens sommige literatuurkenners kan vergelykings getref word tussen Bokser en die modelwerker Aleksei Stachanov. Daar is ook vier varke in die boek wat Napoleon se beleid teenstaan. Later word die plaas aangeval deur die boere uit die omgewing, gelei deur mnr. Jones. Dit moet Nazi-Duitsland, Finland en ander bondgenote van Duitsland verteenwoordig.
Verfilming
wysigAnimal Farm is tweemaal verfilm:
- Animal Farm (1954) as 'n animasiefilm, onder regie van John Halas en Joy Batchelor.
- Animal Farm (1999) as 'n speelfilm, onder regie van John Stephenson.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Opperman, AJ (5 Mei 2022). "'Animal Farm' in Afrikaans uitgereik". Netwerk24.
{{cite web}}: AS1-onderhoud: url-status (link) - ↑ Grossman & Lacayo 2005.
- ↑ "Great Books of the Western World as Free eBooks". prodigalnomore.wordpress.com (in Engels). 5 Maart 2019. Geargiveer vanaf die oorspronklike op 28 Desember 2019.
Bronne
wysig- Grossman, Lev; Lacayo, Richard (16 Oktober 2005). "All-Time 100 Novels". TIME magazine. Geargiveer vanaf die oorspronklike op 13 September 2008. Besoek op 31 Augustus 2008.
{{cite magazine}}: Ongeldige|ref=harv(hulp)
Eksterne skakels
wysig- "Animal Farm deur George Orwell". Besoek op 22 Mei 2008.
- Literapedia Book Notes for Animal Farm by George Orwell
Wikimedia Commons het meer media in die kategorie Animal Farm.
