Begonia rex
Begonia rex is ’n spesie meerjarige plante in die familie Begoniaceae. Dit is inheems aan Asië en word as ’n huisplant gebruik vanweë sy pragtige, kleurryke blare.
| Begonia rex | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | B. rex
|
| Binomiale naam | |
| Begonia rex Putz.
| |
Eienskappe
wysig_%27Merry_Christmas%27_01.jpg)
Begonias word in drie groepe verdeel volgens hul wortelstelsel, en Begonia rex is ’n wortelstoktipe.
Feitlik al die kultivars het veelkleurige blare met delikate patrone. Die blaarkleure wissel van groen tot pers en die patrone is grys of silwer. Die plant word tot 40 cm hoog. Die wortelstok is tussen 7 en 14 mm in deursnee. Die blare is bodemstandig. Die steunblare is harig, bladwisselend en sowat 1,5 × 1,8 cm. Die bloeiwyse is 10 tot 13 cm. Die blom het vier pienkerige blare – twee is ovaalvormig en twee langwerpig.
In die natuur word die plant aangetref in woude en grotte van Guangxi, Guizhou en Yunnan in China asook in Indië en Viëtnam.
Probleme
wysigAs die plant se blare ongesond lyk, is dit waarskynlik te nat en koud of te warm en droog. As hulle te klein is, kort die plant bemesting.
Rooimyte, aalwurm, grysskimmel, meeldou, swartwortelvrot en komkommermosaïekvirus kan ook voorkom. In laasgenoemde geval moet die plant dadelik vernietig word.[1]
Hibriede
wysigDie volgende hibriede word aangetref:
- Begonia × clementinae Bruant
- Begonia × conspiqua Sander
- Begonia × gemmata Sander
- Begonia × inimitabilis De Smet
- Begonia × leopardinus Van Houtte
- Begonia × margaritacea H.J.Veitch
- Begonia × punctatissima Sander
- Begonia × splendidissima De Smet
Verwysings
wysig- ↑ Longman, David (1992). Gesonde huisplante, stap vir stap geïllustreer. Pretoria: J.L. van Schaik. ISBN 0 627 01827 0.
Eksterne skakels
wysig- Putz, 1857. Flore des Serres et des Jardins de l'Europe. Ghent (Gand) 12: 141, t. 1255, 1258.
- USDA, ARS, National Genetic Resources Program. Germplasm Resources Information Network – (GRIN) [Aanlyn databasis]. [1] Geargiveer 20 Januarie 2009 op Wayback Machine
Wikimedia Commons het meer media in die kategorie Begonia rex.
Wikispecies het meer inligting verwant aan Begonia rex
Hierdie artikel is vertaal uit die Spaanse Wikipedia
