Bespreking:Verdrag van Versailles

My kennis van dié geskiedenis is nie vresslik ryk nie, maar ek stel voor dat die volgende goed genoem word in die artikel (hoewel ek praat onder korreksie): Ek is nie seker oor die hoeveelheid skuld nie, maar Duitsland het 'n oonmoontlike bedrag skuld gehad om aan Engeland, Frankryk en ander lande te betaal. Duitsland moes ook sekere gebiede afstaan aan ander lande, o.a. steenkool-ryke areas. Ek haal aan uit die Engelse Wikipedia, artikel "U-boat":

the Treaty of Versailles had limited the surface navy of Germany to six battleships (of less than 10,000 tonnes each), six cruisers and 12 destroyers.

Amerika het Duitsland gehelp met sy ekonomiese krisis, maar toe die Amerikaanse aandeelbeurs ineenstort, het Duitsland se toestand net verder versleg. Die Duitsers het baie bitter gevoel oor die terme van die Versailles-verdrag, en dié verdere ekonomiese depressie het nog meer psigologies negatief op die algemene publiek ingewerk. Adolf Hitler het met sy met sy onrealistiese beloftes en oortuigende toesprake grootliks gebruik gemaak van die publiek se steeds-patriotiese gesindheid en bitterheid teenoor die Geallieerde Magte om vir homself meer steun te werf. Die Verdrag van Versailles kan dus gesien word as 'n groot dryfveer vir die begin van die TWO. (hierdie inligting skakel dalk meer by die TWO artiekel as hier in)

HannesJvV 41.242.33.249 20:17, 15 September 2007 (UTC)

Die artikel benodig inderdaad die gemelde inligting. Voel vry om dit self by te voeg, anders sal die een of ander gebruiker dit mettertyd wel doen. Anrie 21:25, 15 September 2007 (UTC)

Ek het die Engelse artikel nog nie gelees nie, maar die stelling dat die Verdrag van Versailles 'n dryfveer vir die begin van die Tweede Wêreldoorlog was is problematies tensy daar meer inligting bygevoeg word. Ek sou eerder sê dit het die vestiging van 'n demokratiese stelsel in lande soos Duitsland ondermyn. Anders kry lesers die indruk dat die Duitse bevolking in 1939 ten gunste van militêre optrede was. 'n Meerderheid het die Nazi-bewind in die laat 1930's geleidelik begin aanvaar, maar wou glad nie glo dat die régime van plan was om 'n veroweringsveldtog in die ooste te voer nie.

• Die Verenigde Koninkryk en Frankryk se voorstel om alle oorlogskuld te skrap is deur die VSA van die hand gewys: Met die Duitse skuld aan Londen en Parys het hierdie lande hul eie oorlogskuld in die VSA moet betaal.
• Die Duitse skuld is in 1921 (Konferensie van Parys) vasgestel op 269 miljard Goudmark wat oor 'n termyn van 42 jaar betaalbaar sou wees. Hierdie skuld is in dieselfde jaar verlaag tot 132 miljard GM.
• Daar was ander ooreenkomste wat ek hier nie gaan noem nie. Die Dawes-plan van 1930 het bepaal dat Duitsland tot by die jaar 1988 34,5 miljard GM moes betaal. Volgens die Konferensie van Lausanne in 1932 is 'n afsluitende bedrag van 3 miljard RM vasgelê.
• Die Duitse bevolking was in 1939 allesbehalwe geesdriftig oor die uitbreek van 'n nuwe oorlog, en die Nazi-régime het Pole aangeval, nie een van die westerse geallieerdes nie (daar was natuurlik ooreenkomste waarvolgens Frankryk en die VK moes ingryp). Hierdie negatiewe houding het later met die oorwinnings in die weste verander.--Voyageur 22:09, 15 September 2007 (UTC)

hersbetalings

@Sobaka:, ek sien jy het die woord gebruik. Tikfout of moet dit herstelbetaling wees? Groete! Oesjaar (kontak) 14:47, 19 Desember 2022 (UTC)

Inderdaad Oesjaar, het so verander. Sobaka (kontak) 14:52, 19 Desember 2022 (UTC)