Christine Basson (aktrise)

Hierdie artikel handel oor die aktrise. Vir ander persone, sien Christine Basson (dubbelsinnig).

Christine Basson (9 Junie 1941 – 10 Junie 2019) was 'n Suid-Afrikaanse aktrise.

Christine Basson
Geboortenaam	Christine Carolyn Basson
Geboorte	9 Junie 1941 Bloemfontein
Sterfte	10 Junie 2019 (op 78) Johannesburg
Nasionaliteit	Suid-Afrika
Beroep(e)	Aktrise
Aktiewe jare	1962-2010
Rolprente	Egoli - Plek van Goud
Internet-rolprentdatabasis-profiel

Basson is in Bloemfontein gebore, en behaal haar matriek aan die Hoër Meisieskool Oranje, waarna sy aan die Universiteit van Stellenbosch studeer. Hier voltooi Christine haar graad in Drama, onder leiding van Fred Engelen. Onder haar klasmaats was Franz Marx, die skepper van Egoli.

Sy was ’n lid van die toneelgeselskap van die eertydse Kaaplandse Raad vir die Uitvoerende Kunste (Kruik), asook die Space Teater (Die Ruimte), en het as vryskutter vir al die destydse streeksrade gespeel.

Verhoogwerk

• The House of Bernarda Alba (UTS 1962),
• Agt Vroue (UTS 1963),
• Op Hoop van Seën, (UTS 1964),
• She Stoops to Conquer (Sukovs 1966),
• Don Carlos (Sukovs 1966),
• Voëlvry (Kruik/UTS 1967),
• The West Indian (Kruik 1967),
• A Pound on Demand (in Afrikaans, 1967)
• Yerma in Afrikaans (Kruik 1967),
• Kom Spook By My (Kruik 1968),
• Ons Hou Konsert (Kruik 1968 en 1983),
• Die Drie Van Der Walts (Sukovs 1970),
• Ooh! La-La (Outer Space 1974),
• God's Forgotten (Outer Space, 1975),
• Selle Ou Storie (The Company 1975),
• Paradise is Closing Down (Grahamstad Kunstefees 1977),
• Send for Dolly 1980,
• Pavane (Truk 1980),
• Bobaas van die Boendoe (Truk 1980),
• Filumena Marturano (Truk 1981,
• Key for Two (Pieter Toerien 1983),
• Kyk Hoe Hol Hulle (Kruik 1983),
• Huis op Horings (Truk 1985 en 1987),
• Faan se Stasie(Truk 1985) in die rol van Vice Grip,
• Don Juan onder die Boere (Truk 1986),
• Graswewenaar (Truk 1986),
• 'n Seder val in Waterkloof (Truk 1987),
• Die Proponentjie (Truk 1988),
• Vat hom, Flaffie! (Truk 1989),
• Die Groot Wit Roos (Truk 1989, Kruik 1990),
• Who's Afraid of Virginia Woolf? (Kruik 1990),
• Die Wonderwerk (Truk 1991).

Vir haar spel in Pieter-Dirk Uys se beroemde Selle ou storie, het sy in 1975 die Computicket-toekening as beste aktrise ontvang.

Chistine Basson was een van net 'n paar aktrises wat vir die volle 18 jaar deel van Egoli se rolverdeling was. As Nora Naude het Basson 'n huishoudelike naam geword.

Basson was ten tye van haar dood 'n inwoner van Ekklesia Park in Blairgowrie, Randburg.

Filmografie

• Snake Dancer, 1976 as Mev. Venter
• Dingetjie & Idi, 1977 as Dr. McDonald
• Die Spaanse vlieg, 1978 as Matilda van der Walt
• Decision to Die, 1978 as Annette Walters
• Witblits en peach brandy, 1978 as Greta
• 40 Days, 1979 as Phyllis
• City Lovers, 1982 as die "Caretaker"
• Bosveld Hotel (die moewie), 1982 as Willemien Nel
• Wolhaarstories, 1983 as Mev. Steenkamp
• Mattewis en Meraai (TV-reeks), 1983 as Sysie Albertyn
• Kampus, 1985 as Mev. Hugo
• Eendag vir Altyd, 1985 as Maggie
• Agter Elke Man (TV-reeks), 1985 as Marietjie Barnhoorn
• Die Losprys (TV-reeks), 1986 as Mev. du Plessis
• Oos/Wes (TV-reeks), 1989 as Bets
• The Fourth Reich, 1990 as die dame in die kiosk
• Konings (TV-reeks), 1992 as Lottie
• Die Prince van Pretoria, 1992 as die "Landlady"
• Egoli: Plek van Goud, 2009 (TV-reeks) as Nora Roelofse Naudé
• Egoli: Afrikaners is plesierig, 2010 as Nora Naudé