Johanna Ibrahim
Johanna Ibrahim (Siries: يوحنا إبراهيم), ook bekend as Gregorios Johanna Ibrahim (gebore 18 Augustus 1948) is die Siries-Ortodokse aartsbiskop van Aleppo.
.jpg)
Lewe
wysigIbrahim is in Qamishly, Sirië, gebore. Hy het van 1973 tot 1976 kerkstudies en kerkreg in Rome studeer. Hy het in 1973 ’n monnik geword, in 1976 ’n diaken en toe ’n priester en in 1979 ’n biskop. In 1988 het hy die uitgewery Al Raha Mardin in Aleppo gestig.[1]
Ibrahim het verskeie grade behaal, onder meer ’n doktorsgraad van die Universiteit van Birmingham in Brittanje. Voordat hy ’n biskop in Sirië geword het, het hy posisies beklee in Irak, Swede, Nederland, België en Libanon. Hy was op die komitee van verskeie internasionale godsdiensrade.[2][3]
In 2013 is Ibrahim en die Grieks-Ortodokse metropolitaan van Aleppo, Boulos Jazidji, deur militante in die Siriese Burgeroorlog ontvoer; dit was ’n paar jaar lank onbekend wat van hulle geword het.[4] Die program Beloning vir Reg het $5 miljoen uitgeloof aan iemand met inligting oor die ISIS-netwerk wat verantwoordelik was vir die ontvoering van hulle en drie ander geestelikes, Maher Mahfouz, Michael Kayyal en Paolo Dall'Oglio.[5] In Januarie 2020 het die Vatikaanstad se nuusagentskap, Agenzia Fides, berig oor ’n verslag deur Mansur Salib, wat in die berig beskryf word as ’n "Siriese burger in die Verenigde State", wat in ’n blog op Medium.com gepubliseer is. Daarin word beweer die twee biskoppe is in 2016 vermoor.[6]
Sien ook
wysigVerwysings
wysig- ↑ Orthodoxia. "Gregorios Yohanna Ibrahim - Names - Orthodoxia". Orthodoxia.ch. Besoek op 26 Maart 2017.
- ↑ "Oriental Orthodox Church: October 2012". Orientalorthodox.blogspot.com. Besoek op 26 Maart 2017.
- ↑ "Up to the Minute: "The Deteriorating Situation in Syria: Update from the Syrian Orthodox Archbishop of Aleppo," 24 Oktober | Woodrow Wilson School of Public and International Affairs". Wws.princeton.edu. 24 Oktober 2012. Besoek op 26 Maart 2017.
- ↑ News Regarding the April 2013 Abductions of Bishops in Syria.
- ↑ "ISIS Kidnapping Networks". Rewards for Justice. Besoek op 1 Augustus 2019.
- ↑ "Abducted Syrian hierarchs killed in 2016, according to new investigative report". OrthoChristian.Com. 16 Januarie 2020. Besoek op 17 Januarie 2020. Hulle haal aan uit Fides, Agenzia (17 Januarie 2020). "ASIA/SYRIA - Journalistic investigation". Agenzia Fides. Besoek op 17 Januarie 2020.
In die finale seksie beweer die ondersoek dat die twee biskoppe vermoor en op 'n ongespesifiseerde plek begrawe is in Desember 2016, terwyl gebiede oos van Aleppo weer deur die Siriese weermag teruggeneem is. Dit verskaf egter in sekere paragrawe nie genoeg besonderhede om vir seker te weet dit is wat met die biskoppe gebeur het nie.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
