Henry George Flanagan
Henry George Flanagan (22 Januarie 1861 – 23 Oktober 1919) was 'n plantversamelaar, reisiger, plantkundige en boer wat in die Kaapkolonie gebore is.[1] Hy het 'n bekende tuin vir inheemse Suid-Afrikaanse bome en skaars eksotiese plante ontwikkel. Greyia flanaganii, 'n seldsame endemiese plant van die Oos-Kaap, is een van verskeie plante wat ter ere van hom genoem is.[2]
Biografie wysig
Flanagan is op 22 Januarie 1861 in Komga, Kaapkolonie, gebore. Hy was die seun van die Ierse immigrant George Millin Flanagan en Ann Pitt. Hy was die sesde van nege kinders en die oudste seun. Hy het na die openbare skool in Komga, Kaapkolonie gegaan. Hy het op Prospect Farm in die Komga-distrik geboer.
Werkslewe wysig
Afgesien van sitrusboerdery was Flanagan 'n plantkundige. Vroeg in Februarie 1889 het hy plante begin versamel en sy proefmonsters noukeurig uitgesoek en bewaar. Hy het proefmonsters aan herbaria en ander instansies, soos die Albany Museum in Grahamstad, Kaapkolonie, die regering se plantkundige in Kaapstad en die Royal Botanic Gardens, Kew geskenk. Beide die museum se direkteur Selmar Schonland en die plantkundige Peter MacOwan van die Suid-Afrikaanse regering het erkenning gegee aan Flanagan se werk. Schonland het gesê: "hy is 'n versamelaar wat proefmonsters uitstekend voorberei het en 'n aantal tipe-proefmonsters en skaars plante omhels het wat nie voorheen in ons versameling verteenwoordig was nie." MacOwan het sy proefmonsters by die Suid-Afrikaanse Regering Herbarium gevoeg. Beide Schonland en MacOwan was gerespekteerde plantkundiges, wat wêreldwyd erken is. Harry Bolus, 'n plantkundige, het hom gehelp met die eksemplare na Engeland. Bolus saam met Flanagan se vrou Florence het hom op reise vergesel. Hulle het gereis en navorsing gedoen by die Groot-Keirivier, Bethulie, Heilbron, Molteno, Aliwal-Noord, Pondoland, Burgersdorp, Port St. Johns, Kimberley, Noord-Kaap, Lesotho, Robbeneiland, Rhodesië en Mont-Aux-Sources. Hy was ook die skrywer van talle boeke oor plante.
Organisasies wysig
Flanagan is in 1898 tot 'n genoot van die Linnean Society verkies. In 1902 word hy lewenslange lid van die Suider-Afrika Vereniging vir die Bevordering van Wetenskap .
Familielewe wysig
Hy trou op 9 Desember 1890 met Florence Sarah Reynolds in die St Paul's Church in Komga. Florence was die dogter van Charles Francis Reynolds en Janet Natal Walker. Hulle het geen kinders gehad nie. Hy is op 23 Oktober 1919 in King William's Town oorlede.
Plante genoem ter ere van hom wysig
Die Greyia flanaganii, 'n lenteblommende, Suid-Afrikaanse struik met helderrooi, klokvormige kroonblare, is na Flanagan vernoem. Dit is in 1998 as die boom van die jaar in Suid-Afrika aangewys
Ander plante wat na hom vernoem is, sluit in:
- Bryopsis flanaganii
- Cassipourea flanaganii
- Cyrtanthus flanaganii
- Erica flanaganii
- Euphorbia flanaganii
- Gladiolus flanaganii [2]
- Impatiens flanaganiae
- Muraltia flanaganii
- Protea flanaganii
- Raphionacme flanaganii
- Scolopia flanaganii [3]
- Selago flanaganii
- Zaluzianskya flanaganii
Impatiens flanaganiae is vernoem na sy vrou Florence nadat sy dit by Port St. Johns ontdek het.
Nalatenskap wysig
Die plante in sy tuin is uit sy testament aan die Suid-Afrikaanse Regering geskenk. Hulle is na die Uniegebou geskuif en plantarea word die Flanagan Arboretum genoem.