Bespreking:Webjoernaal

Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 3 van 2007 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Ontwikkelde / ontwikkelende

Sedert 2004 het die rol van webjoernale versterk met politieke konsultante, nuusdienste en politieke kandidate in veral die ontwikkelende wêreld sulke joernale gebruik as instrumente vir uitreiking en opinie beïnvloeding.

Ek wonder nou aangesien ek nie so bekend is hiermee nie: waar is dit juis so in die ontwikkelende wêreld? Is daar werklik meer in die ontwikkelende wêreld as in die ontwikkelde wêreld? --Alias 11:06, 29 Desember 2006 (UTC)

Dit is 'n fout. Jy is reg moes wel ontwikkelde wêreld wees.Gebruiker:Sobaka19:12, 14 Januarie 2007 (UTC)

Anglosentries?

Geensins om kritiek te lewer nie, maar ek let op dat alle verwysings in die artikel in die Engelstalige wêreld is. Ek wonder of daar dalk wel iets is om aan te vul. Ek sien hier 'n geskiedenis van die Frankofone blogosfeer, maar sien nie onmidellik iets met my karige kennis van die ander tale wat interessant lyk nie in die ander tale van Wikipedia nie.

Volgens die werf is Japannees die grootste Webjoernaal taal. Dit het interessante statititek wat dalk gebruik kan word om 'n perspektief oor die gebruik van ander tale by te werk. Kyk ook Technocratoi blad hieroor. Laurens 19:06, 14 Januarie 2007 (UTC)

Goeie skakel sal kyk of ek iets hieruit kan byvoeg.

Gebruiker: Sobaka 19:29, 14 Januarie 2007 (UTC)

Deel oor die Webjoernaal in ander tale buiten Engels bygevoeg soos voorgestel.

Gebruiker: Sobaka 17:47, 15 Januarie 2007 (UTC)

Geldsake

Is dit dalk die moeite werd om te noem dat die topouens hulself kan onderhou deur hulle joernale te skryf? Ons moet dalk iets noem oor die ekonomie rondom joernaalskrywery en Google-advertensies. Wat dink ander? --Alias 11:23, 29 Desember 2006 (UTC)

Mmm, ek sien die Engelse artikel het wel 'n afdeling hieroor. Dalk kan dit hier bygewerk word. Ek probeer vir eers net die taal 'n bietjie na te gaan. --Alias 11:31, 29 Desember 2006 (UTC)

Jammer, ek sien nou daar is reeds 'n afdeling - ek't half gelees, jammer. Dit is seker reeds redelik volledig. --Alias 12:08, 29 Desember 2006 (UTC)

Soveel soorte?

Die afdeling oor die soorte joernale is nogal groot en ek wonder of dit nie eerder heelwat eenvoudiger gestel kan word nie. In my ondervinding het baie joernale eienskappe van 'n hele paar van hierdie soorte en dus kan dit dalk bietjie meer losweg hanteer word. Die Engelse indeling is eenvoudiger, maar dalk bietjie meer verteerbaar. --Alias 12:08, 29 Desember 2006 (UTC)

Niemand kan vir my sê wat 'n blog is nie

KORT-KORT vra iemand van die ouer geslag, of iemand wat (soos ek) tegnologies gestremd is, my wat 'n "blog" eintlik is. Ek weet wragtig nie.

Danksy onder meer Christo Viljoen se nuwe Kuberwoordeboek / Cyber Dictionary - Afrikaans-Engels / English-Afrikaans (Protea Boekhuis, Pretoria, 2007) weet ek dat dit in Afrikaans 'n webjoernaal (voortaan WB) heet. Is dit dus maar net 'n joernaal, 'n dagboek, wat aanlyn gehou word? Dit sal dit opsigself iets nuuts beteken: persoonlike ontboesemings wat intyds deur enige Jan Rap en sy maat gelees kan word, eerder as dat dit ná die skrywer se dood, en moontlik eers ná 'n langdurige hoftwis met dié se oorblywende naasbestaandes, in boekvorm gepubliseer word.

Tog is daar soveel hype oor die verskynsel van WB's dat 'n mens voel dit moet méér as dit behels. Het dit dalk daarmee te doen dat die ontboesemings in dié joernale dikwels selfs meer persoonlik, en ander kere juis weer meer onpersoonlik, as in die tradisionele dagboek is?

'n Uiterste voorbeeld van die hiperpersoonlike is 'n webjoernaal getitel All about my Vagina (by http://myvag.net), waarin die skrywer jou werklik al vir jare oor niks anders praat nie.

Die skrywer en letterkundige Etienne van Heerden, redakteur van die literêre webtydskrif LitNet (by www.litnet.co.za), het al dikwels in sy insigryke besprekings van die internet as kommunikasieruimte gewys op hoe die anonimiteit wat deur dié medium moontlik word, mense se inhibisies en skroom wegneem sodat hulle veel meer vry-uit praat - iets wat ook gevare inhou.

Daarteenoor kry jy weer iets soos Noam Chomsky se webjoernaal by http://blog.zmag.org/ttt, waarin oor gewigtige politieke, ekonomiese en sosiale kwessies gesels word.

Maar die webjoernaal as genre ondermyn allerlei binêre opposisies. Neem bogenoemde twee WB's as voorbeeld. Die anonieme dame wat so vrypostig oor haar privaatdele is, verskaf ook perspektiewe op, en inligting oor, "publieke" kwessies soos geslagsrolle, seksuele moraliteit en geboortebeperking. Sy kondig selfs 'n keer aan dat sy eersdaags op 'n openbare kongres as spreker gaan optree. Haar WB het dus ook 'n onpersoonlike, maatskaplike dimensie. Of illustreer dit dalk daardie ou feministiese cliché "Die persoonlike ís die politieke"?

En is die andersheid van 'n WB soos Chomsky s'n, in vergelyking met meer tradisionele intellektuele literatuur, nie juis die hoogs persoonlike aard daarvan nie? Word die naam, die gesig, die persoonlike aanslag, hier nie belangriker as ooit tevore in dié soort diskoerse nie? Is dit dalk problematies omdat die selebriteit belangriker as die idees word? Of word intellektuele debat daardeur eerliker om die beliggaamdheid daarvan nou meer sigbaar word? Maar hoe eg is daardie geprojekteerde, openbare liggaam?

In dieselfde enkele WB kan jy dus tegelyk die persoonlike en onpersoonlike aantref, op allerlei verwikkelde en boeiende maniere met mekaar vermeng en steunend op mekaar.

Nog 'n aspek wat WB's anders as tradisionele dagboeke maak, is die interaktiewe aard daarvan: die feit dat wat ek nou hier kwytraak, reaksie van iemand anders kan uitlok - en dat ek my dan moontlik genoop kan voel om op my beurt dáárop te reageer. Dit vind ek nogal aantreklik, want soos die Duits-Nederlandse filosoof Heinz Kimmerle (sy fassinerende webwerf is by www.kimmerle.nl), voel ek dat die waarheid hom meestal in die gesprek openbaar, eerder as in enige van die afsonderlike stellings waaruit so 'n gesprek opgebou is.

Soms kry ek die indruk die WB's eintlik maar 'n byderwetse manier is om met penvriende te kommunikeer. Wie onthou nog penvriende? Ek behoort tot 'n geslag wat nog daarmee grootgeword het - ek kan goed onthou dat van my broers en susters via een of ander jeugorganisasie penvriendskappe opgebou het met kinders van dieselfde ouderdom uit allerlei eksotiese lande. Is dit maar eintlik wat hier aangaan, ten minste wat sommige WB's betref?

Of is dit dalk juis die ondefinieerbaarheid, die (voorlopige?) oopheid en tergende moontlikhede van die WB as literatuursoort, sy geheimsinnigheid, wat dit so interessant maak?

Die enigste manier om uit te vind wat 'n WB werklik is, en of die hype daaroor geregverdig is, is seker maar om in die praktyk in te duik en dit self van binne af te ervaar. Dis hoekom ék besluit het om met 'n webjoernaal te begin.

- Gerrit (Lees my blog by: gerritbrand.blogspot.com)

Stukkende eksterne skakel

During several automated bot runs the following external link was found to be unavailable. Please check if the link is in fact down and fix or remove it in that case!

• http://www.avesse.net/afrikaans/ (archive)
  • In Webjoernaal on 2009-09-12 14:23:09, 404 Not Found
  • In Webjoernaal on 2009-09-12 18:35:29, 404 Not Found

The web page has been saved by the Internet Archive. Please consider linking to an appropriate archived version: [1]. --RobotJcb (kontak) 18:35, 12 September 2009 (UTC)

Stukkende eksterne skakel 2

During several automated bot runs the following external link was found to be unavailable. Please check if the link is in fact down and fix or remove it in that case!

• http://www.blogafrikaans.co.za/ (archive)
  • In Webjoernaal on 2009-09-12 14:23:05, Socket Error: 'getaddrinfo failed'
  • In Webjoernaal on 2009-09-12 18:35:41, Socket Error: 'getaddrinfo failed'

The web page has been saved by the Internet Archive. Please consider linking to an appropriate archived version: [2]. --RobotJcb (kontak) 18:35, 12 September 2009 (UTC)

Stukkende eksterne skakel 3

During several automated bot runs the following external link was found to be unavailable. Please check if the link is in fact down and fix or remove it in that case!

• http://www.blogtopsites.co.za/category/afrikaans/ (archive)
  • In Webjoernaal on 2009-09-12 14:23:25, Socket Error: 'Een verbindingspoging is mislukt omdat de verbonden party niet correct heeft geantwoord na een bepaalde tijd, of de gemaakte verbinding is mislukt omdat de verbonden host niet heeft geantwoord'
  • In Webjoernaal on 2009-09-12 18:36:05, Socket Error: 'Een verbindingspoging is mislukt omdat de verbonden party niet correct heeft geantwoord na een bepaalde tijd, of de gemaakte verbinding is mislukt omdat de verbonden host niet heeft geantwoord'

The web page has been saved by the Internet Archive. Please consider linking to an appropriate archived version: [3]. --RobotJcb (kontak) 18:36, 12 September 2009 (UTC)