Wikipedia

Bidorbuy

Bob Shop, voorheen bekend onder die handelsnaam Bidorbuy of bidorbuy.co.za (dit word amptelik geskryf as een woord, in kleinletters; variasies van die spelling is: bid or buy, BidOrBuy en Bid or Buy) is 'n Engelstalige e-handelwebwerf wat gebaseer is op 'n internetveiling en aanlynwinkel-model wat individue en besighede toelaat om met mekaar handel te dryf. Transaksies vind plaas in Rand.

Nuwe naam (Bob Shop) en kenteken, gestileer as bobshop.
Bob Shop se ou kenteken, toe dit nog bekend was as Bidorbuy.

Geskiedenis wysig

Bidorbuy is in Augustus 1999 tydens die hoogbloei van die dotcom-borrel deur Andy Higgins in Suid-Afrika bekendgestel. Die aanvanklike befondsing en ondersteuning is verskaf deur Yair Tauman, Abraham Neyman, Danny Barnea en Zohar Gilon. Bidorbuy is amptelik in Januarie 2000 met 'n massiewe bemarkingsveldtog van stapel gestuur, met Nitzan Tal as die besturende direkteur. Bidorbuy was binne maande een van die voorste internetbesighede en een van die sterkste internethandelsmerke in Suid-Afrika. Die bekendstellingsveldtog het 2 APEX-toekennings gewen. Tussen Februarie en April 2000 het Nitzan Tal die webwerwe in Indië en Australië bekendgestel. In 2001, ná die dotcom-borrel gebars het, is die Australiese webwerf gesluit, en het die Indiese webwerf saamgesmelt met 'n voormalige mededinger, Baazee.com (wat in 2004 deur eBay gekoop is[1]).

In Oktober 2001 het Higgins voortgegaan om die Suid-Afrikaanse tak te bestuur. Op 'n stadium het die maatskappy slegs een ander persoon in diens gehad. Vanaf 2005 het die besigheid egter beter begin vaar, die toenemende beskikbaarheid van breëbandinternetdienste en makliker toegang tot internet in Suid-Afrika. Bidorbuy.co.za het gou die grootste aanlyn markplek van sy soort in Suid-Afrika en Afrika geword.[2] In 2010 het bidorbuy 'n belegging in PayFast.co.za,[3] 'n plaaslike aanlynbetalingsmaatskappy, gemaak. In Mei 2014 het bidorbuy 'n belegging gemaak in die e-handelmaatskappy uAfrica.com.[4]

In Augustus 2022 het bidorbuy formeel met uAfrica saamgesmelt om 'n nuwe maatskappy bekend as Bob Group te vorm. Bob Group is geskep om 'alles e-handel' aan alle aanlynkopers en handelaars in Suid-Afrika te bied, met 'n reeks beplande dienste wat almal onder die Bob Group-sambreel funksioneer. In Maart 2023 is nuwe identiteite vir elke Bob Group-diens bekend gemaak, met uAfrica wat sy naam na Bob Go verander het en bidorbuy wat herdoop is na Bob Shop.

Noemenswaardige en kontroversiële items wysig

  • Plastiese chirurgie prosedures (Julie 2000).[5][6]
  • Die kontroversie rondom die sirkulasie van R5 Mandelamunte (Julie 2008)[7]
  • Nie-amptelike seëls wat die bewind van President Kgalema Motlanthe herdenk (Maart 2009)[8]
  • 'n Kieser het probeer om sy stem op bidorbuy te verkoop (April 2009)[9]
  • 'n Skaars ZAR Veldpond is vir R450,000 verkoop (Julie 2010)[10]
  • 'n Poging is gemaak om ongeslypte diamante op bidorbuy te verkoop (Augustus 2010)[11]
  • 'n Rok wat gedra is deur die destydse leier van die Demokratiese Alliansie, Helen Zille, is op bidorbuy ten bate van liefdadigheid verkoop (Maart 2010)[12]
  • 'n Poging om toiletpapier met 'n uitbeelding van Julius Malema daarop te verkoop (November 2010)[13]
  • Eerste Afrikaanse vampierfilm memorabilia verkoop op bidorbuy (Junie 2011)[14]
  • ANC se eeufeesmunte te koop aangebied (Oktober 2011)[15]
  • 'n Onderhemp gedra deur Justin Bieber te koop aangebied op bidorbuy (Junie 2013)[16]
  • Eetbare skildery van sjokolade te koop aangebied op bidorbuy (April 2014).[17]
  • 'n Halfmiljoen muntstuk: Bidorbuy (April 2015).[18]

Verwysings wysig

  1. ↑ eBay India Management Geargiveer 25 Maart 2007 op Wayback Machine
  2. ↑ Your Guide to Buying and Selling on bidorbuy, Zebra Press, 2009 Geargiveer 19 Februarie 2014 op Wayback Machine ISBN 978-1-77022-052-2
  3. ↑ "Bidorbuy acquires stake in PayFast" (in Engels (VSA)). Besoek op 16 Augustus 2018.
  4. ↑ Staff Writer. "Cloud e-commerce service uAfrica.com raises $1.5mn in funding - ITWeb Africa". ITWeb Africa (in Engels (VK)). Besoek op 16 Augustus 2018.
  5. ↑ "BBC News | AFRICA | SA plastic surgery web auction". news.bbc.co.uk. Besoek op 16 Augustus 2018.
  6. ↑ "South Africa: Bidorbuy To Auction Plastic Surgery in Kwazulu-Natal". article.wn.com (in Engels). Besoek op 16 Augustus 2018.
  7. ↑ Stevic, Lana. "Mandela money: Spend it or keep it?". The M&G Online (in Engels). Besoek op 16 Augustus 2018.
  8. ↑ Rossouw, Mandy. "Motlanthe's stamps of approval". The M&G Online (in Engels). Besoek op 16 Augustus 2018.
  9. ↑ "My DigitalLife: Vote for sale". Geargiveer vanaf die oorspronklike op 10 November 2009. Besoek op 9 Februarie 2012.
  10. ↑ "The Good News South Africa Rare South African coin sells for 450,000 on bidorbuy". Geargiveer vanaf die oorspronklike op 4 Februarie 2012. Besoek op 9 Februarie 2012.
  11. ↑ "Enabling all Africans to invest in stock markets". Moneyweb (in Engels (VSA)). 4 Mei 2017. Besoek op 16 Augustus 2018.
  12. ↑ The Times Live Helen’s going, going gown Geargiveer 13 Januarie 2013 op Wayback Machine
  13. ↑ "News iAfrica com: Website pulls loo paper". Geargiveer vanaf die oorspronklike op 25 Desember 2014. Besoek op 2 Maart 2023.
  14. ↑ "Screen Africa: Fangs auctioned from Afrikaans vampire film". Geargiveer vanaf die oorspronklike op 27 Julie 2011. Besoek op 9 Februarie 2012.
  15. ↑ "Business Day" (in Engels). Besoek op 16 Augustus 2018.
  16. ↑ "Bieber's sweaty vest worth thousands". Channel24 (in Engels). Besoek op 16 Augustus 2018.
  17. ↑ "TechFinancials - Reliable Tech News". TechFinancials (in Engels (VSA)). Geargiveer vanaf die oorspronklike op 9 Februarie 2015. Besoek op 16 Augustus 2018.
  18. ↑ "A Half-a-Million Coin: Bidorbuy | TechFinancials". TechFinancials (in Engels (VSA)). 20 April 2015. Besoek op 16 Augustus 2018.

Verdere leesmateriaal wysig

Eksterne skakels wysig

Ontsluit van "https://af.wikipedia.org/w/index.php?title=Bidorbuy&oldid=2625547"