Anize du Plessis
Anize du Plessis (gebore 23 September 1972) is 'n teatersangeres wat veral in Johannesburg optree het, voor sy en haar man na Engeland verhuis het.
Anize du Plessis | |
|---|---|
| Geboortenaam | 23 September 1972 |
| Genres | Teater |
| Beroep(e) | sangeres |
| Instrumente | stem |
Anize het reeds op skool aan die Laerskool Groote Schuur en die Hoërskool Groote Schuur uitgeblink in drama en sang. In 1989 wen sy en agt ander Groote Schuurders die ATKV se landwye dramakompetisie vir skole en in haar matriekjaar, toe sy ook hoofdogter was, is sy saam met 65 belowende senior hoërskoolleerlinge gekeur om aan die Dalro-toneelkompetisie deel te neem. Sy het na die tweede ronde deurgedring en was uiteindelik die enigste Afrikaanssprekende onder die top-agt. Die wenner van die Dalro-prys was die latere TV-aktrise Sylvaine Strike, indertyd van die Pro Arteskool in Pretoria. Anize wen egter die prestige Albie Venter-gedenkbeurs om vir drie jaar aan die destydse Pretoriase Technikon te gaan studeer.
Sy het drie jaar lank die agtergrondsang vir die groep Cinema gedoen en toe toegetree tot musiekteater en kabaret. Sy was lid van die reisende rolverdeling van "Girl Talk" en het onder meer vir die Koning en Koningin van Maleisië opgetree. Ander produksies sluit "My Way" en "Absolutely Fabulously Broadway 2" in.
In 2002 is sy met Etienne Burger getroud. Hulle woon tans in Londen.
Eksterne skakels wysig
- Die korporatiewe groep SHE se webtuiste Geargiveer 10 Mei 2007 op Wayback Machine