Hartwater
- Nota: Hierdie artikel handel oor die veesiekte. Vir die nedersetting in die Noord-Kaap, sien Hartswater.
Hartwater is 'n veesiekte wat hoofsaaklik onder skape, beeste en bokke voorkom, asook sommige wildeherkouers bv. springbokke, en veroorsaak word deur die mikroörganisme Ehrlichia ruminantium. Die siekte kom net in Afrika voor, hoofsaaklik in die oostelike gedeelte van Suid-Afrika vanaf die Limpopo-provinsie, suidwaarts tot by Mosselbaai in die warm en klam laeveld- of bosveldgebiede.
| Hartwater | |
|---|---|
| |
| Ehrlichia ruminantium bakterieë binne die brein van 'n skaap wat van hartwater gevrek het in Afrika. | |
| Wetenskaplike klassifikasie | |
| Domein: | |
| Filum: | |
| Klas: | |
| Orde: | |
| Familie: | |
| Genus: | Ehrlichia
|
| Spesie: | E. ruminantium [1]
|
| Binomiale naam | |
| Ehrlichia ruminantium (Dumler, 2001)
| |
| Sinonieme | |
| |
Die oorsakende organisme word deur die bontbosluis, Amblyomma hebraeum oorgedra. In die natuur word besmetting slegs deur die nimf- en volwasse stadium van die bosluis oorgedra. Die siekte word algemeen gekenmerk deur ‘n hoë koors, senuweesimptome en 'n versameling van vloeistof rondom die hart, in die borsholte, longe en brein. Dit lei meestal tot die dood van die dier.
'n Dosis van tetrasiklien antibiotika word teen die veroorsakende organisme, E. ruminantium, 'n bakterie uit die orde Rickettsiales, gebruik.
Verwysings
wysig- ↑ Dumler JS, Barbet AF, Bekker CP, Dasch GA, Palmer GH, Ray SC, et al. (November 2001). "Reorganization of genera in the families Rickettsiaceae and Anaplasmataceae in the order Rickettsiales: unification of some species of Ehrlichia with Anaplasma, Cowdria with Ehrlichia and Ehrlichia with Neorickettsia, descriptions of six new species combinations and designation of Ehrlichia equi and 'HGE agent' as subjective synonyms of Ehrlichia phagocytophila". International Journal of Systematic and Evolutionary Microbiology. 51 (Pt 6): 2145–2165. doi:10.1099/00207713-51-6-2145. PMID 11760958.