Paulus (Jazidji)
Paulus (Jazidji) van Aleppo (ook bekend as Boelos Jazidji; gebore 1959) is die metropolitaan van die Grieks-Ortodokse Kerk van Antiogië in Aleppo, Sirië. Hy is van die Kerk van die Mariahemelvaart.
Lewe
wysigPaulus is in 1959 in die kusstad Latakia, Sirië, gebore. Nadat hy in 1985 ’n graad in siviele ingenieurswese behaal het, is hy tot diaken gewy en het hy teologie aan die Universiteit van Thessaloniki studeer. Hy het in 1989 ’n BA-graad behaal, in 1992 ’n meestersgraad en daarna sy doktorsgraad. Hy het ook op berg Athos studeer.
Paulus is in 1992 tot priester gewy en was deken van die instituut vir teologie van 1994 tot 2000, toe hy verkies is tot metropolitaan van Aleppo. Sy broer is Johannes X van Antiogië, die huidige patriarg van die Grieks-Ortodokse Kerk in Sirië.
In 2013 is Paulus en die Siries-Ortodokse aartsbiskop van Aleppo, Johanna Ibrahim, deur militante in die Siriese Burgeroorlog ontvoer; dit was ’n paar jaar lank onbekend wat van hulle geword het.[1] Die program Beloning vir Reg het $5 miljoen uitgeloof aan iemand met inligting oor die ISIS-netwerk wat verantwoordelik was vir die ontvoering van hulle en drie ander geestelikes, Maher Mahfouz, Michael Kayyal en Paolo Dall'Oglio.[2] In Januarie 2020 het die Vatikaanstad se nuusagentskap, Agenzia Fides, berig oor ’n verslag deur Mansur Salib, wat in die berig beskryf word as ’n "Siriese burger in die Verenigde State", wat in ’n blog op Medium.com gepubliseer is. Daarin word beweer die twee biskoppe is in 2016 vermoor.[3]
Galery
wysig-
Kerk van die Mariahemelvaart in Aleppo. -
’n Smal straatjie in die Christelike kwartier van Aleppo.
.jpg)
.jpg)
Sien ook
wysigVerwysings
wysig- ↑ News Regarding the April 2013 Abductions of Bishops in Syria.
- ↑ "ISIS Kidnapping Networks". Rewards for Justice. Geargiveer vanaf die oorspronklike op 1 Augustus 2019. Besoek op 1 Augustus 2019.
- ↑ "Abducted Syrian hierarchs killed in 2016, according to new investigative report". OrthoChristian.Com. 16 Januarie 2020. Besoek op 17 Januarie 2020. Hulle haal aan uit Fides, Agenzia (17 Januarie 2020). "ASIA/SYRIA - Journalistic investigation". Agenzia Fides. Besoek op 17 Januarie 2020.
In die finale seksie beweer die ondersoek dat die twee biskoppe vermoor en op 'n ongespesifiseerde plek begrawe is in Desember 2016, terwyl gebiede oos van Aleppo weer deur die Siriese weermag teruggeneem is. Dit verskaf egter in sekere paragrawe nie genoeg besonderhede om vir seker te weet dit is wat met die biskoppe gebeur het nie.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
