Františkovy Lázně
Františkovy Lázně (Duits: Franzensbad) is 'n stad en hersteloord in die sogenaamde Wes-Boheemse Driehoek van Mineraal- en Warmbaddens in Tsjeggië, sowat vyf kilometer noord van Cheb (Duits: Eger) in die administratiewe distrik Okres Cheb, met 'n bevolking van meer as 5 500. Saam met twee ander hersteloorde en badplase, Karlovy Vary (Karlsbad) en Mariënbad, vorm Františkovy Lázně die hartland van die sogenaamde Wes-Boheemse Driehoek van Mineraal- en Warmbaddens
|
Františkovy Lázně | |
|---|---|
| Kaart | Wapen |
 | |
 | |
| Vlag | |
 | |
| Land |  Tsjeggië
|
| Historiese streek |  Boheme
|
| Kraj (gewes) |  Karlovarský kraj
|
| Okres (distrik) | Cheb |
| Koördinate | 50°7′13″N 12°21′6″O / 50.12028°N 12.35167°O |
| Stigting | 1793 |
| Stadstatus | 1865 |
| Oppervlakte: | |
| - Totaal | 25,74 vk km |
| Hoogte bo seevlak | 442 m |
| Bevolking: | |
| - Totaal (2017) | 5 497 |
| - Bevolkingsdigtheid | 213,6/vk km |
| Tydsone | UTC +1 (MET) |
| - Somertyd | UTC +2 (MEST) |
| Klimaat | |
| - Tipe | - |
| - Gemiddelde jaarlikse temperatuur | - |
| - Gem. temp. Januarie/Julie | - |
| - Gemiddelde jaarlikse neerslae | - |
| Burgemeester (starosta) | Jan Kuchař (PRO) |
| Amptelike Webwerf | www.mufrlazne.cz/ |
Die eerste verwysing na Františkovy Lázně se mineraalbronne dateer van 1502. Byna driehonderd jaar later, in 1793, is die nedersetting in die destyds Duitssprekende noordweste van Boheme gestig as Kaiser Franzensdorf. Nog in dieselfde jaar het die Loiman-badhuis ontstaan. Die nedersetting is in 1807 hernoem tot Franzensbad en het in 1865 stadstatus verwerf. Vanweë sy ryk argitektoniese erfenis – met boustyle wat van historisme tot klassisisme strek – en sy harmoniese historiese stadsbeeld, waarin die kleure geel en wit oorheers, is Františkovy Lázně in 1992 tot historiese monument verklaar.[1]
In 2021 is Františkovy Lázně deur Unesco as wêrelderfenisgebied onder die sambreelterm "Historiese spa's van Europa" gelys, saam met Karlovy Vary en Mariënbad (albei Tsjeggië); Spa (België); Baden bei Wien (Oostenryk); Bad Ems, Baden-Baden en Bad Kissingen (Duitsland); Vichy (Frankryk); Montecatini Terme (Italië); en Bath (Verenigde Koninkryk).[2]
Verwysings
wysig- ↑ (de) www.franzensbad.cz: Geschichte und Gegenwart. Besoek op 11 Julie 2017
- ↑ (en) "The Great Spa Towns of Europe". Unesco. Besoek op 25 Julie 2021.
Eksterne skakels
wysig
Wikimedia Commons het meer media in die kategorie Františkovy Lázně.- (en) Toerisme-inligting oor Františkovy Lázně op Wikivoyage
- (cs) Amptelike webwerf
