Gewone wildepietersieliebos

Die gewone wildepietersieliebos (Heteromorpha arborescens) is 'n struik of klein boompie met 'n yl loof en neerhangende takke. In struikvorm is die takke oop. Die plant groei in klipperige heuwelhange en koppies. Die bas is kenmerkend koperbrons en wasagtig. Dit dop ook in papieragtige stukke af. Die blare is op verskillende wyses saamgestel en gee 'n aromatiese pietersieliegeur af wanneer dit fyngedruk word. Die gelerige blomme lok skoenlappers.

Gewone wildepietersieliebos
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Asterids
Orde:	Apiales
Familie:	Apiaceae
Genus:	Heteromorpha
Spesie:	H. wildepietersieliebos
Binomiale naam
Heteromorpha wildepietersieliebos (Spreng.) Cham. & Schltdl., (1826)
Sinonieme
Bupleurum arborescens Thunb. Buprestis arborescens Spreng. Franchetella arborescens (Spreng.) Kuntze Tenoria arborescens (Spreng.) Spreng.

Die plant word in Suid-Afrika vir tradisionele behandelings gebruik. Die wortels word saam met melk of bier teen pyn aangewend. Die aktiewe komponent is 'n anti-inflammatoriese kumarien, 6,7-dimetoksi-2H-chromen-2-oon. Die boom se hout is baie sag en word deur die Xhosa's vir musiekinstrumente gebruik.

Verspreiding

Die boom is inheems in Angola, Botswana, Burundi, Eritrea, Eswatini, Ethiopië, Jemen, Kenia, Lesotho, Malawi, Mosambiek, Namibië, Rwanda, Soedan, Suid-Afrika, Tanzanië, Uganda, Zambië en Zimbabwe.

Subspesies

Die spesies het vier subspesies:

• Heteromorpha arborescens var. abyssinica (Hochst. ex A.Rich.) H.Wolff
• Heteromorpha arborescens var. arborescens
• Heteromorpha arborescens var. collina (Eckl. & Zeyh.) Sond.
• Heteromorpha arborescens var. frutescens P.J.D.Winter

Sien ook

• Alfabetiese lys van Suid-Afrikaanse bome

Bronne

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
• REDLIST Sanbi
• Plants of the World Online

Eksterne skakels

• Wikimedia Commons het meer media in die kategorie Gewone wildepietersieliebos.
• Wikispecies het meer inligting verwant aan Gewone wildepietersieliebos