Gewone wildepietersieliebos
Die gewone wildepietersieliebos (Heteromorpha arborescens) is 'n struik of klein boompie met 'n yl loof en neerhangende takke. In struikvorm is die takke oop. Die plant groei in klipperige heuwelhange en koppies. Die bas is kenmerkend koperbrons en wasagtig. Dit dop ook in papieragtige stukke af. Die blare is op verskillende wyses saamgestel en gee 'n aromatiese pietersieliegeur af wanneer dit fyngedruk word. Die gelerige blomme lok skoenlappers.
| Gewone wildepietersieliebos | |
|---|---|
.jpg)
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Apiales |
| Familie: | Apiaceae |
| Genus: | Heteromorpha |
| Spesie: | H. wildepietersieliebos
|
| Binomiale naam | |
| Heteromorpha wildepietersieliebos (Spreng.) Cham. & Schltdl., (1826)
| |
| Sinonieme | |
| |
Die plant word in Suid-Afrika vir tradisionele behandelings gebruik. Die wortels word saam met melk of bier teen pyn aangewend. Die aktiewe komponent is 'n anti-inflammatoriese kumarien, 6,7-dimetoksi-2H-chromen-2-oon. Die boom se hout is baie sag en word deur die Xhosa's vir musiekinstrumente gebruik.[1]
Verspreiding wysig
Die boom is inheems in Angola, Botswana, Burundi, Eritrea, Eswatini, Ethiopië, Jemen, Kenia, Lesotho, Malawi, Mosambiek, Namibië, Rwanda, Soedan, Suid-Afrika, Tanzanië, Uganda, Zambië en Zimbabwe.
Subspesies wysig
Die spesies het vier subspesies:
Sien ook wysig
Verwysings wysig
- ↑ Thomas Makungo en Teunis Van Ree (2014). "Die aktiewe bestanddeel van wildepietersielie (Heteromorpha arborescens) : 6,7-dimetoksikumarien : oorspronklike navorsing".
{{cite web}}: AS1-onderhoud: gebruik authors-parameter (link)
Bronne wysig
- Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
- REDLIST Sanbi
- Plants of the World Online
Eksterne skakels wysig
Wikimedia Commons het meer media in die kategorie Gewone wildepietersieliebos.
Wikispecies het meer inligting verwant aan Gewone wildepietersieliebos
