J.B.O. is 'n "Fun-Metal" musiekgroep wat in 1989 in Erlangen gestig is. Hulle is veral bekend vir hulle parodië van meer bekende musiek. Aanvanklik het die groep meestal coverweergawes van bekende liedjies[1] in die rock- en popmusiekgenres gespeel, met humoristiese verdraaide lirieke en 'n Heavy metal-styl. Rondom 2000 het J.B.O. meer van sy eie komposisies begin gebruik, maar nie uitsluitlik nie. Die sterker fokus op sy eie komposisies, is ook te danke aan die feit dat baie van die beplande coverweergawes nie deur die oorspronklike skrywers goedgekeur is nie. Sekere van hierdie beplande tekste is op die groep se webwerf gepubliseer,[2] en ander word in konserte gespeel.

J.B.O.
Veit Kutzer, Ralph Bach en Hannes Holzmann op die Rockharz Open Air musiekfees in 2016
Agtergrondinligting
OorsprongErlangen, Duitsland
GenresFun Metal
Jare aktief1989–hede
EtiketteMegapress
Webwerfjbo.de
LedeHannes "G. Laber" Holzmann
Vito C.
Ralph Bach
Wolfram Kellner
Gewese ledeHolmer "a Bier" Graap (1989–2000)
Schmitti (1989–2000)

Geskiedenis wysig

Vroeë jare wysig

 
Die E-Werk in Erlangen, waar J.B.O. gestig is.

Die Band J.B.O. is oorspronklik deur die twee hoofspelers Hannes "G. Laber" Holzmann en Veit Kutzer alias "Vito C." as 'n suiwer pretprojek onder die naam "James Blast Orchester" gestig. Die naam was 'n verwysing na die bekende Duitse orkes "James Last Orchester" onder leiding van James Last. Hulle eerste beplande optrede was 'n verskyning op 29 Oktober 1989 op die Newcomer-Festival in Erlangen se E-Werk, waar die twee gereelde gaste was. In voorbereiding het hulle 'n paar stukke opgeneem. Onder van hulle eerste nommers was No Sleep 'til Bruck (Bruck verwys hier na 'n voorstad van Erlangen), 'n cover van No Sleep'til Brooklyn van die Beastie Boys, asook Instrumentalmedley I & II, wat later as Melodien für Melonen (melodieë vir spanspekke) herdoop is en die eerste weergawes van Kuschelmetal (snoesige metal), wat later die eerste lied op die debuutalbum Explizite Lyrik (Eksplisiete lirieke) van 1995 sou word.

No Sleep 'til Bruck is deur die plaaslike radiostasie "Downtown" gespeel en het die nommer een plek op die trefferlys bereik, alhoewel die groep tot op daardie stadium geen lewendige optredes gehad het nie. As gevolg van hierdie plasing is 'n kasset uitgegee in 'n mikro-uitgawe van 50 stuk.

Omdat die groep vir die eerste verskyning in die Erlangense E-werk twee verdere musikante nodig gehad het, is Holmer "a Bier" Graap as tromspeler en Thomas "Schmitti" Schmitt as baskitaarspeler ingeneem. Beide was vroeër in Holzmann se voormalige groep Fair Warning. 'n Kernelement van die groep se toerusting was die pienk tromstel van Graap. Hulle het dus besluit om pienk uitrustings te dra, en pienk is dus tot nou toe 'n sentrale element van J.B.O. se styl.

In 1994 is die liedjie Ein guter Tag zum Sterben ("'n goeie dag om te sterf") op die plaaslike radiostasies gespeel en die luisteraars het geleidelik begin om 'n opname van hierdie liedjie aan te vra. Aangesien daar nog geen weergawe te koop was nie, het die groep besluit om in die SAE Studio, waar Holzmann besig was met sy opleiding as 'n klankingenieur, die EP Eine gute CD zum kaufen! ("'n goeie CD om te koop!") op te neem. Die laaste lied van die CD, Hymne, is egter in die ateljee opgeneem deur Jay Meinl, wat saam met Vito C. en Wolfram Kellner (later 'n lid van Fiddler's Green en vanaf 2000 die tromspeler van J.B.O.) in die groep Carswell gespeel het.

Joe Raimond, een van die twee eienaars van die musiekuitgewer Musical Tragedies, toe 'n kontrak met J.B.O. gesluit. Benewens die bekende CD, is 'n beperkte uitgawe Vorm-CD uitgebring, in die vorm van 'n Kitzmann bierkis onder die titel Eine gute CD zum Saufen! ('n goeie CD om te suip!) met groen omslagkunswerk. Aan die einde van 1994 is die EP BLASTphemie as 'n kersopname uitgegee wat ook 'n tweede CD bevat het, met hash ('n cover van ZZ Top se "Tush") en Schlimme Nacht, schleimige Nacht ("Slegte nag, slymerige nag", 'n cover van "Stille Nag").

Die biermaatskappy Patrizier-Bräu AG in Fürth het as gevolg van 'n gedeelte van die lirieke van "Kitzmann-rock'n Roll" gedreig om regstappe te neem: "Geen and're bier is vir ons gereg, en van Patrizier voel ons sleg, ook Tucher find ons nie beter, proe soos reinste rioolwater." In verdere opnames van daardie lied is die twee handelsname verskuil deur hulle ageruit te speel.[3][4] In later nommers is "Patrizier" vervang met "Pariser Bier" (Paryse bier), wat tot 'n wederkerende grap ontwikkel het.

Explizite Lyrik en Laut! (1996 tot 1998) wysig

Die liedjies van die eerste jaar van die groep se geskiedenis, wat voorheen net in optredes gespeel is, het nou op die debuutalbum Explizite Lyrik verskyn. In die eerste drie maande is ongeveer 10 000 eksemplare verkoop, wat 'n wesentlike verkoopsukses vir die Band was. Teen 1998 het die plaat met 250 000 eksemplare goue status bereik. Aan die begin van Maart 1996 is die streng beperkte uitgawe Vorm-CD No Business like Shoebusiness in die vorm van die Dr. Martens-logo gepubliseer. Hierdie CD was beplan om 'n reeks van soortgelyke publikasies van ander groepe af te skop, maar die spesiaal gestigte plaatuitgewer "Dr. Martens Records" het egter gou bankrot gegaan en J.B.O. het nooit geld uit hierdie publikasie gemaak nie.

Op 13 Mei 1996 het J.B.O. by 'n konsert van die Beierse uitsaaikorporasie in die Alabamasaal in München opgetree. Die debuut-album, Explizite Lyrik het sodoende 'n herlewing ervaar, en het in Julie 1996 die 57ste plek op die Duitse platelys bereik, en 36 weke op die lys gebly. Die "Searock Festival" van 27 Julie by die Dechsendorfer Weiher is opgeneem vir 'n beperkte uitgawe EP Der weiße Hai im Dechsendorfer Weiher (Die wit haai in die Dechsendorf dam). Op 28 Augustus 1996 verskyn die EP Die Megra Hit Twingle, waarvoor twee video's geproduseer is: Mei Alde is im Playboy drin en Schlaf, Kindlein, Schlaf.

In die dieselfde jaar, het die platemaatskappy van James Last 'n klag teen J.B.O. ingedien aangesien die groep se naam tot verwarring kon lei, en geëis dat hulle ophou om CD's met die opskrif "James Blast Orchester" te versprei. Die groep het dus hulle naam verander na sy huidige vorm, met kleinskrif "James zensiert!chester" daaronder (m.a.w. met. Last se naam uitgewis). In 1997 het J.B.O oorgeskakel na die platemaatskappy Lawine/BMG, en op 5 Mei van daardie jaar het hulle tweede album onder die titel laut! ("hard!") verskyn met 'n eerste druk van 100 000 kopieë. Die platemaatskappy van Rammstein het egter 'n klag ingedien aangesien die kitaarriffs van Ein bisschen Frieden ('n cover van die poplied met dieselfde naam deur Nicole) direk uit die Rammstein-lied Wollt ihr das Bett in Flammen sehen geneem is. Die lied en die CD-boek is dus in latere drukkings aangepas, maar die eksemplare wat reeds in die winkels was kon wel verder verkoop word.

'n Week na sy publikasie, het die eerste uitgawe van laut! die dertiende plek op die Duitse albumlys behaal en dit het vir 20 weke op die lys gebly. Explizite Lyrik het ook daarby gebaat en het weer in die trefferlys verskyn. Die eerste twee albums se gesamentlike verkope het teen die einde van 1997 meer as 350 000 beloop (Explizite Lyrik 200 000 en laut! 150 000), maar die groep se tweede goue plaat het eers in 2009 gekom, toe laut! die 250 000 verkope mylpaal behaal het. Op 4 Mei 1998 het 'n kompilasie van die groep se partytjieliedjies uitgekom onder die naam ... und Spaß dabei.

Meister der Musik, Sex Sex Sex en Rosa Armee Fraktion (1998 tot 2002) wysig

J.B.O. se derde studioalbum, Meister der Musik ("Meesters van Musiek") is by die Comomeer in Italië in 1998 opgeneem. Die Album is op 14 September 1998 vrygestel, en het twee weke in die top 10 van die duitse albumlys deurgebring, met 'n hoogste rang van 6de plek. Op 7 Augustus 1999 het die groep hulle tienjarige bestaan gevier, en 'n "tuisvideo" in VHS formaat vrygestel, met verskeie konsertopnames, insluitend TV-optrede van 13 Mei in die Alabamasaal in München, asook 'n paar selfopgeneemde sketse. Die video is in 2009 in DVD formaat herdruk. Op 28 Augustus het J.B.O. hulle eerste internasionale konsert, in Luxemburg, gehad.

Vanaf Februarie tot Maart 2000 het J.B.O. in Tenerife aan hulle vierde Studioalbum gewerk. Tydens hierdie werk het Baskitaarspeler Schmitti en tromspeler Graap uit die groep bedank. Wolfram Kellner, 'n jarelange vriend van Vito uit die groep Fiddler's Green getree om by J.B.O. as tromspeler aan te sluit, en 'n paar maande later het Ralph Bach die nuwe Baskitaarspeler geword. In September is die album wat in Tenerife opgeneem is, onder die titel Sex Sex Sex ("Seks Seks Seks" - 'n woordspeling op "666") vrygestel, en het die 13de plek op die Duitse albumlys behaal.

Die groep het met hulle twee nuwe lede gesamentlik die grootste J.B.O. toer sover aangepak, waar 'n paar konserte (onder andere in die Hamburgse Hawe) opgeneem is vir 'n live album, wat op 1 Oktober 2001 onder die titel Live Sex vrygestel is. Vanaf Februarie tot Maart 2002 het hulle op die Kroatiese eiland Krk aan 'n vyfde studioalbum gewerk. Die album het onder die titel Rosa Armee Fraktion ("Pienk weermag groep", 'n sinspeling op die terreurgroep Rote Armee Fraktion) op 9 Februarie 2002 verskyn, en het netsoos die vorige album ook die 13de plek op die duitse albumlys behaal.

United States of Blöedsinn en Head Bang Boing (2003 tot 2007) wysig

In Desember 2003 het J.B.O. in Duitsland hulle sesde album opgeneem, wat op 2 Augustus 2004 onder die naam United States of Blöedsinn verskyn: Blöedsinn is 'n bewustelike verkeerde spelling van die Duitse woord vir "onsin". Die single Gänseblümchen (daisy) is deur die Duitse Federale Departement vir media skadelik vir jong persone as gevolg van 'n paar teksgedeeltes ondersoek, maar dit is besluit om dit nie onder ouderdomsbeperking te plaas nie. Hierdie album het nommer 6 in die albumlys behaal. Op 31 Julie 2004 het die groep hulle vyftienjarige herdenking onder die leuse "30 Halbe" ("30 helftes", 'n verwysing na halfliter bier) by die Dechsendorfer Weiher gevier. Hulle voormalige tromspeler Graap het hier verskyn en saamgespeel.

In 2005 was hulle een van baie ondersteuningsgroepe op die EuroSpeedway in Lausitz by die afskeidskonsert van Böhse Onkelz, by 'n skare van meer as 100 000. In Julie het die kompilasie-album Eine gute BLASTphemie zum kaufen ("'n goeie BLASTfemie om te koop") verskyn: dit was 'n samestelling van die groep se eerste EPs van J.B.O., met 'n paar minder bekende werke, en op 21 Oktober is dit gevolg deur die DVD TV Blöedsinn. Kort daarna het die kompilasie Für Anfänger ("Vir beginners") verskyn, 'n versameling van hulle beste werke tussen 1995 tot 2005, hoofsaaklik gerig op nuwe aanhangers.

Daarbenewens het J.B.O. in 2005 'n nuwe platemaatskappy, Megapress, gestig. Hulle eerste publikasie, op 13 Oktober 2006, was die EP Rock Muzik, wat plek 56 in die Duitse trefferlys bereik het. Hulle sewende Ateljee-album Head Bang Boing, die eerste vollengte album van Megapress, is op 28 September 2007 uitgegee, maar het die swakste gedoen van al die albums tot op daardie datum, met 'n 39ste plek op die Duitse albumlys.

I Don’t Like Metal en Killeralbum (2008 tot 2013) wysig

In Julie 2009 het J.B.O. met laut! hulle tweede goue plaat behaal. In dieselfde jaar verskyn die eerste single van die opkomende album: Angie – quit living on dreams, 'n cover van Falco se lied Jeanny, maar met verwysing na kansellier Angela Merkel. Voordat die CD op die mark gekom het, is die meegaande video op die Internet vrygestel, maar sonder om die groep bekend te maak: dit is onder die naam "Hells Angies" uitgegee. In die video is 'n geanimeerde gesig van Gerhard Schröder te sien. Op 14 Augustus 2009 is die studioalbum I don’t like Metal – I love it deur Megapress gepubliseer. Daar was ook 'n spesiale uitgawe met 'n bonus CD, men onder andere 'n gesamentlike optrede met Sepultura by die Earthshaker Festival op 19 Julie 2007.

Hierdie album het nommer 6 op die Duitse albumlys behaal. Op 10 Oktober 2009 het J.B.O. hulle 20-jarige bestaan onder die leuse "2000 jaar van J.B.O." gevier. Die optrede, met gaskunstenaars soos Vicki Vomit, is vir die live album 2000 Jahre J.B.O. opgeneem en verfilm, en het op 28 Mei 2010 verskyn. Die filmmateriaal is as 'n bonusskyf in die spesiale uitgawe ingesluit. In 2009 het verskeie herdrukke van ouer materiaal uitgekom. In Junie 2010 het die Nurembergse kultuurforum die groep as kunstenaar van die maand benoem.

Op 19 Augustus 2011 het hulle negende studioalbum, Killeralbum, verskyn. Dit het in sy eerste week van verkope nommer 3 in die Duitse albumlys bereik, die beste prestasie tot op datum. Die karakter "Ingrid" op die voorblad is 'n verwysing na die voorblad van die Iron Maiden album Killers met hulle karakter "Eddie". In Oktober 2011 het die CD Happy Metal Thunder verskyn, met Engelse vertalings van baie van hulle grootste treffers.

In Desember 2011 het 'n amptelike biografie van die groep, deur Carsten Dobschat en Andrea Jaeckel-Dobschat onder die titel Biographie des Blödsinns ("biografie van onsin") verskyn.

25-jarige Herdenking, Nur die besten werden alt, en 11 (sedert 2014) wysig

In 2014 het J.B.O. op die 25ste Wacken Open Air fees gespeel, en ook op die 17de Summer Breeze Open Air fees, om hulle 25-jarige bestaan te vier. Op 15 August van daardie jaar, het hulle tiende studioalbum Nur die Besten werden alt, ("Net die bestes raak oud") verskyn, hierdiekeer nie deur hulle eie uitgewer Megapress nie, maar eerder deur AFM Records. Die eerste lied van hierdie album, Schule aus ('n cover van Alice Cooper se School’s Out) is reeds aan die einde van Junie op die internet vrygestel. Op 18 Julie 2014 het die tweede digitale single, 4 Finger für ein Halleluja ("4 Vingers vir 'n Halleluja") die lig gesien, waarvoor 'n Video in die Erlangen Hugenotekerk opgeneem is.

In 2015, vir die 20-jarige herdenking van die vrystelling van die album Explizite Lyrik, het J.B.O. 'n groot toer deur Duitsland in twee fases begin, waar die vol-lengte Album (insluitend die kort sketse) live gespeel is. Verdere optredes het by verskeie feeste plaasgevind, onder andere hulle eerste optrede op die Full Metal Cruise in die Middellandse See, die Out and Loud fees in Geiselwind en die Metal Hammer Paradise in die vakansiepark Weißenhäuser Strand. Op 9 September is uiteindelik 'n video gemaak vir een van hulle bekendste liedjies Ein Guter Tag zum Sterben ("'n Goeie dag om te sterf"), wat reeds in 1994 verskyn het.

In 2016 is die elfde studioalbum 11 aangekondig en op 8 Julie vrygestel. Vooraf is die Lied Wacken ist nur einmal im Jahr ("Wacken is net een keer in 'n jaar") met 'n liriekevideo op YouTube vrygestel. Die video is vergesel met foto's wat deur die groep se ondersteuners ingestuur is. Musiekvideo's is ook vir Ich hätt gern mehr ("Ek sou graag meer wou hê") en Panzer Dance ("Tenk Dans") geskiet.

Die twaalfde Studio album met die titel Deutsche Vita is vir die lente van 2018 aangekondig.

Coverweergawes wysig

Titel Oorspronklike kunstenaar Oorspronklike titel Aanmerkings
Ace of Spades (umgepflügt) Motörhead Ace of Spades
Always Look on the Dark Side of Life Monty Python Always Look on the Bright Side of Life
Angie The Rolling Stones Angie
Angie – Quit Living on Dreams Falco Jeanny Op Angela Merkel gemik
Another Brick In The Wall Pink Floyd Another Brick in the Wall
Arschloch und Spaß dabei Bloodhound Gang Fire Water Burn
Bamberch – Freak City AC/DC Thunderstruck
Sin City
Bolle Berlynse Volkslied Bolle reiste jüngst zu Pfingsten
Bums bums bums bums Vengaboys Boom Boom Boom Boom!!!
Das Bier ist da zum Trinken Nancy Sinatra These Boots Are Made for Walkin’
Death Is Death Opus Live Is Life
Der Ossi sucht das Glück Franco Godi Viva La Felicità
Diggin’ the Nose (Hier bohrt der Boss noch selbst) Bruce Springsteen Born in the U.S.A.
Dio in Rio United Balls Pogo in Togo
Dr. Met Doobie Brothers The Doctor
Drogen (Teil 3) Twisted Sister We’re not gonna take it
Ein bißchen Frieden Nicole Ein bißchen Frieden Dieselfde teks, maar met 'n stem wat soos Rammstein klink
Rammstein Wollt ihr das Bett in Flammen sehen? Net in die eerste druk van die album laut!
Ein Fest Village People Go West Mit die melodie van die Pet Shop Boys weergawe
Eine schöne Geschichte Manowar The Warrior’s Prayer Nie 'n direkte cover nie, maar soortgelyk in styl
Eins Zwei Drei Ricky Martin Maria Nie 'n direkte cover nie, maar soortgelyk in styl
Eistee’s Mainzelcount Body Count Born Dead
Ejaculatio praecox Nirvana Smells Like Teen Spirit
Fahrende Musikanten Nina & Mike Fahrende Musikanten Selfde teks
Frauen Herbert Grönemeyer Männer
Fränkisches Bier Udo Jürgens Griechischer Wein
Geh mer halt zu Slayer Righeira Vamos a la playa
Gimme Dope Joanna Eddy Grant Gimme Hope Jo'anna
Girls, Girls, Girls Sailor Girls Girls Girls
Glenn Leipzig: Mudder Glenn Danzig Mother

Gesing deur Vicki Vomit

Har Har Har ZZ Top La Grange
Hasch ZZ Top Tush
Head Bang Boing Manu Chao Bongo Bong
Heidi Heido Heida Accept Fast As A Shark Nie 'n direkte cover nie, maar soortgelyk in styl
Ich glaube du liebst mich nicht mehr Weird Al Yankovic You Don’t Love Me Anymore
Ich möcht so gerne Metal hör’n Truck Stop Ich möcht so gern Dave Dudley hör’n
Ich sag JBO! Captain Sensible Wot!
Ich schwör! All-4-One I swear
Ich vermisse meine Hölle Zlatko Ich vermiss dich wie die Hölle
Ich will, dass du mich willst Cheap Trick I Want You To Want Me
I Don’t Like Metal 10cc Dreadlock Holiday
Im Verkehr Johnny Wakelin In Zaire
Ist da irgendjemand da Scorpions Is There Anybody There
J.B.O. Manowar Carry On
Jenseits Nino de Angelo Jenseits von Eden
Jetzt ist halt heut Alexander Wertinski Dorogoi dlinnoju
Ka Alde, ka G'schrei Bob Marley No Woman, No Cry
Könige Rio Reiser König von Deutschland
Kuschelmetal Rod Stewart I’m Sailing Rock-medley uit verskillende werke
The Beatles Let It Be
Yellow Submarine
Gene Kelly Singin' in the Rain
Kansas Dust in the Wind
Skotse volkslied My Bonnie Lies over the Ocean
Ierse volkslied Drunken Sailor
John Denver Take Me Home, Country Roads
Lieber Fieber Peggy Lee Fever
Mandy Richard Kerr Brandy parodiëer ook Bunny Walters se cover weergawe Mandy
Scott English
M.E.T.A.L. Ottawan D.I.S.C.O.
Mei Alde is im Playboy drin J. Geils Band Centerfold
Melodien für Melonen Onbekend Romance Anónimo Rock-medley uit verskillende werke
Engelse volkslied Greensleeves
Jerrold Immel Dallas-Titelmelodie
Amerikaanse volkslied Yankee Doodle
Ludwig van Beethoven 4. Satz der 9. Sinfonie
Für Elise
Lynsey De Paul The Muppet Show
Metal No. 666 Pérez Prado Mambo No. 5 parodie van Lou Bega se cover weergawe Mambo No. 5 (A Little Bit Of …)
Metaller Lucilectric Mädchen
Mir sta'dd’n 'etz die Feier Billy Joel We Didn’t Start the Fire
Musiker Harpo Moviestar
Nein Mann Laserkraft 3D Nein Mann! met Doro Pesch
Noch ein Meister Mike Oldfield Shadow on the Wall parodie van Roger Chapman se weergawe, in 'n bokagtige blêrstem gesing
No sleep 'til Bruck Beastie Boys No sleep till Brooklyn
Nürnberg Groove Hello New York Groove
Oaargh! Wir sind Helden Nur ein Wort
Osama Toto Rosanna
Pabbarotti & Friends: Roots Bloody Roots Sepultura Roots Bloody Roots
Panzer Dance Marokkaanse volkslied A Ram Sam Sam parodieër ook die DJ Ötzi lied Burger Dance
Rache! Commodores Nightshift
Raining Blood Weather Girls It’s Raining Men Intro uit Raining Blood van Slayer
Rauch auf'm Wasser Deep Purple Smoke on the Water
Rock Muzik M Pop Muzik
Satan ist wieder da Willem Tarzan ist wieder da
Schlaf Kindlein, schlaf Metallica Enter Sandman
Schlumpfozid im Stadtgebiet Vader Abraham Das Lied der Schlümpfe parodieër ook die parodie deur Otto Waalkes
Schule aus Alice Cooper School’s Out
Skorpione – vom Winde verdreht Scorpions Rock You Like a Hurricane
Socken kauf ich nur noch bei Wöhrl John Fogerty Rockin’ All Over the World
Stille Nacht Joseph Mohr Stille Nacht, heilige Nacht
Franz Xaver Gruber
Sven Reverb: Nur geträumt Nena Nur geträumt parodieër Jan Delay se cover van Irgendwie, irgendwo, irgendwann (deur Nena)
Symphonie der Verstopfung Megadeth Symphony of Destruction
Tschibum Spider Murphy Gang Sch-Bum (S Leb’n is wiar a Traum) (Oorspronklike: "Sh-Boom (Life Could Be A Dream)" van "The Chords")
Tutti Frutti Little Richard Tutti Frutti
Vanhalien Harmonists: Jump Van Halen Jump a-cappella-weergawe
Wacken ist nur einmal im Jahr Endlich Kerwa Kerwa olé parodieër ook Peter Wackel se weergawe Malle ist nur einmal im Jahr
Walk with an Erection The Bangles Walk Like an Egyptian
Wessi-Girl Rick Springfield Jessie’s Girl
Wir ham' ne Party Backstreet Boys Everybody (Backstreet’s Back) ook in Engels as Let’s have a Party gecover
Wir ham’s geschafft! J.B.O. Sex Sex Sex Medley uit die genoemde liedjies, waar enkele woorde met „Schlumpf“ ("smurfie") vervang is
Marilyn Manson The Dope Show
Sodom Ausgebombt
Manowar Pleasure Slave
Wir sind die Champignons Queen We Are the Champions "ons is die kampioene"

Valslik toegeskryfde liedjies en coverweergawes wysig

Humoristiese coverweergawes van liedjies word dikwels verkeerdelik aan J.B.O. toegeskryf, omdat die verkeerdelik benaamde MP3-lêers op die internet versprei word. 'n Voorbeeld hiervan is Moskau, wat oorspronklike deur die groep Dschinghis Khan opgeneem is, en deur die groep Donald Dark, vriende van J.B.O., gecover is. Ander voorbeelde is Aldi schönen Sachen, Arbeitslos und Spaß dabei, Wohin mit Omas Leiche (deur Vicki Vomit) of Dosenbier macht schlau (deur Illegal 2001). Die Liedjie Arbeitslos und Spaß dabei het J.B.O. later saam met Vicki Vomit met J.B.O. se 20ste bestaansjaarherdenking live gespeel.[5]

'n Oorspronklike komposisie wat dikwels verkeerdelik aan J.B.O. toegeskryf word, is Das Anti-Teletubbie lied deur Marco Raap/For Heaven's Sake.

Die amptelike webwerf gee 'n lys van titels aan waarvan die oorspronklike nie deur J.B.O. is nie en ook nie deur hulle gecover is nie.[6]

Verwysings wysig

Eksterne skakels wysig