Kasha Potgieter (* 12 Augustus 1951) is ’n Afrikaanse skrywer en wenner van die Sanlam-Insig-KykNet-romanwedstryd van 2003 met haar romanAan die oorkant”.

Lewe en werk wysig

Kasha van Rooy is op 12 Augustus 1951 op Sabie gebore. Haar ouers is Antonie Charles Auguste van Rooy, skofbaas by Western Reefs goudmyn naby Klerksdorp en later sitrusboer, en Hester Aletta Minziena Horn, ’n laerskoolonderwyseres. Haar oudste broer, Jacobus Albertus, is op vierjarige ouderdom in 1948 oorlede, nog voordat sy gebore is. Sy het ’n jonger broer, Johan Charles. Sy word groot op ’n sitrusplaas in die Laeveld van Mpumalanga en matrikuleer aan die Hoërskool Rob Ferreira op Witrivier. Na skool werk sy in ’n bank en bly dan vir ’n jaar in Hillbrow. Dan word sy handelsverteenwoordiger en na ’n jaar op die pad beheer sy hierdie maatskappy se kantoor in Nelspruit vir vyf jaar. Sy ontmoet die boer Tjaart Potgieter en hulle trou op 5 Junie 1978 op Witrivier. Uit hulle huwelik word ’n dogter (Antoinette Charlee op 4 Oktober 1981) en ’n seun (Martin Cornelius op 13 November 1985) gebore. Hulle boer onder andere met tabak by Badplaas en begin dan ’n groothandel vleisbedryf in Pongola in Noord-Natal. Beide sy en haar man mis egter die plaaslewe en hulle trek in 1999. Om sakeredes boer haar man met tabak in Witrivier en sy boer met vee op Langkloof in die Amersfoort distrik, terwyl hulle mekaar slegs naweke sien. Sy reis graag in Afrika.

Skryfwerk wysig

Aan die oorkant[1]is ’n plaasroman waar die boervrou Lalie weens haar man Willie se sakebedrywighede die boerdery alleen moet behartig.[2] Sy knoop ’n verhouding aan met die jonger buurman Johan,[3] wat as wit kind deur swart mense grootgemaak word en dus ook sukkel om deel te word van ’n konvensionele blanke samelewing.[4] Hierdie gegewe en die innerlike stryd wat dit in die vrou meebring, vorm die kern van die verhaal.[5] Die roman is gevul met sensualiteit en ontroering en besin oor hoe die mens algaande leer om ’n masker te dra om die ware self te verbloem. Die titel verwys letterlik na die feit dat die minnaars aan die oorkant van die rivier van mekaar woon en figuurlik na hoe die hoofkarakters dit moeilik vind om in te skakel en dus eintlik altyd aan die oorkant staan, asook hoe groot die afstand binne ’n huwelik werklik kan wees. “Aan die oorkant” (toe nog onder die titel “Twee gesigte”) is in 2003 in manuskripvorm beide die debuut- en algehele wenner van die Sanlam-Insig-KykNet-romanwedstryd en is in 2004 op die kortlys vir die Universiteit van Johannesburg se Mardene Marais-prys vir debuutwerk. Sy skryf ook vir die kuns- en kultuurjoernaal Pomp.

Publikasies wysig

Jaar Publikasies
2004 Aan die oorkant

Bronnelys wysig

Boeke wysig

Tydskrifte en koerante wysig

  • Anoniem: “Boervrou wen groot met debuutroman”. “Rapport”. 20 April 2003
  • Van Noord, Peter: “Met woorde soos met diere”. “Insig”. Junie 2003

Internet wysig

Resensies wysig

  1. Brink, André P.: “Insig” April 2004
  2. Brunt, Dries: “Kakkerlak” Uitgawe 8, 2007
  3. Human, Thys “Rapport” 16 Mei 2004: http://152.111.1.87/argief/berigte/rapport/2004/05/16/R1/28/03.html[dooie skakel]
  4. Venter, L.S. “Beeld” 10 Mei 2004: http://152.111.1.88/argief/berigte/beeld/2004/05/10/B1/09/02.html[dooie skakel]
  5. Wasserman, Herman “Die Burger” 21 Junie 2004: http://m24arg02.naspers.com/argief/berigte/dieburger/2004/06/21/DB/9LDN/05.html[dooie skakel]