Grootblaarsekelbos

Die Grootblaarsekelbos (Dichrostachys cinerea subsp. nyassana) is 'n klein boompie (tot 5 m hoog) of 'n vertakte struik. In Suid-Afrika word dit aangetref in Noordwes, Limpopo, Mpumalanga en KwaZulu-Natal. Dit is volop in grasryke bosveld en in die Krugerwildtuin waar dit in die westelike graniet en sanderige gedeeltes voorkom. Dit is 'n dominante boom in die Pretoriuskoparea. Buite Suid-Afrika is dit inheems in Angola, Botswana, Burundi, Demokratiese Republiek die Kongo, Eswatini, Malawi, Mosambiek, Rwanda, Tanzanië, Uganda, Zambië en Zimbabwe.

Grootblaarsekelbos
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Fabales
Familie:	Fabaceae
Subfamilie:	Mimosoideae
Genus:	Dichrostachys
Spesie:	D. cinerea
Binomiale naam
Dichrostachys cinerea Wight et Arn.
Trinomiale naam
D. cinerea subsp. nyassana

Die 4 cm lange blom-aar se pienk gedeelte bestaan uit onvrugbare blomme en die geel gedeelte uit vrugbare tweeslagtige blomme. Die plat, donkerbruin peule kan tot 10 cm lank en 1 cm breed word. Hulle bars nie oop nie en val in trosse af.

Die hout is soortgelyk aan subsp. africana. Touwerk word van die lewende bas gemaak, die stamme word as houtpale vir omheinings gebruik en 'n infusie van die bas en wortels word medisinaal gebruik. Die peule is baie voedsaam en word deur grootvee en wild gevreet.

Die boom is 'n subspesie van die sekelbos.

Galery

• 
  Blomme
• 
  Blom
• 
  Sade

Sien ook

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• REDLIST Sanbi
• Plants of the World Online