Disa arida
plantspesie
Disa arida is 'n meerjarige plant en geofiet wat tot die genus Disa behoort en is deel van die fynbos. Die spesie is endemies aan Wes-Kaap en kom in die Outenikwaberge, Rooiberg en Gamkaberg voor. Die plant het 'n voorkomsgebied van 574 km2 en daar is sewe sub populasies. Die plant word bedreig deur die indringerplant, die Hakea spesies. Een subpopulasie is heeltemal oorgeneem deur dié indringerplant. 'n Omvattende ondersoek vanaf 2008 tot 2012 het aangedui dat geen sub populasie meer as 250 plante het nie. Die totale populasie is op minder as 2000 plante beraam. Te veel vure is ook 'n bedreiging aangesien die plant slegs in 20 tot 25 jaar oue fynbos blom.
| Disa arida | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eensaadlobbiges |
| Orde: | Asparagales |
| Familie: | Orchidaceae |
| Subfamilie: | Orchidoideae |
| Genus: | Disa |
| Spesie: | D. arida
|
| Binomiale naam | |
| Disa arida Vlok, (1985)
| |
