Maak hoofkeuseskerm oop
Kenteken van die Australiese Ope in 2017
Die Margaret-baan by die Australiese Ope
Binnekant van die Rod Laver Arena voor 'n wedstryd

Die Australiese Ope (Engels: Australian Open) is 'n groot tenniskampioenskappe wat jaarliks in Januarie in Melbourne Park, Australië, aangebied word. Dit is die eerste Grand Slam-toernooi van die jaarlikse tenniskalender. Dit is die grootste sporttoernooi wat gereeld in Australië plaasvind.

Soos by alle Grand Slam-toernooie word mans- en damesenkels, mans- en damesdubbels, gemengde dubbels en juniorkampioenskappe gespeel. 'n Toernooi vir rolstoel-tennisspelers en vertoonwedstryde deur bekende spelers word ook aangebied.

Inhoud

GeskiedenisWysig

Oorspronklik is die kampioenskappe aan die begin van die kalenderjaar gehou. In 1977 word dit verskuif na einde Desember (rondom Kersfees) en is twee kampioenskappe die jaar in beide Januarie en Desember aangebied. Teen einde 1985 word besluit om na die oorspronklike reëling terug te val en dat die volgende kampioenskappe eers in 1987 gespeel sou word. As gevolg hiervan is geen kampioenskappe in 1986 gehou nie.

Voor 1983 het baie van die wêreld se beste spelers nie aan hierdie toernooi deelgeneem nie. Die hoofrede hiervoor was dat dit te ver was om te reis en baie spelers het dit nie as 'n belangrike toernooi geag nie.

Hitte-beleidWysig

Die toernooi word in Januarie, tydens die warm Australiese somer gespeel. In 1998 word 'n uitermatige hitte-beleid ingevoer.[1] Dit is die enigste groot toernooi wat so 'n beleid het.[2] Sodra die temperatuur bokant 35 grade Celsius styg kan spel vir 'n rukkie gestop word om dehidrasie van deelnemers te voorkom. Wedstryde op buitebane word dan onderbreek. Die dak oor die hoofstadion kan toegemaak word en verkoelingstelsels kan aangeskakel word.[2] In 2007 het temperature op die bane tot bokant 50 grade Celsius gestyg.[1]

FinalisteWysig

Hieronder die mees onlangse finaliste in beide die mans- en damesenkelspel:

MansWysig

Jaar Wenner Finalis
2019   Novak Đoković   Rafael Nadal
2018   Roger Federer   Marin Čilić
2017   Roger Federer   Rafael Nadal
2016   Novak Đoković   Andy Murray
2015   Novak Đoković   Andy Murray
2014   Stanislas Wawrinka   Rafael Nadal
2013   Novak Đoković   Andy Murray
2012   Novak Đoković   Rafael Nadal
2011   Novak Đoković   Andy Murray
2010   Roger Federer   Andy Murray
2009   Rafael Nadal   Roger Federer
2008   Novak Đoković   Jo-Wilfried Tsonga
2007   Roger Federer   Fernando González
2006   Roger Federer   Marcos Baghdatis
2005   Marat Safin   Lleyton Hewitt
2004   Roger Federer   Marat Safin
2003   Andre Agassi   Rainer Schüttler
2002   Thomas Johansson   Marat Safin
2001   Andre Agassi   Arnaud Clément
2000   Andre Agassi   Jevgeni Kafelnikov

VroueWysig

Jaar Wenner Finalis
2019   Naomi Ōsaka   Petra Kvitová
2018   Caroline Wozniacki   Simona Halep
2017   Serena Williams   Venus Williams
2016   Angelique Kerber   Serena Williams
2015   Serena Williams   Maria Sjarapova
2014   Li Na   Dominika Cibulkova
2013   Victoria Azarenka   Li Na
2012   Victoria Azarenka   Maria Sharapova
2011   Kim Clijsters   Li Na
2010   Serena Williams   Justine Henin
2009   Serena Williams   Dinara Safina
2008   Maria Sjarapova   Ana Ivanović
2007   Serena Williams   Maria Sjarapova
2006   Amélie Mauresmo   Justine Henin
2005   Serena Williams   Lindsay Davenport
2004   Justine Henin   Kim Clijsters
2003   Serena Williams   Venus Williams
2002   Jennifer Capriati   Martina Hingis
2001   Jennifer Capriati   Martina Hingis
2000   Lindsay Davenport   Martina Hingis
 
Panorama oor die Margaret-baan gedurende die 2008-Australiese Ope.

VerwysingsWysig

  1. 1,0 1,1 Australian Open Weather / Extreme Heat Policy | Australian Open”. australian.open-tennis.com. 2011. URL besoek op 31 Januarie 2011.
  2. 2,0 2,1 Extreme heat policy likely at Australian Open – ABC News (Australian Broadcasting Corporation)”. abc.net.au. 28 Januarie 2009. URL besoek op 31 Januarie 2011.

Eksterne skakelsWysig