Frans Timmermans

Franciscus Cornelis Gerardus Maria (Frans) Timmermans (gebore op 6 Mei 1961 in Maastricht) is 'n Nederlandse politikus van die PvdA.

Frans Timmermans in 2023

Hy was van 1 November 2014 tot 22 Augustus 2023 die eerste adjunk-president van die Europese Kommissie gewees.

Sedert November 2023 is hy die partyleier van die kombinasie PvdA-GroenLinks.

Loopbaan wysig

  • Van 1980 tot 1985 studeer hy Frans aan die Radboud Universiteit van Nijmegen en van 1984 -'85 vervolg hy sy studies aan die Universiteit van Nancy in Europese Reg en Franse literatuur.
  • Van 1987 - 1990 is hy beleidmedewerker aan die Nederlandse Ministerie van Buitelandse Sake en '90-'93 werk hy as adjunk-sekretaris aan die Nederlandse ambassade in Moskou.
  • Hy keer na Den Haag terug en '93-'94 werk hy by die ministerie van ontwikkelingsamewerking as adjunk-hoof van die afdeling Europese sake.
  • Hierna begin sy Europese loopbaan: van 1994 - 1995 werk hy vir Hans van den Broek, die Nederlandse minister van buitelandse sake wat nou Europese Kommissaris geword het.
  • Van 1995 - 1998 werk hy vir Max van der Stoel wat die Hoë Kommissaris vir nasionale minderhede van die OSCE is.
  • Hy keer terug na die Nederlandse politiek en van 1998 - 2007 is hy lid van die Nederlandse Tweede Kamer vir die sosiaaldemokratiese party PvdA. Van 2007 tot 2010 dien hy as adjunk-minister van Europese sake in die Balkenende IV-kabinet en van 2012- 2014 as minister van buitelandse sake in die Rutte II-kabinet.
  • In 2014 word hy die eerste adjunktpresident van die Europese Kommissie Juncker. Sy werkgebied is verbetering van reëlgewing, die betrekkings tussen instellings, die regstaat en die handves van grondregte.
  • In 2019 word hy die Europese Kommissaris vir Klimaat en eerste adjunktpresident van die Kommissie Von der Leyen.
  • Sedert 6 Desember 2023 is hy die parlementêre leier van die kombinasie GroenLinks-PvdA in die Tweede Kamer.

Persoonlike besonderhede wysig

Frans Timmersman is vir die tweede keer getroud en het vier kinders.

Hy is 'n Rooms-Katoliek en 'n poliglot; hy spreek Duits, Engels, Frans, Italiaans, Nederlands en Russies as ook die Limburgse dialek.

Eksterne skakels wysig