Premier van KwaZulu-Natal
Die premier van KwaZulu-Natal is die regeringshoof van die KwaZulu-Natalse provinsie van Suid-Afrika. Die huidige premier van KwaZulu-Natal is Nomusa Dube-Ncube, 'n lid van die African National Congress, wat Sihle Zikalala opgevolg het wat as premier bedank het. Sy het haar amp op 10 Augustus 2022 aanvaar.[1]
_(cropped).jpg)
Funksies wysig
Ingevolge die grondwet word die uitvoerende gesag van 'n provinsie aan die Premier toevertrou. Die Premier kondig 'n Uitvoerende Raad aan bestaande uit tien lede van die provinsiale wetgewer; hulle word lede van die Uitvoerende Raad (LUR'e) genoem. Die LUR'e is basies ministers en die Uitvoerende Raad 'n kabinet op provinsiale vlak. Die Premier het die gesag om LUR'e na sy/haar eie diskresie aan te stel en af te dank.
Die Premier en die Uitvoerende Raad is verantwoordelik vir die implementering van provinsiale wetgewing, tesame met enige nasionale wetgewing wat aan die provinsie toegeken is. Hulle stel provinsiale beleid op en bestuur die departemente van die provinsiale regering; hul optrede is onderhewig aan die nasionale grondwet.
Vir 'n wetsontwerp van die provinsiale wetgewer om aanvaar te word, moet die Premier dit onderteken. Indien hy/sy meen dat die wet ongrondwetlik is, kan hy dit terugverwys na die wetgewer vir heroorweging. Indien die Premier en die wetgewer nie saamstem nie, moet die wet na die Konstitusionele Hof verwys word vir finale oorweging.
Die Premier is ook ex officio 'n lid van die Nasionale Raad van Provinsies, die hoërhuis van die Parlement, as een van die spesiale afgevaardigdes van die provinsie.
Lys van vorige premiers wysig
| No. | Naam | Aangestel | Bedank pos | Party |
|---|---|---|---|---|
| 1 | Frank Mdlalose | 11 Mei 1994 | 1 Maart 1997 | Inkatha Freedom Party |
| 2 | Ben Ngubane | 1 Maart 1997 (waarnemend tot 19 Maart) |
10 Februarie 1999 | Inkatha Freedom Party |
| 3 | Lionel Mtshali | 10 Februarie 1999 | 23 April 2004 | Inkatha Freedom Party |
| 4 | S'bu Ndebele | 23 April 2004 | 6 Mei 2009 | African National Congress |
| 5 | Zweli Mkhize | 6 Mei 2009 | 22 Augustus 2013 | African National Congress |
| 6 | Senzo Mchunu | 22 Augustus 2013 | 24 Mei 2016 | African National Congress |
| 7 | Willies Mchunu | 24 Mei 2016 | 27 Mei 2019 | African National Congress |
| 8 | Sihle Zikalala | 27 Mei 2019 | 5 Augustus 2022 | African National Congress |
| 9 | Nomusa Dube-Ncube | 10 Augustus 2022 | bekleër | African National Congress |
Verwysings wysig
- ↑ Rall, Se-Anne. "Nomusa Dube-Ncube takes the helm as KZN's first woman premier". www.iol.co.za (in Engels). Besoek op 10 Augustus 2022.