Boris Rener

Boris Rener (gebore in 1973, Ljubljana) is 'n Sloweense klarinettis en musikale bestuurder.

Boris Rener
Agtergrondinligting
Geboortenaam	Boris Rener
Genres	kamermusiek
Beroep(e)	Musikant
Instrumente	klarinet, klavier, mondfluit, saxofoon, orrel
Jare aktief	1995 - teenswoordig
Etikette	Naxos

Biografie

Boris Rener het wat betref sy voor- en nagraadse studie onderrig ontvang vanaf professor Slavko Goričar aan die Akademie vir Musiek in Ljubljana (Sloweens:Akademiji za glasbo v Ljubljaniin). Hy behaal die Prix de Perfectionnement by die Conservatoire National de Versailles, waar hy onder professor Philippe Cuper promoveer. In 1996 ontvang hy die gesogte Fulbright Beurs waarmee hy studeer in die Verenigde State aan die Hartt School of Music onder professor Charles Russo. Hy verower die Kunstenaarsdiploma en die spesiale toekenning vir "Uitnemendheid in kamermusiek". Hy het die beroemde Amerikaanse Emerson Strykkwartet Kompetisie gewen, wat aan hom 'n kans verleen het om tydens 'n openbare konsert saam met die kwartet te speel. Hy het homself ook aan die gehore in Ljubljana bekend gemaak tydens 'n silwer seisoen in 1997/98. Gedurende die somer van 1998 woon hy met 'n spesiale beurs van Yale-universiteit die Summer Chamber Music Festival in Norfolk, Connecticut (VSA), by, waar hy saam met kunstenaars soos Frank Morelli, Wiliam Purvis, Sydney Harth en andere optree.

Tydens hierdie fees ontmoet hy een van die beroemdste Franse strykkwartette, die Ludwig Strykkwartet. Hy het suksesvol saam met hulle in Frankryk opgetree en is uitgenooi om 'n CD op te neem met Brahms se Kwintet vir klarinet en strykkwartet vir Naxos. In 2000 is hy deur die beroemde Amerikaanse Coolidge Strykkwartet uitgenooi om saam met hulle te speel in Oostenryk en Slowenië. In 2012 tree hy as solis saam met die Manhattan Strykkwartet op tydens die Sarajevo Kamermusiekfees. Hy het tydens die Ljubljana-fees saam met die Camerata Emonica opgetree. In Slowenië het hy ook opgetree saam met kunstenaars soos Aci Bertoncelj, Andrej Jarc, Milan Hudnik, Hermina Hudnik, Alenka Zupan, Tomaž Petrac, Andrej Petrac, Anton Nanut, en andere. Saam met die klarinet studeer hy ook die klavier, mondfluit, saxofoon , orrel, en tree hy as sanger op saam met die Ave-kamerkoor, Slovenicum-kamerkoor, die Sloweense Oktet sowel as drie jaar agtereenvolgens as lid van Wêreld-jeugkoor in Europa, Kanada en Suid-Amerika. Hy het reeds opgetree in sy vaderland, Oostenryk, Frankryk, Italië, Duitsland en die VSA as solis, en as lid van kamerorkes groepe en orkeste. By al die optredes het hy lof ontvang vir sy subtiele musikale uitvoerings. Van 2001 tot 2012 was hy die regisseur van die musiekproduksies van RTV Slovenië. Sedert 2012 werk hy as musiekvervaardiger vir die Simfonieorkes RTV Slovenië. Hy was etlike jare lid van die kunsteraad van Cankarjev dom in Ljubljana, en sedert 2017 was hy lid van die raad van die Slovenske filharmonije en ook adjunkpresident daarvan. In 2015 word hy lid van die Antiphonus-vokale en instrumentale ensemble in Zagreb.