Hi Nom-de-plume!

Welkom hier by Wikipedia! Dit lyk asof jy reeds redelik tuis is, maar voel gerus vry om vrae te vra. Probeer gerus om altyd ingeteken te bly (dit lyk my jy teken soms per abuis af) sodat mens altyd kan sien watter is jou bydraes (Sien die boksie onder "teken aan" as jy aanteken.) Groete, Alias 21:38, 21 11 2004 (UTC)

Hi Alias,

Baie dankie vir die verwelkoming -- na my eerste skamele poginkie, was dit jou konstruktiewe kommentaar wat my regtig aan die gang gesit het. Hierdie projek is ... ongelooflik lekker!

Groete, --Nom-de-plume

Duplikate wysig

Haai NdP, en welkom ;) Hierdie projek gaan hopelik nog net soveel van jou tyd mors soos wat dit met myne gedoen het!

Ek sien jy't reeds begin werskaf aan beide Kopielosse en Wikipedia:Omtrent. Ek het ook al Kopielinks en Wikipedia geskep, wat vertalings vanaf resp. en:Copyleft en en:Wikipedia is, wat blyk om jou bronne ook te wees. Ek stel voor dat ons nie dubbel-/duplikaatwerk doen nie, juis omdat arbeid reeds so skaars is op af.wp... My voorstel sal wees om veranderings waaroor jy sterk voel oor te dra na my artikels (ek probeer sover moontlik die naamspasie van en.wp dupliseer, omdat hulle baie ervaring hiermee het), en dat ons joune na "aanskuiwe" (redirects) verander. (Dewet 08:14, 22 11 2004 (UTC))

Nuwe kommunikasie 2006 wysig

Haai, Nomdeplume. Hoekom het jy die skakel na Goeie Vrydag-aardbewing verwyder? (sien [1]) --Alias 08:10, 27 Maart 2006 (UTC)Beantwoord

Jammer, sien nou eers jy het dit dadelik reggemaak. :-) --Alias 08:50, 27 Maart 2006 (UTC)Beantwoord

Haai Alias, weet jy, ek geniet dit om te kyk na jou verbeterings -- dit gee my altyd soort van 'n sintaktiese les, maar toe het ek 'n klein tikfout herstel op die ouere weergawe, in plaas van die nuutste een. Het my 'n les geleer om dit tog maar altyd te check. Nomdeplume 16:19, 27 Maart 2006 (UTC)Beantwoord


Haai Dewet,

Dankie!

Oor die duplikasie: ek het nie geweet nie -- hoe ek begin het met Wikipedia:Omtrent is deurdat ek die kliekknopie onderaan die bladsy gedruk het: Inligting oor Wikipedia, en dit het my toe na 'n leë skakel "Wikipedia:Omtrent" gebring. (Daai knopie is aan die ondereinde van omtrent elke bladsy.) En daar trek ek toe weg met 'n vaart met die inligting vanaf die Engelse ekwivalent. Absoluut stem ek saam dat ons nie dubbelwerk doen nie. Sal jy asseblief so gaaf wees om of myne na "aanskuiwe" te verander, of andersins myne heeltemal uit te vee en die skakel wat ek oorspronklik gebruik het, na joune te verander. Laat my weet hoe jy daaroor dink. -- Nom-de-plum

Is jy plum of plume of is jy jou broer? Jcwf

Haai Jcwf,

Hoe laat jy my nou skaamkry! Ek het my 'plume' werk gister op my tuisrekenaar gedoen, en toe vanoggend kom inteken by my werksrekenaar. Toe die werf nie my naam wou vat nie het ek nuut aangeteken -- en vergeet dat ek eintlik 'plume" en nie 'plum' is nie. Soort van skizofrenies... -- Nom-de-plume


Maak nie saak nie plum(e) ;-) Jcwf

Welkom - Hoop jy geniet dit. Ek verstaan dis vrek koud daar in Kanada dus behoort jy mos baie tyd binnenshuis te kan spandeer en vir ons 'n paar goeie artikels te kan skryf - :-) --RM 06:10, 23 11 2004 (UTC)

Dankie Renier. Presies! :-) Nom-de-plume 01:28, 24 11 2004 (UTC)

Skakels wysig

Hi Nom-de-plume,

Ek wil jou tog aanmoedig om nie weg te skram van skakels wat wys na artikels wat nie bestaan nie. Dit lok lesers uit om die artikels te skryf, en sal ook outomaties dan daarna wys as die artikel geskep word. Dit help om die verwantskappe tussen artikels te bou. Alhoewel té veel skakels steurend kan raak, voel ek dit is sinvol om dalk wel 'n paar te gebruik. Miskien 'n goue middeweg. Groete, Alias 21:35, 23 11 2004 (UTC)

Beste Alias
Jy 's is regtig so behulpsaam. Ek aktiveer dit dan weer... Nom-de-plume 01:30, 24 11 2004 (UTC)

Poësie wysig

So kort op die hakke na die artikel oor penis. Vir 'n oomblik gedink jy het 'n artikel oor die een sonder die deelteken op die e geskryf.  :-) --RM 05:43, 1 12 2004 (UTC)

Renier, jou karnallie... ek het l-a-a-nklaas so lekker gelag. Nee, dáái ene kom 'n bietjie later! --Nom-de-plume

Skuif wysig

Die beste is om artikels te skuif eerder as om die inhoud te kopiëer in 'n nuwe artikel in. Deur dit te skuif word die hele wysigingsgeskiedenis en die bespreking behou en saamgeskuif. Aangesien jy dit reeds gedoen het, is dit nie 'n probleem nie, ek noem dit sommer solank. Geneesmidddel is nou uitgevee. Groete, Alias 13:41, 1 12 2004 (UTC)

Dankie. Alias, hoe presies skuif 'n mens 'n artikel?--Nom-de-plume
As jy die (verstek) monobook voorkoms gebruik, is daar bo-aan 'n knoppie wat sê "skuif". By jou sal dit waarskynlik tussen "ouer weergawes" en "hou dop" wees. Sommer vir wanneer jy dit nodig kry. --Alias 19:39, 2 12 2004 (UTC)

Bronne wysig

Hi Ndp,

Dankie vir jou nuutste bydraes! Onthou asb om altyd jou bronne aan te gee. Die afwesigheid van bronne is wat party mense afsit van die Wikipedia-idee. Verder is dit in elkgeval 'n wetlike vereiste. Dit help ook dat mens die vertaling sou kon nagaan as dit 'n vertaling was. Groete, Alias 18:23, 1 12 2004 (UTC)

Alias, ek gebruik grootliks en.wikipedia as my grootste voerbron, maar doen nie slegs 'n vertaling nie. Ek modifiseer die artikel 1) met my eie vakkennis, indien ek enige het, 2) met navorsing van feite wat vir my nuut is, en 3) denkende aan 'n Afrikaanse leser. 'n Voorbeeld is die "penis" artikel waar 1) die anatomie ensovoorts korrek is, 2) die engelse weergawe 'n onfeitelike bewering maak oor 'n dolfyn-penis en 3) sekere skakels, soos na 'n werf met ereksiefoto's wat myns insiens nie mooi hoort nie, uitgelos word.
Met dit alles in gedagte, kan jy my raad gee oor hoe ek die bron dan behoort aan te toon?--Nom-de-plume
Noem dit dan as een van jou bronne. bv
Sien, dis onwettig om groot dele van 'n artikel te vertaal sonder toestemming. Ons het toestemming, maar moet nog steeds die bron noem. Selfs klein aanhalings of vertalings behoort die bron van genoem te word. Dit gee geloofwaardigheid aan 'n artikel as daar verwysings is wat nagegaan kan word. Eksterne bronne is natuurlik baie goed. Moet my asb nie verkeerd verstaan nie: ek hou baie van jou manier van doen! Jou vakkennis is 'n groot aanwins vir ons! Groete, Alias 19:39, 2 12 2004 (UTC)

/* Aantal artikels */ en /* Afrikatale */ wysig

Aantal artikels wysig

Weereens hallo,

Sommer net 'n gedagte: die voorturende opdateer van die aantal artikels op die voorblad vir NL: en EN: kan 'n groot werk word. Miskien is dit eenvoudiger as ons dit eenvoudig hou by groot, ronde getalle? Bv. Elke 5 000 vir NL en elke 10  vir EN. Vir my gee ronde getalle in elkgeval 'n beter indruk en in my indruk dateer 40 000 nie so vinnig soos 41 000 nie. Maar ek hoor graag jou opinie. --Alias 20:53, 2 12 2004 (UTC)

Afrikatale wysig

Jou verandering van die Afrikatale is ongelukkig nie (volgens my) heeltemal van pas nie. Zoeloe, Venda, Swahili, ens is tog die Afrikaanse name vir hierdie tale. Ons praat tog immers nie van Deutch, Español of English nie. Ek het hierdie saak met die voorsitter van die departement Afrikate by RAU bevestig. REDIRECTs vanaf die name wat jy gebruik is waarskynlik wel sinvol. Maar ek hoor graag hoe jy voel. Groete, Alias 20:53, 2 12 2004 (UTC)

Datums wysig

Hi Ndp,

Ek let op dat jy begin het met die datumbladsye. Ek neem aan jy het gesien dat daar besluit is om die formaat van 1 Junie as templaat te gebruik. Die byvoeging van die omliggende dae onder aan die templaat is vir my egter nou bietjie vreemd. Die kalender gee mos reeds die hele maand. Verder kan jy dalk net oplet na die ekstra reëls wat jy elke keer onder die opskrif byvoeg (ek het na so paar bladsye in Januarie gekyk). Dit maak dat daar in die standaard omslag (monobook) altyd twee strepe onder die opskrif is. Bespreek gerus enige veranderinge wat jy aan die templaat wil aanbring. Dit is reeds by 'n groot klomp bladsye gebruik. Groete, Alias 10:06, 6 12 2004 (UTC)

Hi Ndp,

Die datumgoeters is ongelukkig baie werk. Jou skuiwery van die Mei-artikels is ongelukkig problematies. Ek neem aan dat jy nie opgelet het na die hele spul wat reeds bestaan by Mei 1 ens nie (kyk verduideliking onder by Lys_van_historiese_herdenkings). Aangesien dies wat jy geskuif het, leeg is, is hulle natuurlik nie so belangrik nie, behalwe vir die interwiki-skakels. Mei 1 moes geskuif word na 1 Mei en die interwikis van 05-01 moes bygewerk word. Dan moet 05-01 'n REDIRECT gemaak word. Op hierdie manier word die wysigingsgeskiedenis vanaf Mei 1 behou (Gebruiker:Faresh is een van die grootste bydraers tot die Afrikaanse ensiklopedie, ek sou graag sy bydraes in die ouer weergawes wou behou).

Jammer vir die probleem, ek besef dit sal lekker wees as ons sonder hierdie administrasie kan aangaan. Dit is ongelukkig nou in die gemors wat dit is. Ons maak maar die beste daarvan. Ek sal probeer uithelp wanneer ek meer tyd en Internet het. --Alias 22:17, 7 12 2004 (UTC)

Ndp, ek sien nie 'n maklike manier om Meimaand se bladsye reg te maak nie. Ek het 1 Mei nou reggemaak. Ek dink ons moet eenvoudig al die bladsye vanaf Mei 2 tot Mei 31 redigeer om interwikis vanaf die huidige 2 Mei (ou 05-02) by te werk. sodat ek later al die huidige 2 Mei tot 31 Mei wat jy geskep het kan uitvee (jammer, nè). Daarna skuif ons al die Mei 2 tot Mei 31 na die regte name (2 Mei ens). Hoe klink dit vir jou? --Alias 14:57, 8 12 2004 (UTC)

Alias, Klink goed. Ek doen dit met plesier. Sal jy my asseblief net 'n "primer" gee op presies wat ek met die interwiki-proses moet doen. Soos ek dit verstaan, is dit om die skakels op die nuutgeskepte 2 Mei terug te plak in die Mei 2, as dit nog nie op Mei 2 bestaan nie. Dan, soos wat ek dit voltooi, sal ek die "ou" 2 Mei ens. leegmaak en vir jou laat weet dat dit klaar is, wanneer jy dit dan uitvee. So maak ek dan met verdrag eers Mei-maand klaar, waarna ek soortgelyk na April sal terugkeer. Reg so? --Nom-de-plume 17:22, 8 12 2004 (UTC)

Alles reg, behalwe dat jy nie die nuutgeskepte 2 Mei hoef leeg te maak nie. Ek vee dit sommer uit soos wat dit is. Ek sal waarskynlik nie tyd kry om te help nie, en gaan ook vir 'n ruk weg wees. Dalk kom ek eers in Januarie by die uitvee en oorskuif. Dis bietjie jammer. Ek sal nog kyk. --Alias 20:33, 9 12 2004 (UTC)

Commons wysig

Hi Ndp,

Kyk gerus of van die beelde wat jy/julle wil oplaai dalk by commons is. Dan hoef dit nie hier opgelaai te word nie. Kyk maar vir hulp daar. Dit kan jou dus tyd spaar, en die lading op die bedieners dalk bietjie verminder. Verskoon tog as ek nie vinnig antwoord in die volgende ruk nie, ek weet nie presies hoe my Internettoegang gaan wees nie. Groete, Alias 12:06, 14 12 2004 (UTC)