Magdalena K. P. Smith Meyer

Suid-Afrikaanse akaroloog

Magdalena Kathrina Petronella Smith Meyer (9 Oktober 1931 Leeudoringstad - 21 Oktober 2004) (bekend aan haar vriende as Lenie) was 'n akaroloog ('n mens wat bosluise en myte bestudeer) wat beskou was as 'n wêreld deskundige oor myte van landboukundige belang en bekend was as "die moeder van die rooi spinnekopmyte van die wêreld".[1] Sy het meer as 700 nuwe spesies en 25 nuwe genera beskryf, meestal van myte van landboukundige belang. Meyer was betrokke by die bevordering van biologiese bestryding van myte met behulp van roof myte, spinnekope en insekte.

Magdalena Kathrina Petronella Smith Meyer
Gebore(1931-10-09)9 Oktober 1931
Sterf21 Oktober 2004 (op 73)
Alma materUniversiteit van Potchefstroom

OpvoedingWysig

Lenie Meyer is op 9 Oktober 1931 op 'n plaas naby Leeudoringstad gebore. Sy het gematrikuleer aan Helpmekaar-kollege in Johannesburg in 1948. Meyer het in 1949 aan Universiteit van Potchefstroom ingeskryf waar sy in 1951 haar BSc. (cum laude) in Plantkunde en Dierkunde voltooi het; gevolg deur 'n MSc (cum laude) in Dierkunde in 1953 en 'n Hoër Diploma in Biblioteekkunde (cum laude) in 1958. Haar proefskrif vir haar DSc. in Dierkunde in 1959 is oor prostigmatiese myte (Acari Trombidiformes) wat met plante in Suid-Afrika geassosieer word.[1]

 
'n Rooimyt

LoopbaanWysig

Meyer het begin werk by die Instituut vir Plantbeskerming (PPRI) van die Suid-Afrikaanse Landbounavorsingsraad (LNR), gebaseer in Pretoria. In 1964 het sy 'n beurs van die Kanadese navorsingsraad ontvang en die volgende jaar het verskeie akaroloë in Kanada, die Verenigde State van Amerika en Europa besoek.[1]

In 1964 was sy aangestel as bestuurder van die Onderafdeling Ekonomiese Dierkunde (Arachnida en Nematologie) by die LNR en in 1970 is sy bevorder na assistent-direkteur van die PPRI. In 1989 was sy een van die eerste navorsers wat tot spesialiswetenskaplike bevorder is en in 1994, kort voor haar aftrede, is sy aangestel as senior spesialiswetenskaplike.[1]

Ondanks die feit dat sy afgetree het, het Meyer voortgegaan om as mede-navorser by die PPRI te werk.[1]

Meyer het toesig gehou oor 6 MSc.-studente en 7 DS-studente en het as eksaminator vir nog 14 studente opgetree gedurende haar loopbaan.[1]

BydraesWysig

Meyer het 'n belangrike rol gespeel in die ontwikkeling van Akarologie in Suider-Afrika, wat gelei het tot 'n beter internasionale begrip van sommige van die mees ekonomies- en landbou-belangrike landbouplae wat tot die spinnekopmyt-familie, Tetranychidae en die platmyt-familie Tenuipalpidae behoort. Sy het meer as 700 nuwe spesies en 25 nuwe genera van myte beskryf, waaronder die genera Capedulia, Coleacarus en Krugeria.[1]

In 1959 het Meyer die Nasionale versameling van Acarina gestig, wat nou een van die grootste mytversamelings in die Suidelike Halfrond is, met meer as 120 000 eksemplare, wat meer as 89 000 families, 2 700 spesies en 480 genera verteenwoordig, waarvan meer as die helfte gedurende haar tyd by die PPRI versamel is.[1][2]

Meyer het verskillende tegnieke ontwikkel vir die versameling van myte en het 'n belangrike bydrae gelewer tot die beheer daarvan op verskillende plante, waaronder sitrus, katoen, sagtevrugte, druiwe, bessies, groente, tabak en ander veldgewasse, blomme en sierplante. Sy was betrokke by die verspreiding van inligting oor die beheer van myte en was aktief betrokke by die registrasie van nuwe mytplaagdoders en in die advisering van chemiese ondernemings oor hul spuitproewe en die evaluering van die resultate daarvan.[1]

Meyer het spesiale pogings aangewend om die biologiese bestryding van myte met behulp van spinnekoppe, insekte en roofmyte te bevorder.[1] Hierdie roofmyte is versamel vanaf verskillende Acacia-spesies.[3]

Meyer het saamgewerk met navorsers van Costa Rica, Israel en Portugal en 'n identifikasiediens gelewer aan verskillende lande, waaronder Australië, Brasilië, Kanada, Hawaii, Indië, Iran, en die Verenigde State. Sy het verskeie lande in Suider-Afrika besoek, soos Angola, Malawi en Zimbabwe om hulle te adviseer oor ekonomies belangrike myte wat op verskillende gewasse voorkom.

ErkenningWysig

  • Meyer was tot 1997 hoofredakteur van die redaksie van die International Journal of Acarology (IJA)
  • In 1998 het die IJA die "MKP Meyer-genootskap" begin ter erkenning van haar bydraes tot Akarologie
  • Die IJA het haar weer toegeken vir haar bydraes tot Akarologie in 2002.

Geselekteerde publikasiesWysig

Meyer het meer as 100 wetenskaplike artikels gepubliseer, waaronder sewe memoires en twee handboeke oor myte wat op gewasse voorkom. Sy het 'n kontrolelys ontwikkel wat die 60 ekonomies belangrike mytplaagspesies in Suider-Afrika dek.[1]

Meyer het onder meer bygedra tot 'n hoofstuk oor Acari in die reeks boeke Bio-aardrykskunde en Ekologie van Suider-Afrika (Biogeography and Ecology of Southern Africa):

  • Smith Meyer, Magdalena K. P.; Loots, G. C. (1978). "Acari". Biogeography and Ecology of Southern Africa. Dordrecht: Springer Netherlands. doi:10.1007/978-94-009-9951-0_19. ISBN 978-94-009-9953-4. ISSN 0077-0639.

In 1983 het sy die eerste biodiversiteitsopname oor myte begin. Uit die gegewens wat in die opname ingesamel is, het sy vier referate gepubliseer oor die myt fauna van die Suid-Afrikaanse Nasionale Parke. Sy was ook senior skrywer van die eerste kontrolelys van Acari van die Ethiopiese streek en het artikels gepubliseer oor mytfauna van Kameroen, Kaap Verde, Costa Rica, Israel, Zimbabwe en Jemen.[1]

  • Ueckermann, E.A.; Van Harten, A. & Meyer (Smith) M.K.P. "The mites and ticks (Acari) of Yemen: an annotated check-list." in Fauna of Arabia.

ResearchGate lys elf van Meyer se publikasies, insluitend:

  • Meyer, Magdalena K.P. Smith (1999). “Two new spider mites (Acari: Tetranychidae) from Costa Rica”. International Journal of Acarology 25 (2): 111–120. doi:10.1080/01647959908683622.
  • Smith Meyer, Magdalena K.P. (1990). “Some new south African Eriophyidae (Acari: Eriophyoidea), with description of a new genus”. International Journal of Acarology 16 (2): 89–101. doi:10.1080/01647959008683518.
Wikispecies het meer inligting oor: Magdalena K.P. Smith Meyer

VerwysingsWysig

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Dippenaar-Schoeman, A.S. (1 Januarie 2005). “Dr Magdalena K.P. Meyer (Smith) (9 October 1931 - 21 October 2004)” (in Engels). African Plant Protection Research Institute 11 (1): 17–22.
  2. "NCA, Mite Collection". The Agricultural Research Council (in Engels). 11 Februarie 2020. Geargiveer vanaf die oorspronklike op 29 Oktober 2019. Besoek op 12 Februarie 2020.
  3. Meyer (Smith), M.K.P. (1990). “A review of species of Aceria Keifer (Acari: Eriophyidae) associated with Acacia spp” (in Engels). International Journal of Acarology 16: 149–173.

Eksterne skakelsWysig