Hendrik Venter
Ds. Hendrik Bernardus Venter (distrik Burgersdorp, Kaapkolonie, 11 Februarie 1847 – plaas Rosslyn, distrik Barkly-Oos, datum onbekend) was van 1880 tot 1887 die eerste predikant van die Gereformeerde kerk Barkly-Oos, waarna hy uit die amp bedank het.
| Ds. Hendrik Bernardus Venter | |
| |
Ds. H.B. Venter
| |
| Naam | Hendrik Bernardus Venter |
|---|---|
| Geboorte | 11 Februarie 1847 Distrik Burgersdorp, Kaapkolonie |
| Sterfte | Onbekend plaas Rosslyn, distrik Barkly-Oos |
| Kerkverband | Gereformeerde Kerk |
| Gemeente(s) | Barkly-Oos (1880–'87) |
| Jare aktief | 1880–1887 |
| Kweekskool | Burgersdorp |
,_en_hul_dogter,_Fransina_Margaretha.jpg)
Hendrik Bernardus Venter, gebore presies 12 jaar voor die stigting van die Gereformeerde Kerk op 11 Februarie 1859 te Rustenburg, was ’n seun van Hendrik Stephanus Venter en Levina Catharina Kruger. Sy geboorteplek word aangedui as die distrik Burgersdorp, maar destyds het Albert (soos die distrik bekendstaan) ’n veel groter gebied as tans beslaan, wat beteken sy ouers se plaas kon in die latere distrik Barkly-Oos gewees het. Met die stigting van Barkly-Oos se Gereformeerde gemeente in 1871 was Venter onderwyser op die plaas Strydfontein aan huis van H.G.L. Kruger. In 1872 is hy ingeskryf as student aan die Teologiese Skool Burgersdorp, want pas drie jaar vantevore gestig is. In 1880 het hy sy eerste enigste beroep aangeneem, dié na Barkly-Oos. Intussen is getroud met Margaretha Johanna Maria Lessing. Hul dogter (blykbaar enigste kind), Fransina Margaretha, is op 10 Oktober 1883 gebore, op pres. Paul Kruger, ’n Gereformeerde ook geboortig uit Noordoos-Kaapland, se 58ste verjaardag.
Die tydperk van ds. Venter se bediening in Barkly-Oos was vrugbaar in die opsig dat die gemeente steeds gegroei het en gedurende die sewe jaar 'n nuwe kerkgebou sowel as 'n nuwe pastorie opgerig is. Maar nadat op 16 Augustus 1887 'n klagskrif teen hom voor die kerkraad gelê is, het hy op 25 Augustus 1887 sy bedanking as herder en leraar by die kerkraad ingedien. In die brief waarin hy sy ontslag as predikant aanvra, voer hy die volgende redes daarvoor aan (uit die Nederlands vertaal): "Die redes wat my hiertoe beweeg, is die liefde wat ek vir die Gereformeerde Kerk het en daar ek merk dat ek nie aan almal voldoening gee nie en ek liewer terugtree tot bewaring van die gemeente. Terwyl ek verder verklaar dat ek tot die besluit gekom het onder biddende opsien tot die Groot Herder en vertrou dat u my en die myne steeds sal gedenk".
Omdat daar destyds 'n nypende tekort aan opgeleide onderwysers was, het hy daarna tot die onderwys teruggekeer en baie jare lank skoolgehou in die distrik van Barkly-Oos op Rosslyn, die plaas van sy swaer, waar hy ook oorlede en begrawe is.
Bronne
wysig- (af) Smit, ds. P.A. (red.). Die Gereformeerde kerk Barkly-Oos Gestig 4 Augustus 1871, op die plaas Strydfontein. Gedenkalbum by geleentheid van die eeufees. Barkly-Oos: Eerwaarde kerkraad van die Gereformeerde kerk Barkly-Oos.