Zweli Mkhize
Zwelini Lawrence Mkhize (gebore 2 Februarie 1956, Willowfontein) is 'n Suid-Afrikaanse dokter en oud-politikus. Hy was vanaf 6 Mei 2009 tot 1 September 2013 die vyfde premier van KwaZulu-Natal en is deur Senzo Mchunu opgevolg. Einde Februarie 2018 is hy deur president Cyril Ramaphosa as Minister van Samewerkende regering en Tradisionele aangeleenthede benoem.
| Zweli Mkhize | |
 Zweli Mkhize in 2011 | |
Minister van Gesondheid
| |
| Ampstermyn 30 Mei 2019 – 5 Augustus 2021 | |
| President | Cyril Ramaphosa |
|---|---|
| Voorafgegaan deur | Aaron Motsoaledi |
| Opgevolg deur | Joe Phaahla |
Minister van Samewerkende regering en Tradisionele aangeleenthede
| |
| Ampstermyn 28 Februarie 2018 – 29 Mei 2019 | |
| President | Cyril Ramaphosa |
| Voorafgegaan deur | Pravin Gordhan |
| Opgevolg deur | David van Rooyen |
Tesourier-generaal van die African National Congress
| |
| Ampstermyn 18 Desember 2012 – 18 Desember 2017 | |
| Voorafgegaan deur | Mathews Phosa |
| Opgevolg deur | Paul Mashatile |
| Ampstermyn 6 Mei 2009 – 1 September 2013 | |
| Voorafgegaan deur | S'bu Ndebele |
| Opgevolg deur | Senzo Mchunu |
Persoonlike besonderhede
| |
| Gebore | Zwelini Lawrence Mkhize 2 Februarie 1956 Pietermaritzburg, Suid-Afrika |
| Nasionaliteit |  Suid-Afrikaner
|
| Politieke party | African National Congress |
| Eggenoot/-note | May Mashego |
| Alma mater | Universiteit van Natal |
Op 30 Mei 2019 volg hy dokter Aaron Motsoaledi op as die nasionale Minister van Gesondheid.
Digital Vibes-skandaal
wysigOp 8 Junie 2021 plaas president Ramaphosa Zweli Mkhize op spesiale verlof, weens bewerings dat sy ministerie onbehoorlik kontrakte met betrekking tot die bestryding van die koronavirus toegeken het aan 'n kommunikasiemaatskappy wat deur sy voormalige medewerkers beheer word.
Op 29 Julie 2021 is die verslag van die spesiale ondersoekeenheid (SIU) vrygestel en dit is onthul dat Mkhize se seun Dedani na bewering "bokse vol kontant" van 'n sleutelfiguur in die korrupsieskandaal ontvang het. Dedani het Radha Hariram, die direkteur van Digital Vibes, by 'n vulstasie in Stanger in KwaZulu-Natal ontmoet, waar hy glo geld uit die kontrak ontvang het. Die SIU beskuldig Mkhize van onbehoorlike optrede vir sy rol en wil sowat R3,8 miljoen van Dedani terugeis. Die SIU het aangevoer dat die kontrak onregmatig toegeken is en dat die eenheid dit nou deur 'n hof wil hersien en tersyde stel. Die SIU poog ook om R150 miljoen terug te eis van verskeie ontvangers van die beweerde plunderskema.[1][2]
Mkhize bedank as minister van gesondheid op 5 Augustus 2021, en na 'n kabinetskommeling word hy opgevolg deur dokter Joe Phaahla.[3]
Verwysings
wysig- ↑ Mkentane, Luyolo (29 Julie 2021). "SIU makes damning finding against Zweli Mkhize in Digital Vibes contract probe". BusinessDay. Besoek op 1 Augustus 2021.
- ↑ Myburgh, Pieter-Louis (31 Julie 2021). "Zweli Mkhize's son collected bags of Digital Vibes cash". Daily Maverick. Besoek op 1 Augustus 2021.
- ↑ Tandwa, Lizeka (5 Augustus 2021). "Mkhize tenders resignation as Ramaphosa calls top six meeting, fueling cabinet reshuffle speculation". Mail & Guardian. Besoek op 5 Augustus 2021.