Barberton

Barberton is 'n Suid-Afrikaanse dorp, geleë in die suidooste van Mpumalanga
(Aangestuur vanaf Barberton, Mpumalanga)
Hierdie artikel handel oor die dorp in Suid-Afrika. Vir ander gebruike, sien Barberton (dubbelsinnig).

Barberton is een van Suid-Afrika se oudste dorpe, geleë in die suidooste van die provinsie Mpumalanga.

Barberton
Die Barbertonse madeliefie
Die Barbertonse madeliefie
Barberton is in Mpumalanga
Barberton
Barberton
 Barberton se ligging in Mpumalanga
Koördinate: 25°47′10″S 31°3′11″O / 25.78611°S 31.05306°O / -25.78611; 31.05306Koördinate: 25°47′10″S 31°3′11″O / 25.78611°S 31.05306°O / -25.78611; 31.05306
LandVlag van Suid-Afrika Suid-Afrika
ProvinsieMpumalanga
DistrikEhlanzeni
MunisipaliteitMbombela
Stigting1882
Regering
 • BurgemeesterRichard Lukhele
Oppervlak
 • Totaal37,74 km2 (14,57 vk. myl)
Hoogte
877 m (2 877 ft)
Bevolking
 (2011)[1]
 • Totaal11 997
 • Digtheid318/km2 (820/vk. m.)
Rasverdeling (2011)
 • Blank41.9%
 • Indiër/Asiër4.9%
 • Kleurling8.5%
 • Swart44.2%
 • Ander0.4%
Taal (2011)
 • Afrikaans 47.9%
 • Engels 22.7%
 • Swazi 20.8%
 • Zoeloe 2.2%
 • Ander 6.4%
Poskode (strate)
1300
Poskode (posbusse)
1300
Skakelkode013
Webwerfhttp://www.barberton.co.za

GeskiedenisWysig

 
Nasa-Satellietbeeld van Barberton
 
Die Ou Aandelebeurs in Barberton

Die dorp het sy ontstaan te danke aan die ontdekking van goud in die jaar 1882 by Kaapsehoop op die heuwels. Hierdie vonds was nie lonend nie. In Junie 1883 het Auguste Robert (wat later die bynaam French Bob gekry het) die Pioneer-rif ontdek. Gedurende Junie 1883 het Graham Barber die rif by Rimer's Creek ontdek. Gedurende Mei 1885 het Edwin Bray die Shebarif ontdek. Hierdie rif was die rykste van almal. Hierdie reeks ontdekkings het Suid-Afrika se goudnywerheid begin. Gedurende 1886 was daar 4 000 aktiewe kleims in Barberton. Die goud het uitgewerk geraak en baie van die myne het gesluit. Die meeste delwers het na die Witwatersrand agter die goud aan getrek.

Suid-Afrika se eerste aandelebeurs is in Barberton gestig op 13 April 1887. Die dorp het ook sy naam verleen aan die Barbertonse madeliefie (daisy), met botaniese naam Gerbera jamesonii . Die Gerbera is met groot sukses veredel deur kwekers.

DistrikWysig

Die distrik is 5 400 km2 groot. Goud speel nie meer so 'n belangrike rol nie. Die volgende gewasse is van belang: katoen, sitrus, subtropiese vrugte, tabak, koffie, rys, pekanneute en groente. Daar is ook groot bloekom-, denne- en sisalplantasies in die distrik.

Van die aarde se oudste rots word in die Makhonjwaberge in die Barberton-omgewing gevind. Die rots dateer ongeveer 3 500 miljoen jaar oud.[2]

SkoleWysig

  • Hoërskool Barberton
  • Laerskool Barberton

Sien ookWysig

VerwysingsWysig

  1. 1,0 1,1 1,2 1,3 "Hoofplek Barberton". Sensus 2011.
  2. An introduction to South Africa's geological and mining heritage, MJ Viljoen & WU Reimold, Mintek, 1999, bl. 92

BronWysig

Eksterne skakelsWysig

Wiki-webtuistes

Fotograwe en die Barberton-goudstormloop