Kerguelenkool
Kerguelenkool (Pringlea antiscorbutica) is 'n blomplant in die familie Brassicaceae en is dus verwant aan kool. Die spesie groei op Heardeiland en die McDonaldeilande, die Crozet-, Prins Eduard-eilande, Marion- en die Kergueleneilande. Dié afgeleë rotseilande is naby die 50º suiderbreedtegraad geleë en word konstant deur sterk yswinde getref. Die Kerguelenkool is gevolglik selfbestuiwend aangesien vlieënde insekte nie in die omstandighede kan oorleef nie.
| Kerguelenkool | |
|---|---|
| |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | P. antiscorbutica
|
| Binomiale naam | |
| Pringlea antiscorbutica Hook. f.
| |
Die plant is eetbaar en bevat hoë hoeveelhede kalium. Die blare is ook ryk aan vitamien C, 'n eienskap wat dit in die tyd van seilskepe baie aantreklik onder matrose wat aan skeurbuik gely het gemaak het.