Hannodb

Hallo Hannodb, hartelik welkom op die Afrikaanse Wikipedia! Dankie vir jou belangstelling in Wikipedia. Ons werk hier aan die ideaal van 'n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 120 487 artikels. Vanaf die begin van die projek het die gebruikers 'n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om 'n bietjie houvas te kry voor mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? 'n opskrif? tabelle? ___ Wat Wikipedia nie is nie Daar is ook 'n paar dinge wat ons nié hier doen nie ___ Beelde As jy jou kiekies wil oplaai ___ Beleefdheid Ken jou maniere ___ Wenke vir die skryf van 'n goeie artikel Soms sê die naam alles Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so 'n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

Kerkartikels

Haai, Hanno

As jy 'n artikel wil skuif, kan jy op die pyltjie bo regs (langs die "Soek"-balk) kliek en "skuif" kies. Só kies jy slegs 'n nuwe titel vir die artikel en word die inhoud daarvan, saam met die artikel se wysigingsgeskiedenis (welke bydraers wanneer wat bygevoeg het) na die nuwe titel geskuif. As mens die inhoud bloot knip en plak verloor jy die wysigingsgeskiedenis en lyk dit asof jy die "plakker" die enigste outeur is. Dit is nie eerlik teen die ander bydraers nie en ons probeer dit sover moontlik vermy. Ek het dit nou gekorrigeer deur die twee bladsye se wysigingsgeskiedenisse saam te smelt, maar dis nogal ingewikkeld en verloop nie altyd glad nie, dus vra ek jou om asb. in die toekoms die "skuif"-funksie te gebruik - bietjie makliker vir almal! Groete, Anrie (kontak) 09:13, 5 Augustus 2010 (UTC).