Jimmy Kruger
James Thomas "Jimmy" Kruger (20 Desember 1917 – 9 Mei 1987[1]) was 'n Suid-Afrikaanse politikus en het van 1974 tot 1979 as Minister van Justisie en Polisie in die Derde kabinet van John Vorster gedien. Hy was ook van 1979 tot 1980 president van die Suid-Afrikaanse Senaat.
| Jimmy Kruger | |
Minister van Justisie en Polisie
| |
| Ampstermyn 1974 – 1979 | |
| President | John Vorster |
|---|---|
| Voorafgegaan deur | Petrus (Peet) Pelser |
| Opgevolg deur | Alwyn Schlebusch |
President van die Senaat
| |
| Ampstermyn 1979 – 1980 | |
| Voorafgegaan deur | Lourens Muller |
| Opgevolg deur | Louis le Grange |
Persoonlike besonderhede
| |
| Gebore | 20 Desember 1917 Bethlehem, Oranje-Vrystaat |
| Sterf | 9 Mei 1987 (op 69) Irene, Transvaal |
| Politieke party | Nasionale Party |
| Eggenoot/-note | Susan Kruger |
Kruger is in Bethlehem aan Walliese ouers gebore en deur Afrikaanse ouers aangeneem. Hy was lid van die Nasionale Party in Suid-Afrika en was verantwoordelik vir die verbanning van die leier van die Swartbewussynsbeweging, Steve Biko. Toe Biko in polisie-aanhouding dood is, was Kruger se reaksie: "Dit laat my koud."
Kruger het aanvanklik volgehou dat Biko gesterf het weens 'n volgehoue eetstaking.[2] Hierdie uitlatings is deur die liberale Suid-Afrikaanse joernalis Donald Woods bevraagteken.[3] Deur die druk wat Woods toegepas het, het Kruger sy vroeëre stellings begin terugtrek en gesê Biko het bevel gegee dat pamflette wat "bloed en liggame in die strate" propageer, versprei word.[4]
Ná druk deur die internasionale gemeenskap het die Suid-Afrikaanse regering 'n ondersoek na die dood van Biko begin. Die regter in die saak het bevind dat Biko gesterf het weens breinskade wat deur 'n kopbesering opgedoen is. Dit het die einde van Kruger se loopbaan beteken. Die regering het besluit dat Kruger se optrede die land in 'n verleentheid gestel het en het daarop aangedring dat hy bedank; hy was uiteindelik nie net sy ministerspos kwyt nie, maar ook sy lidmaatskap van die Nasionale Party.
Hy is oorleef deur sy vrou, Susan, 'n skrywer, met wie hy op 27 Februarie 1943 getroud is, en seuns, Eugene en Eitel.[5]
Kruger in films
wysigKruger is in die volgende rolprente uitgebeeld:
- In die rolprent Cry Freedom (1987), is Kruger deur John Thaw vertolk.
- In die rolprent Goodbye Bafana (2007), is Kruger deur Norman Anstey vertolk.
Verwysings
wysig | Hierdie artikel omtrent ’n Suid-Afrikaanse politikus is ’n saadjie. Jy kan Wikipedia help deur dit uit te brei. |