Hollywood in my huis

(Aangestuur vanaf Hollywood in my Huis)

Hollywood in my Huis is 'n Afrikaanse rolprent wat op 26 Junie 2015 in Suid-Afrikaanse teaters begin draai het. Die film is hoofsaaklik in Vasco en aan die Hoërskool Brackenfell geskiet. Tonele is ook in Fisantekraal, Observatory en Kaapstad verfilm. Dit is aanvanklik op 31 Augustus 2014 tydens die kykNET Silwerskermfees in Kampsbaai vertoon, waar dit met drie pryse bekroon is: die "Kenners-keuse", die "Gehoor-gunsteling" en die "Gehoor-gunsteling aktrise" (Christia Visser).

Hollywood in my Huis
Regisseur Corne van Rooyen
Draaiboek Corne van Rooyen
Rene van Rooyen
Met Christia Visser
Christia Visser
Edwin van der Walt
Leandie du Randt
Brandon Fourie
Nicola Hanekom
Louw Venter
Francois Jacobs
Musiek deur Ben Ludik
Kinematografie Zenn van Zyl
Verspreider Indigenous Film Distribution
Uitgereik 26 Junie 2015
Speeltyd 90 minute
Land Suid-Afrika
Taal Afrikaans
Amptelike webtuiste
IMDb-profiel

Genre wysig

Die rolprent is 'n romantiese komedie wat teen die agtergrond van 'n matriekafskeid in 2004 afspeel. Dit het 'n ouderdomsperk van 7–9 OL (ouerleiding vir taal) en is van Engelse onderskrifte voorsien. Die rolprent se slagspreuk is: "Soms moet jy net aanvaar dat jou familie en almal om jou eintlik jou Hollywood is..."

Hoofrolspelers wysig

Christia Visser, Edwin van der Walt, Leandie du Randt, Brandon Fourie, Nicola Hanekom, Louw Venter, Francois Jacobs en Marga van Rooy.

Storielyn wysig

Jana van Tonder (Christia Visser) is 'n doodgewone matriekmeisie. Sy woon saam met haar ouers, Beatrice en Tos van Tonder (Nicola Hanekom en Louw Venter) aan die verkeerde kant van die treinspoor. Haar pa is werkloos en haar ma bedryf ‘n skoonheidsalon vanuit ‘n karavaan in die voortuin.

Dit is 2004 en haar matriekafskeid is om die draai. Wanneer sy op TV sien hoe Charlize Theron die Oscar wen, besluit sy om haar matriekafskeid in 'n Hollywood-glansgeleentheid te omskep.

Haar beste vriend is Frikkie (Edwin van der Walt), wat saam met sy ouma woon, maar sy is heimlik op Brandon (Viljé Martiz) verlief. Brandon is die skool se hartbreker en tenniskampioen. Sy is vasbeslote om hom te vra om haar na die matriekafskeid te vergesel. Jana ontsien geen moeite nie en kom nie eens agter dat haar beste vriend, Frikkie sy gevoelens vir haar probeer wys nie...

Sien ook wysig