Die Toring (tarotkaart)
Die Toring is die 16de troefkaart in tarotkaartspeletjies en die 16de Groot Arcana-kaart in pakke vir waarsêery. Dit word in albei gebruik, sedert die 15de eeu in speletjies en sedert die middel 19de eeu in waarsêery.
Geskiedenis
wysigDié kaart volg direk op Die Duiwel in alle pakke wat dit bevat. Dit word verbind met skielike, ontwrigtende onthullings en 'n moontlike ontwrigtende verandering. Sommige vroeëre pakke, soos die Visconti-Sforza-tarot, bevat dit nie,[1] en sommige pakke wat vir speletjies gebruik word, laat dit ook uit.[2]
In die pakke kaarte wat wel Die Toring bevat, het dit verskillende ontwerpe, soos twee mense wat uit 'n brandende gebou vlug of 'n boom wat deur weerlig getref word. Die Tarot van Marseille vermeng dié twee beelde en wys 'n brandende toring wat deur weerlig of vuur uit die lug getref word. Twee mans val uit die toring.[3] In die Rider-Waite-tarotpak is die ontwerp hierop geskoei, met klein vuurtonge in die vorm van die Hebreeuse letter jod.[4]
Verskeie pogings bestaan om die beelde op die kaarte te verduidelik. Sommige sê dit verwys na die verwoesting van die Toring van Babel,[5] terwyl ander die Hellevaart van Christus noem, waar die hel voorgestel word as 'n groot brandende poort wat Jesus oopklop. Die kaart van die Minchiate-weergawe wys die verdrywing van Adam en Eva uit die tuin van Eden.[3]
Vertolking
wysigDie Toring word algemeen verbind met gevaar, krisisse, skielike veranderings, verwoesting, geleerde wysheid en bevryding.[6] Op die Rider-Waite-kaart is die bopunt van die toring 'n kroon, wat 'n simbool is van materialistiese gedagtes wat goedkoop gekoop is en neergewerp word.[7]
Volgens A.E. Waite se boek van 1910 Pictorial Key to the Tarot[8] word Die Toring in waarsêery verbind met:
16 DIE TORING – ellende, kommer, nood, teenspoed, onheil, oneer, bedrog, verwoesting. Dit is veral 'n kaart van 'n onvoorsiene katastrofe. Omgekeer – versuim, afwesigheid, verdeling, onverskilligheid, afleiding, apatie, nietigheid, ydelheid.
In astrologie word Die Toring verbind met die planeet Mars.[9]
Verwysings
wysig- ↑ Bill Butler (1975). Dictionary of the Tarot. Schocken. ISBN 0-8052-0559-4.
- ↑ "The Hidden Aspects of Tarot Pairings". HeavenlyPredictions.com. 21 Junie 2014. Besoek op 21 Junie 2014.
- ↑ 3,0 3,1 Paul Huson (2004). Mystical Origins of the Tarot: From Ancient Roots to Modern Usage. Destiny. ISBN 978-0-89281-190-8.
- ↑ Robert Place (2005). The Tarot: History, Symbolism, and Divination. TarcherPerigee. p. 207. ISBN 1-58542-349-1.
- ↑ "The Tower". TarotCardMeanings.net. 12 Junie 2015. Besoek op 12 Junie 2015.
- ↑ John Michael Greer (2003). The New Encyclopedia of the Occult. Saint Paul, Minnesota: Llewellyn Publications. p. 489. ISBN 1-56718-336-0.
- ↑ Eden Gray (1970). Complete Guide to the Tarot. New York, NY: Crown Publishers.[ISBN ontbreek]
- ↑ Waite, Arthur Edward, 1857-1942. (2005). The pictorial key to the tarot. Mineola, NY: Dover Publications. ISBN 0-486-44255-1. OCLC 57549699.
{{cite book}}: AS1-onderhoud: meer as een naam (link) - ↑ McCann, David (Maart 1998). Houlding, Deborah (red.). "Mercury in Myth & Occult Philosophy". The Traditional Astrologer. Nottingham, UK: Ascella (16).
Nog leesstof
wysig- Juliette Wood (1998). "The Celtic Tarot and the Secret Tradition: A Study in Modern Legend Making". Folklore. Taylor & Francis, Ltd. 109 (1–2): 15–24. doi:10.1080/0015587X.1998.9715957. JSTOR 1260566.
- John Michael Greer (2003). The New Encyclopedia of the Occult. Saint Paul, Minnesota: Llewellyn Publications. p. 489. ISBN 1-56718-336-0.
Skakels
wysig
Wikimedia Commons het meer media in die kategorie Die Toring (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
