Demografie van die Verenigde Koninkryk

In 2001 was die bevolking van die Verenigde Koninkryk 58 789 194, maar in 2008 was dit na raming tussen 60 en 62 miljoen. Die Verenigde Koninkryk het die derde grootste bevolking in die Europese Unie (naas Duitsland met 82 miljoen en Frankryk met 63 miljoen inwoners), en ook die een en twintigste grootste bevolking ter wêreld. Die land het die derde grootste bevolkingsdigtheid in die E.U. (naas Nederland en België). Dat Frankryk se bevolking amper dieselfde as dié van die V.K. is, maar sy grondgebied twee keer groter, gee 'n aanduiding van presies hoe dig bevolk die land is. Ook wat rassesamestelling betref, onderskei die V.K. hom in dié opsig van die res van die Unie deurdat ruim 92,1% van die bevolking blank is, oftewel 85% blanke Britte. Die bevolking word, net soos in die res van Europa, deur toenemende veroudering gekenmerk. Intussen is sowat 15 persent van die bevolking ouer as 65 jaar.

Nagtelike Nasa-Satellietbeeld van die Britse Eilande

Godsdiens wysig

Die meerderheid van die bevolking is Christene.

Godsdiens Aantal %
Christene 42 079 000 71,6%
Moslem 1 591 000 2,7%
Hindoe 559 000 1,0%
Sikh 336 000 0,6%
Joods 267 000 0,5%
Boeddhis 152 000 0,3%
Ander godsdiens 179 000 0,3%
Nie vermeld 4 289 000 7,3%
Geen godsdiens 9 104 000 15,5%

Taal wysig

Meer as 95 persent van die bevolking praat Engels as huistaal, maar meer as 99,9% kan die taal praat. Skots (Gaelies) is ook belangrik in Skotland (1,5 miljoen mense in Skotland kan die taal praat), terwyl Wallies deur meer as 600 000 sprekers in Wallis as huistaal gebesig word. Pools is met sowat 600 000 sprekers tans een van die grootste minderheidstale in die land. Die land het geen amptelike taal nie, net soos die V.S.A., maar Engels word deur konvensie gebruik as sodanig. Die amptelike godsdiens is die Anglikaanse kerk.

Belangrike immigrantegemeenskappe wysig

Bulgare wysig

Daar is 80 000 Bulgare in die V.K., een van die grootste Bulgaarse gemeenskappe ter wêreld. Die meeste bly in groot Engelse en Skotse stede (Londen, Birmingham, Manchester, Glasgow). Hulle praat Bulgaars en hulle godsdiens is Ortodoks.

Duitsers wysig

262 276 inwoners is in Duitsland gebore (alhoewel hierdie getal ook kinders van Britse soldate insluit wat in Duitsland gestasioneer was).

Franse wysig

Daar is 200 000 tot 300 000 Franse in die V.K., die meeste is Katolieke Christene, waarvan die meeste hulle in Suidoos-Engeland gevestig het. Die meeste praat Frans en Engels. Daar is ’n groot Franse gemeenskap in Kensington.

Hongare wysig

Die Hongaarse bevolking in die V.K. tel meer as 70 000. Die meeste is Christene en bly hoofsaaklik in die suidooste van Engeland (ook Londen).

Oekraïners wysig

Daar is meer as 100 000 Oekraïners in die V.K. Die meeste bly in die suidooste en in groot stede.

Nederlanders wysig

Daar is 40 438 Nederlanders in die V.K. Die meeste woon in die ooste van die V.K., Londen en Skotland.

Russe wysig

In 2003 daar was meer as 300 000 Russe in die V.K. Net soos baie ander immigrante het die meeste Russe hulle in die suidooste, veral in Londen, gevestig.

Somaliërs wysig

In 2001 het tussen 100 000 en 250 000 Somaliërs in die V.K. gewoon. Die meeste bly in groot Engelse stede en Glasgow. Die meeste van hulle is Moslems. Hulle vorm die derde grootste Somaliese gemeenskap ter wêreld (naas Somalië en Kanada).

Spaanjarde wysig

Daar is meer as 20 000 Spanjaarde in die V.K. Die meeste is Christene. Die meeste praat Spaans en die meeste woon in Londen (sowat 25 000).

Suid-Afrikaners wysig

Die Suid-Afrikaanse bevolking in die Verenigde Koninkryk is een van die snelgroeiendste groepe in die land. Die meeste bly in Londen, maar baie ook in die ooste en suide van Engeland. Baie mense dink dat daar meer as een miljoen Suid-Afrikaners in die V.K. bly waarvan sowat 'n halfmiljoen in Londen woon. Daar is egter net 140 000 in die V.K. en net 45 000 in Londen. Baie jongmense uit Suid-Afrika werk ’n jaar of twee in die land, maar keer dan weer na hulle vaderland terug. Die meeste van die Suid-Afrikaners is wit, en die meeste Engelssprekend, maar daar is ook 'n groot Afrikaanse bevolking. Die swart Suid-Afrikaanse bevolking neem ook stadigaan toe. Die meeste van die Suid-Afrikaners is Christene, maar daar is ook ’n Joodse komponent. Suid-Afrikaners migreer veral na die V.K. weens die misdaadsituasie in Suid-Afrika.

Zimbabwiërs (Rhodesiërs) wysig

Mense wat het uit Rhodesië na die V.K. gekom het, word Rhodies genoem en dié wat uit die onafhanklike Zimbabwe gekom het, Zimbies. Die meeste van die Rhodies is wit, maar baie van die Zimbies is ook swart. Die Zimbabwiese bevolking in die V.K. was net 21 427 in 1991, maar volgens huidige skattings is dit meer as 200 000. Die meeste praat Engels en is Christene. Die Zimbabwiërs in die V.K. is baie soos die Suid-Afrikaners wat in die V.K. bly. Die helfte bly in Londen, en die meeste in die suidooste van Engeland.