Kestellhof

Kestellhof is 'n voorstad van Kimberley, die hoofstad van die Noord-Kaap, Suid-Afrika.

Kestellhof
Voorstad
Kestellhof  Kestellhof se ligging in Noord-Kaap
Koördinate: 28°44′53″S 24°45′9″O
Land	Suid-Afrika
Provinsie	Noord-Kaap
Distrik	Frances Baard
Munisipaliteit	Sol Plaatje
Hoofplek	Kimberley
Oppervlak
• Totaal	0,51 km2 (0,20 vk. myl)
Bevolking  (2011)
• Totaal	841
• Digtheid	1 649/km2 (4 270/vk. myl)
Rasverdeling (2011)
• Wit mense	51,5%
• Indiërs/Asiërs	0,4%
• Bruin mense	8,9%
• Swart mense	39,0%
• Ander	0,1%
Taal (2011)
• Afrikaans	57,4%
• Tswana	24,1%
• Engels	11,1%
• Xhosa	1,9%
• Gebaretaal	1,5%

Die voorstad is genoem na ds. John Daniel Kestell (1854–1941). Die latere ds. Kestell het in 1871 uit Pietermaritzburg saam met sy vader per ossewa na die nuwe diamantveld hier vertrek waar hulle twee jaar lank gedelf het. Ná sy opleiding as predikant het hy in 1881 na Suid-Afrika teruggekeer en 'n beroep aanvaar as hulpprediker van die NG gemeente Dutoitspan, Kimberley. Op die diamantdorp van destyds met al sy verarmdes en verwaarloosdes rig hy in 1891 die Newton-tehuis vir hawelose kinders op. Begin 1894 het hy na die NG gemeente Harrismith vertrek. Die nabygeleë voorstad Albertynshof is ook na 'n plaaslike NG predikant genoem, ds. J.R. Albertyn.

Kestellhof is suidwes van die Groot Gat geleë en word begrens deur Rhodesdene in die weste, Hadison Park in die suidweste en New Park in die ooste.

Vir sensusdoeleindes beslaan Kestellhof 0,51 km². In 2011 was hier 841 inwoners van wie 51,5 persent wit was en 39 persent swart. Die res was meestal bruin. Net meer as 57 persent van die inwoners in daardie jaar se huistaal was Afrikaans en 24 persent Setswana.

Bron

• (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.