Des van Rooyen
David (Des) van Rooyen (gebore op 20 November 1968) is op 10 Desember 2015 as Suid-Afrika se minister van finansies beëdig. Hy volg die vorige minister van finansies, Nhlanhla Nene op, nadat Nene summier van sy pos onthef is.[1] Die markte het nie positief op sy aanstelling gereageer nie en die Suid-Afrikaanse Rand het deur die vlak van R15 per dollar en R16 per euro gebreek.[2] Sy aanstelling is drie dae later herroep, waarna hy deur Pravin Gordhan, 'n vorige minister van finansies, opgevolg is. Hy is verskuif na Gordhan se vorige pos as minister van samewerkende regering en tradisionele aangeleenthede. Nadat Cyril Ramaphosa in Februarie 2018 Jacob Zuma as president van Suid-Afrika opgevolg het, is Des van Rooyen nie vir die nuwe kabinet oorweeg nie.[3]
| David Douglas Des van Rooyen | |
Minister van Samewerkende regering en Tradisionele aangeleenthede
| |
| Ampstermyn 13 Desember 2015 – 28 Februarie 2018 | |
| President | Jacob Zuma Cyril Ramaphosa |
|---|---|
| Voorafgegaan deur | Pravin Gordhan |
| Opgevolg deur | Zweli Mkhize |
Minister van Finansies
| |
| Ampstermyn 10 Desember 2015 – 13 Desember 2015 | |
| President | Jacob Zuma |
| Voorafgegaan deur | Nhlanhla Nene |
| Opgevolg deur | Pravin Gordhan |
Persoonlike besonderhede
| |
| Gebore | 20 November 1968 |
| Politieke party | African National Congress |
| Alma mater | Universiteit van Suid-Afrika Universiteit van Londen |
Van Rooyen was in die tagtigerjare 'n lid van Umkhonto we Sizwe. Sedertdien was hy 'n uitvoerende burgemeester van die Merafong City Plaaslike Munisipaliteit en 'n gewese Noordwes-voorsitter van die Suid-Afrikaanse Vereniging vir Plaaslike Regering.
Tydens sy ampstermyn as burgemeester was daar sterk teenkanting teen die inlywing van die munisipaliteit by Noordwes. As gevolg hiervan is sy huis in 2006 deur woedende inwoners afgebrand.
Die Universiteit van Londen het in 2014 'n M.Sc. in finansies aan hom toegeken.
Verwysings
wysig- ↑ Van beleërde oudburgemeester tot minister, Maroela Media, besoek op 10 Desember 2015
- ↑ Rand val soos ‘n klip ná Zuma MK-terroris as minister van finansies aanstel Geargiveer 22 Desember 2015 op Wayback Machine, PRAAG, besoek op 10 Desember 2015
- ↑ 4 Of The Worst Ministers We Definitely Won't Miss Geargiveer 1 Maart 2018 op Wayback Machine, HuffPost, besoek op 27 Februarie 2018
Eksterne skakels
wysig- David van Rooyen op People's Assembly
 | Hierdie artikel omtrent ’n Suid-Afrikaanse politikus is ’n saadjie. Jy kan Wikipedia help deur dit uit te brei. |