Griekwastad
Griekwastad is 'n dorp in die Noord-Kaap, Suid-Afrika. Die N8 nasionale pad gaan deur Griekwastad. Kimberley is ongeveer 150 km oos van Griekwastad. Dit was die eerste dorp wat in die land noord van die Oranjerivier gestig is.
Griekwastad (Griquatown) | |
|---|---|
 Hoofstraat van Griekwastad | |
  Griekwastad Griekwastad se ligging in Noord-Kaap | |
| Koördinate: 28°51′S 23°15′O / 28.850°S 23.250°O | |
| Land |  Suid-Afrika |
| Provinsie | Noord-Kaap |
| Distrik | Pixley ka Seme |
| Munisipaliteit | Siyancuma |
| Stigting | 1801 |
| Regering | |
| • Tipe | Plaaslike Munisipaliteit |
| Oppervlak | |
| • Totaal | 77,74 km2 (30,02 vk. myl) |
| Bevolking (2011)[1] | |
| • Totaal | 6 428 |
| • Digtheid | 83/km2 (210/vk. myl) |
| Rasverdeling (2011) | |
| • Wit mense | 3.8% |
| • Indiërs/Asiërs | 0.5% |
| • Bruin mense | 60.2% |
| • Swart mense | 33.3% |
| • Ander | 2.2% |
| Taal (2011) | |
| • Afrikaans | 95.4% |
| • Tswana | 2.3% |
| • Ander | 2.4% |
| Poskode (strate) | 8365 |
| Poskode (posbusse) | 8365 |
| Skakelkode | 053 |
Adam Kok
wysigAdam Kok II, 'n bevryde slaaf, het die Griekwa Khoihoi gelei vanaf Piketberg na die huidige Griekwastad. Adam het in die kombuise gewerk van die goewerneurs van die Kaap. Soos die blanke nedersetters meer die binneland in beweeg het, het Adam en die Griekwas al verder weg beweeg totdat hulle gedurende ongeveer 1800 hulself in die gebied van Griekwastad gevestig het. Daar het sommige fragmente van die Tswanas en Basters by hulle aangesluit.
Londense Sendinggenootskap
wysigDie Londense Sendinggenootskap het gedurende 1802 'n sending skool by "Leeuwenkuil" geopen. Die eerste sendelinge was William Anderson en Cornelius Kramer. Om weg te kom van die leeus wat 'n nabyleë watergat besoek het, het hulle die sendingstasie na Klaarwater verskuif. Klaarwater se naam is in 1813 na Griekwastad verander.
Griekwastaddistrik
wysigDie distrik is bees- en skaapwêreld en 'n verskeidenheid halfedelstene kom in die omgewing voor, veral tieroog. Boesmankuns kom op verskeie plekke in die distrik voor.[2]
Sien ook
wysig- NG gemeente Griekwastad
- Lys van dorpe in Suid-Afrika
- Esterhuysen, Matty: Unieke sendinggeld. In: Lantern. Tydskrif vir Kennis en Kultuur. Jaargang 18, nr. 1, September 1968
Verwysings
wysig- ↑ 1,0 1,1 1,2 1,3 "Hoofplek Griekwastad". Sensus 2011.
- ↑ Op Pad in Suid-Afrika. B.P.J. Erasmus. 1995 ISBN 1-86842-026-4
Eksterne skakels
wysig
Wikimedia Commons het meer media in die kategorie Griekwastad.
