Golf van Tonkin
| Golf van Tonkin | |
|---|---|
 Nasa-Satellietbeeld van die Golf van Tonkin | |
 Kaart van die Golf van Tonkin | |
| Koördinate: | 19°45′N 107°45′O / 19.750°N 107.750°O |
| Ligging: | Viëtnam, Volksrepubliek China |
| Soort: | Golf van die Stille Oseaan |
| Maksimum diepte: | 70 meter (230 voet) |
| Lengte: | 500 km (300 myl) |
| Breedte: | 250 km (150 myl) |
| Invloei: | Rooirivier |
| Uitvloei: | Suid-Chinese See |
| Eiland/e: | Hainan |
| Nedersettings: | Beihai (China) Hai Phong (Viëtnam) |
Die Golf van Tonkin (Viëtnamees: Vịnh Bắc Bộ; Vereenvoudigde Chinees: 北部湾, Tradisionele Chinees: 北部灣, pinyin: Běibù Wān; albei letterlik: "Noordelike baai") is 'n golf van die Stille Oseaan in Suidoos-Asië tussen Viëtnam in die weste, die vasteland van die Volksrepubliek China in die noordooste (provinsies Guangdong en Guangxi) en die Chinese eiland Hainan in die ooste. Die golf is ná die Noord-Viëtnamese landskap Tonkin genoem.
.jpg)
Die Golf van Tonkin grens in die suidooste aan die Suid-Chinese See. Die golf is 500 km lank en 250 km wyd.[1] Die grootste stad aan die Golf van Tonkin is Hai Phong in Viëtnam en Beihai in China. Die belangrikste rivier wat in die Golf van Tonkin uitmond is die Rooirivier. Aan die noordkus van Viëtnam is die Halong-baai (Vịnh Hạ Long), sedert 1994 'n Unesco-wêrelderfenisgebied, geleë.[2]
Die Golf van Tonkin is veral bekend vir die Golf van Tonkin-voorval wat tot die Viëtnamoorlog tussen die Verenigde State van Amerika en Noord-Viëtnam gelei het. Tydens hierdie voorval het volgens die Amerikaanse president Lyndon B. Johnson Noord-Viëtnamese soldate twee keer Amerikaanse torpedojaers aangeval. Die Verenigde State het aansluitend amptelik oorlog teen Noord-Viëtnam verklaar en Suid-Viëtnam ondersteun.[3]
Verwysings
wysig- ↑ "Gulf of Tonkin" (in Engels). Encyclopædia Britannica. Geargiveer vanaf die oorspronklike op 3 April 2019. Besoek op 9 Desember 2018.
- ↑ "Ha Long Bay" (in Engels). Unesco. Geargiveer vanaf die oorspronklike op 8 November 2019. Besoek op 9 Desember 2018.
- ↑ (en) "LBJ tape 'confirms Vietnam war error'." Martin Fletcher. The Times. 7 November 2001.
Eksterne skakels
wysig
Wikimedia Commons het meer media in die kategorie Golf van Tonkin.
