Maak hoofkeuseskerm oop

Laurens van der Post (13 Desember 190616 Desember 1996) was 'n Suid-Afrikaanse skrywer. Hy is in 1906 in die Oranjerivierkolonie gebore. Hy word 'n joernalis en wend hom geleidelik tot die letterkunde toe.

Laurens van der Post
’n Beeld van die betrokke persoonlikheid.
Van Dijk met Sir Laurens van Der Post in 1994

Gebore (1906-12-13)13 Desember 1906
Philippolis, Oranjerivierkolonie
Oorlede 16 Desember 1996 (op 90)
Londen, Engeland
Nasionaliteit Vlag van Suid-Afrika Suid-Afrika
Ouers Christiaan Willem Hendrik en Lammie van der Post
Alma mater Grey-kollege, Bloemfontein
Beroep Skrywer
Bekend vir Anti-Apartheidsaktivis
Huweliksmaat Marjorie Edith Wendt (1928–1949)
Ingaret Giffard (1949–1996; sy dood)
Familie Christiaan Willem Hendrik van der Post sr. is getroud met Bernice (Reed) van der Post
Kind(ers) 4
Laurens van der Post Gedenksentrum in Philippolis

Sy eerste roman, In a Province, het in 1934 verskyn maar hy word eers na die Tweede Wêreldoorlog beroemd. Hy het in Abessinië, die Midde-Ooste en die Verre-Ooste geveg waar hy deur die Japaners gevange geneem is. Sy boek, Venture to the Interior, is in 1952 gepubliseer en het 'n internasionale blitsverkoper geword.

Dit is gevolg deur Flamingo Feather. Terwyl hy vir die Britse koloniale diens in Betsjoeanaland en elders gewerk het, het hy stof ingesamel wat saamgevat is in The Lost World of the Kalahari wat in 1958 gepubliseer is.

Gedurende die Tweede Wêreldoorlog het Van der Post waardevolle diens as kolonel in die Britse leer in Abessinië, die Midde- en die Verre Ooste gelewer en is hy deur die Japanners krygsgevange geneem.

Na die oorlog is die Britse onderskeiding, die CBE (Commander of the British Empire), aan hom toegeken en het 'n groot aantal reisverhale, romans, novelles en essays van hom verskyn. In 1964 het die Universiteit van Natal 'n eredoktorsgraad aan Van der Post toegeken vir sy skryf- en ontdekkingswerk.

Kenmerkend vir sy werk is die beskrywing van verhoudings tussen mense, sy kennis van die lewe van die San en sy belangstelling in die wysbegeerte en die psigoanalise. Die meeste van sy werk is liries, beeldryk en sterk outobiografies van aard. Dit is meestal gebaseer op sy eie ervaringe in Afrika, veral Suid-Afrika, waarmee hy altyd 'n noue band behou het, en op sy ervaringe gedurende die oorlog in die Verre Ooste.

Van der Post is later tot die Britse adelstand verhef en is die jongste Britse kroonprins, prins William, se peetvader. Sir Laurens van der Post het die volgende werke geskryf: In a province (1934), Venture to the in terior (1952), The face beside the fire (1953), Flamingo feather (1955), The dark eye of Africa (1955), The lost world of the Kalahari (1958), The heart of the hunter (1961), The seed and the sower (1963), Journey into Russia (1964), The hunter andthe whale (1967), A portrait of Japan (1968), A story like the wind (1972) en Jung and the story of our time (1975)

BronneWysig

Eksterne skakelsWysig