Lemoentjiedoring

Die lemoentjiedoring (Cassinopsis ilicifolia) is 'n immergroen klouterplant of 'n klein boompie wat tot 5 meter hoog en 5 meter breed kan word. Dit is 'n plant wat inheems is aan Eswatini, Lesotho, Suid-Afrika en Zimbabwe.[1] Dit kom in Wes-Kaap, Oos-Kaap, Vrystaat, KwaZulu-Natal, Mpumalanga en Limpopo voor en dit is op die SANBI-rooilys as 'veilig' (LC) gelys.[2]

Lemoentjiedoring
Blomme en vrug in Pretoria
Wetenskaplike klassifikasie
Koninkryk:
(geen rang):
(geen rang):
(geen rang):
Orde:
Familie:
Genus:
Spesie:
C. ilicifolia
Binomiale naam
Cassinopsis ilicifolia
(Hochst.) Sleumer, (1940)
Sinonieme
  • Cassinopsis capensis Harv. & Sond.
  • Cassine ilicifolia Hochst. ex Sond.
  • Cassine mucronata Turcz.
  • Hartogia ilicifolia Hochst.
  • Ilex dichotoma Bernh.

Die blare is glansend en teenoorstaande met getande rande. Die blommetjies is klein en daar is af en toe dorings. Die vruggies is sag en oranje wanneer ryp. Dit kan droogte en ryp weerstaan en kan in skadu of volson groei. Wildsbokke vreet die blare terwyl die vrugte deur voëls benut word.

Die vrugte is nie vir mense lekker nie, maar die sade van die vrugte is tradisioneel deur die Zoeloes as ornamente gedra. Hulle het ook die lemoentjiedoring se bas gebruik om 'n medisyne vir disenterie te maak.[3]

Lemoentjiedoring wat welig groei naby 'n fontein in KwaZulu-Natal
Lemoentjiedoring in struikbos

Sien ook wysig

Bronne wysig

  1. "Flora of Zimbabwe" (in Engels). Geargiveer vanaf die oorspronklike op 1 Augustus 2016.
  2. "SANBI-rooilys" (in Engels). Geargiveer vanaf die oorspronklike op 20 Mei 2020.
  3. Lemoentjiedoring 'n moet vir voëlkyk-tuin, Die Bronberger, 29 Januarie 2013

Eksterne skakels wysig