Albert
Die landdrosdistrik, afdelingsraadgebied en kiesafdeling rondom Burgersdorp in die Oos-Kaap het aanvanklik as Albert bekendgestaan.
Die distriksgrense is in 1848 vasgestel as die Oranjerivier in die noorde, die distriksgrense van Aliwal-Noord in die ooste, Wodehouse en Molteno in die suide en Steynsburg en Venterstad in die weste.
In die tweede helfte van die 19de eeu was Albert 'n brandpunt in die ontwaking van Afrikaner-nasionalisme in die Kaapkolonie. Veral op inisiatief van D.P. van den Heever is 'n boerevereniging gestig wat hom sterk beywer het vir die gebruik van Nederlands in die parlement. 'n Gevolg hiervan was die stigting van 'n tak van die Afrikanerbond sowel as 'n koerant op Burgersdorp.
Vanaf Uniewording tot 1948 het die volgende persone die kiesafdeling in die Kaapse parlement verteenwoordig: die bekende senior advokaat en minister Henry Burton van 1910 tot 1915, ds. Louis Vorster van 1915 tot 1920, Charles Arthur Augustus Sephton van 1921 tot 1924, Lourens Jacobus Steytler van 1924 tot 1938 en dr. Frederik Hendricus Boltman van 1938 tot 1948.
Albert, prinsgemaal, die man van koningin Victoria, se naam is aan hierdie distrik sowel as aan die dorp Prins Albert gegee. Albertinia se naam het 'n ander herkoms.
Sien ook wysig
Bibliografie wysig
- Ensiklopedie van die Wêreld, deel 1. Stellenbosch: Albertyn-Uitgewery, 1992. ISBN 0-949948-18-7
- Standard Encyclopaedia of Southern Africa, deel 1. Kaapstad: Nasou, 1970.