Gulf Air

Gulf Air
Gestig	1950 (as Gulf Aviation)
Hoofspille	Bahrein Internasionale Lughawe
Lojaliteitsprogram	Falconflyer
Vlootgrootte	35
Bestemmings	59
Houermaatskappy	GULF AIR HOLDING B.S.C
Hoofkantoor	Muharraq, Bahrein
Sleutelpersone	Zayed Rashid Al Zayani (voorsitter); Kaptein Waleed Abdulhameed Al Alawi, HUB;
Webwerf	GulfAir.com

Gulf Air ( Arabies: طيران الخليج) is 'n lugredery en die vlagdraer van Bahrein, gestig in 1950. Dit bedryf vlugte na Afrika, Asië, Australië, Europa, die Midde-Ooste en die Verenigde State. Die basis is Bahrein Internasionale Lughawe. Gulf Air is ook die titelborg van die Formule Een Bahreinse Grand Prix.

Geskiedenis wysig

Die Gulf Aviation Company is op 24 Maart 1950 gestig. Die British Overseas Aircraft Corporation (BOAC), 'n voorloper van British Airways, was byna vanaf sy ontstaan af 'n groot aandeelhouer in die lugredery. In 1970 is 'n internasionale gereelde diens na Londen met die Vickers VC10 begin. In 1973 het die regerings van Aboe Dhabi, Bahrein, Oman en Katar die aandele van BOAC oorgeneem. Die naam is verander na Gulf Air en dit het die vlagdraer van hierdie vier Golfstate geword.

In 1976 het die eerste Lockheed L-1011 TriStars en Boeing 737's by die vloot aangesluit; in daardie jaar het die maatskappy 4 000 werknemers in diens gehad. In 1981 het dit 'n lid van die IATA geword. Weens die vinnige groei van die vloot en bestemmings is meer as 7,5 miljoen passasiers vir die eerste keer in 2004 vervoer. Aboe Dhabi het in September 2005 as aandeelhouer onttrek en Oman het in Mei 2007 gevolg^[4]. Gulf Air word nou 100% deur Bahrain besit deur die Bahrain Mumtalakat Holding Company.